Bedoro daidi 5:10 - Deoso-ka Yama Hani

¹⁰ Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Bedoro daidi 5:10 ပူးပေါင်းရင်းမြစ်များ

Roka 22:32

Deoso‑ya tiwa tamine ohiyarani, Deoso ati tinofasa tinabonehe. Owati tikadabamatasiya, mai one tikasomiyahi. Owati‑ya mai tokadabawahaboneni.” Yeso ati nematane.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 15:5

Dai tamine‑ya Deoso‑ya ohiyara, Deoso dai‑ya kasome ene dai atibodi ati fara hinama toha, Yeso Kirisito ati‑mata‑nima dai nabone, oteni.

Homa 16:25

Hibati‑ya yama mai hiwatoramete tamine‑ya Yeso owa‑ya kamine, fara dai‑ya okamina, dai‑ya Yeso kasoma, dai atibodi‑ya nakita, dai habo‑ya nakita nebonane.

Homa 9:11

Mai wadi awisariya, mai ihi amosi awisarihi, mai ihi towe tohi awisarihi niya, Deoso ati‑nima yama nabone ai watabone mai tamine‑bone‑ya Deoso hiyarematane.

Homa 9:24

Deoso‑ka ai tohabone Yodeo ai one toha, Bara ai one toha na, Deoso ai‑ya kasomebona, ai‑ya kadike, ai‑ya kayafematane.

Korito daidi 1:10

Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Korito daidi 1:9

Deoso dai‑ya haanemarine, Bidi i‑di Yeso Kirisito dai‑ka hidi tohe, dai‑ya sawibonaha. Ati‑nima tene.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Firibo 4:13

Yeso Kirisito kite ene owa kiti toha, Yeso ene yama anini dami owatowahineni.

Koroso 2:7

Awa habi bodi‑ya toka, sona kanibote terani. Fara‑nima Yeso ati ai tokadaba, Satanasi ati ai nofa kanibote terani. Kirisito ati‑ya dai‑ya mai kanawata, ati dai nofi ba‑basi naho. “Abi Deoso, amosabote amatini. Oda‑ya tikasoma, tiwa ene oda ya‑yaineni.” Dai ati nahi.

Tesaronika daidi 2:12

“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.

Tesaronika yoto‑ke 2:14

Hibati‑ya Deoso Ati Amosabote dai‑ya oda kamina, oda ati‑ya dai nofamaro, makobote ai‑ka Ayo i‑di Yeso Kirisito tabaro amosabote‑ya ai winawahaboneni.

Tesaronika yoto‑ke 2:17

Deoso ene dai atibodi somahi. Dai ati amosahi. Dai ene amosahari nahi.

Tesaronika yoto‑ke 3:3

Ai‑ka Ayo i‑di Yeso kitabote tohe, ati‑nima yama naboneni. Yeso dai‑ya nawadebonane, Satanasi ati dai nofarabonehe.

Timoti daidi 6:12

Deoso ati fawatiniriyahi. Deoso tiwa‑ya haanemari, tabaro‑ya tiwinabone, Deoso ati‑ya tinofamone, mai dami tiwati‑ya mai mita, mai ihi tiwa habo siitoriyahi. Satanasi tiwa‑ya kako, ati‑nima tiriyahi.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Bedoro daidi 1:15

Deoso ati amose hinama tohatene. Deoso dai‑ya kadike, ati‑nima dai na, dai ene amosa hinama tohawahi.

Bedoro daidi 4:10

Mai one‑ya dai kasomabone, yama wa‑wato Deoso dai‑ya daatene. Deoso dai‑ya kasomi‑nima dai one‑ya dai kasomaharihi.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.

Bedoro yoto‑ke 1:3

Deoso ai‑ya haanematane. Deoso‑ya ai kahiyarabone ene amosabote ai kaminebonane. Yeso Kirisito ati ai wato, Deoso kite ene yama ai kayafateni, bofe‑ya ai wi‑wina ai ene amosabonehe.

Yowaho daidi 2:25

Deoso Bidi i‑di Kirisito ai‑ya sawi, ai abaterabone ati nane.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.