Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Bedoro daidi 5:14 - Deoso-ka Yama Hani

14 Deoso ati‑ya mai no‑nofa mai dai kobona, ai‑ka soho ai‑ka asima mai na mai‑ya ai kobona, ai‑nima dai ibi kobona dai nahi. Yeso‑ka dai toha, dai atibodi ati somahi.

အခန်းကိုကြည့်ပါ။ ကော်ပီ




Bedoro daidi 5:14
16 ပူးပေါင်းရင်းမြစ်များ  

Hini tika mai tihiyariya, mai one‑ya tihiyari awiriya, Deoso ya‑yaiterene. Bara hini mai one‑ya mai hiyarateni.


Dai habo siitoni awiraboneni. Bofe‑ka dai‑ya mai ati kasomabone mai kitara, mai ati‑nima owati ni awirini, owati ihi dai habo siitoraboneni. Dai atibodi yama‑ya dikariyahi. Dai habo siitoriyahi.


Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.


Oda‑ka hidi mai oda nayofina, Domiko yama soki‑ya yobe doro‑ya Yeso‑ya oda da‑daba oda yorotokana, nokobi oda barikana, Yeso oda teberi‑ya fodoki, “‘Deoso, dai‑ya kasomayaho.’ Oneni.” Ati nemarine.


Mahi 8 kane‑ya i‑di Tome oda‑ya sawi, oda yorotokanamatasa, nokobi oda barikana, Yeso oda teberi‑ya fodomakitase, “‘Deoso dai‑ya kasomayaho.’ Oneni.” Yeso ati nemarine.


Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.


Deoso ati dai no‑nofa dai ibi kobona, dai‑ka soho‑ya dai kobona‑nima dai ibi kobona, dai nahi. Yeso Kirisito ati‑ya mai no‑nofa mai tabori dami‑ya mai yorotokana, dai tamine‑ya mai hiyarineni.


Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.


Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.


Ahi‑ya mai wi‑wina, Deoso ati‑ya mai no‑nofa dai‑ya mai nofa, dai‑ya mai tamine okaminabone mai ati nineni. Dai ibi kobona, dai‑ka ayo dai kobona‑nima dai one‑ya dai kobona, dai nahi.


Deoso ati‑ya dai no‑nofa, dai ibi kobona, dai‑ka ayo dai kobona‑nima dai ibi kobona, dai nahi.


Yeso Kirisito‑ka ai toha, ai yati tohawaha, hibati‑ka ai ene amosaramaro, ai ene amosa yanarabateni.


Kirisito‑ka dai toha, dai‑ya onofineni. Ai‑ka Abi i‑di Deoso, Bidi i‑di Yeso Kirisito‑ya fame, dai‑ya mai kasoma, dai ibi nofa, dai ati soma,


Yeso‑ka dai toha, Yeso‑ka owa dai koboniya, dai ibi hiyara, dai ibi nofahi.


Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.


Tiwa‑ya owati foya, tiwa awa kanibote onabone oneni. Ai ibi koboniya, tiwa ohiyaraboneni.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ