Bedoro daidi 5:2 - Deoso-ka Yama Hani

² Kaneiro ewete mai ai natafa‑nima Deoso‑ka mai‑ya dai kanawatohi. Mai‑ya dai kanawatabone, yinero ihi toharihi, mai one tiwa‑ya yose ihi toharihi, mai‑ya tinofa, mai‑ya dai kasomabone tohabisahi.

Bedoro daidi 5:2 ပူးပေါင်းရင်းမြစ်များ

Roka 12:32

Oka dai amani. Dai habo siitoriyahi. Ai‑ka Abi dai‑ya nofe, dai nafi‑ka hidi kitabote tohawahebona‑ya dai saweboneni.

Yeso‑ka yo‑yose mai tamine 20:29

Owa nowati‑kaya mai one mai kamake, dai‑ya keyehe‑ya mai hirikanaboneni. Yomahi yama‑ke ene‑nima mai ihi naboneni. Yeso‑ka mai‑ya mai nokotonihebone, Satanasi ati‑ya mai tokadababonehe.

Yeso‑ka yo‑yose mai tamine 21:13

“Hini yamata ihi dai ohina? Dai ati ene owatibodi koma, Yerosare‑ya owa‑ya mai sokiniya, sibaraboneni. Yeso tamine ene owa‑ya mai nanahabiya, o·abiya, sibaraboneni.” Baoro ati nemarine.

Homa 1:15

Mai dami‑ya Yeso ati okaminabone Deoso ati ne. Homa‑ya okiya, dai‑ya Yeso Ati Amosabote okaminabone owatibodi ati nani.

Korito daidi 9:7

Sodado mai toha mai tafe manakone wadaterani. Yamata ai kama, kote ai kaba, manakone wadarihi, kaneiro mai ai nawada, mai yohari fahi ai fawa, manakone wadarihi teni.

Timoti daidi 3:3

Kawi ihi towe toharihi, Yinero‑ya nokotonirihi, mai one‑ya nofa, mai one‑ya weerihi, tene.

Timoti daidi 3:8

Deoso ati‑ya mai ka‑kanawato mai ihi amosa‑nima Deoso‑ka mai‑ya mai kasoma mai ihi tohaharihi. Keyehe‑ya mai hiririhi, kawi‑ya mai nokotonirihi, yinero‑ya mai nokotonirihi, mai nahi.

Tito 1:11

Keyehe‑ya mai hirineni, yinero‑ya mai kayafawahabonehe. Mai‑ya tiwati bariniyahi. Mai ati ihi yobe dami‑ya mai wi‑wina mai atibodi mai‑ya weeneni.

Tito 1:7

Ene amosare ai‑ya kanawatotere, ene amose‑ta ai‑ya kanawato tene. Hini‑ya kahiyare, Deoso‑ka mai‑ya kasoma, ai ati‑ya miteya, yawa kanibote ra, kawi ihi towe toharihi, ai one‑ya bisirihi, yinero‑ya nokotonirihi tene, tikadikayaho, Deoso‑ka mai‑ya kanawatobonaha.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Tito 3:1

Tito, mai tihiyarahi. “Ai‑ka hidi ati dai tokadaba, kofeno ati dai tokadaba, dai nahi. Ai one yama amosa‑ya mai anina, mai dai kasoma nahi.” Tiyahi.

Firimo 1:14

Tiwati omitara, tiwa tabaro‑ya Onesimo oyosematasineni. Owa‑ya tiwati kasomamone owatibodi ati na, hiniya tiwati omitara, owa‑ya i‑di Onesimo iti awirebona, tiwa‑ya oyosematasane.

Ebereo 12:15

Dai noko wadahi. Deoso dai‑ya kasomebona ati ne, dai ene amosanadira, dai‑ya kasomi awirebonane. Dai ati bida toha ene mai ibi nofaraboneni. Mai dami ihi amosaraboneni.

Bedoro yoto‑ke 2:3

Keyehe‑ya dai‑ya mai ka‑kanawato, hini mai ati‑ya dai‑ya mai kamineni, Deoso ati monaha. Yinero‑ya mai nokotonihe, keyehe‑ya mai hiriteni, dai‑ka yinero‑ya mai kayafabone, mai ihi‑ya Deoso watomata, mai manakone‑ya daaneya, mai ababoneni. Mai manakone daani‑ya Deoso fawaterebonane.