Bedoro daidi 5:1 - Deoso-ka Yama Hani

¹ Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Bedoro daidi 5:1 ပူးပေါင်းရင်းမြစ်များ

Roka 24:48

Yama‑ya dai awamaro tamine dai kaminahi.

Yeso‑ka yo‑yose mai tamine 1:22

I‑di Yowaho Yeso‑ya habanirisemari‑ya awa, neme‑ya Yeso tokome‑ya awahari ai haanaho, Yeso kitami tamine‑ya hiyarebonaha.” Bedoro ati ne.

Yeso‑ka yo‑yose mai tamine 1:8

Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Yeso‑ka yo‑yose mai tamine 11:30

Mai‑ka yinero‑ya mai yorotokani wama, i‑di Banabe, i‑di Saoro mai fama, yinero‑ya mai towakama, Yeso ati‑ya mai no‑nofa mai‑ka bote mai‑ya yinero‑ya mai daanamoneni.

Yeso‑ka yo‑yose mai tamine 14:23

Sidadi‑nima Kirisito‑ka mai toha, mai‑ka webote mai‑bone mai‑ya Baoro mai kadika, mai eyehe Deoso‑ya mai hiyara, mahi owa‑ya Baoro mai tokabone, mai tafarani, Deoso‑ya mai kahiyarabonehe. Mai‑ya Baoro mai hiyara, “Yeso ati dai no‑nofa Deoso dai‑ya kasomayaho.” Mai ati namoneni.

Yeso‑ka yo‑yose mai tamine 15:4

Yerosare‑ya mai kobona, Kirisito‑ka mai‑ya mai hiyara, Yeso‑ka yo‑yose mai toha, bote mai toha na, mai‑ya mai hiyara, “Deoso oda‑ya kasome, oda ati ene Yeso ati‑ya Bara mai nofawahineni.” Mai ati na.

Yeso‑ka yo‑yose mai tamine 15:6

Yeso‑ka yo‑yose, bote mai‑ya mai yorotokanineni, Mose ati tamine‑ya mai hiyarabonehe.

Yeso‑ka yo‑yose mai tamine 2:32

Deoso ene Yeso kitame, kitami oda nafi awemari, tamine oda hiyarawahineni.

Yeso‑ka yo‑yose mai tamine 20:17

Mireto‑ya oda wina, Efesiyo‑ka mai‑ka yama hani‑bone‑ya Baoro kanahano, “Yeso‑ka bote dai toha, Mireto‑ya dai kamakiyahi.” Baoro‑ka yama hani ati nineni.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Yeso‑ka yo‑yose mai tamine 21:18

Mahi owa‑ya Baoro oda toka, i‑di Tiyako oda hiyarabone, I‑di Tiyako oda hiyara, Yeso‑ka bote mai toha na,

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Korito yoto‑ke 5:1

Yobe ewene kitare, aba kanibote tene. Yobe ewene kitare‑nima ai abano na, ai amoni fa‑famaraba niya, ai aba, neme‑ya ai abano bara Deoso ai‑ya daanebona, neme‑ka ai kayafa, abateraboneni.

Korito yoto‑ke 5:8

Ai‑ya mai nanahabiya, sibaraboneni. Ai habo siitora, ai abano atabo‑ya wamani toha‑ya ai sawimara, Yeso‑ya ai sawiya, yama amosabisaboneni.

Firibo 1:19

Deoso‑ya owa tamine‑ya dai hiyarahi, owa‑ya mai seekanabonehe. Yeso Kirisito‑ka Doni owa‑ya kasomeya, owa‑ya mai seekanaboneni.

Timoti daidi 5:1

Bote mai ihi amosara mai weetiriyahi. Abi tihiyari‑nima mai tihiyariyahi. Soho mai tihiyari‑nima yetene mai tihiyarahi.

Timoti daidi 5:19

Deoso ati‑ya mai ka‑kamina towe mai‑mone ai owa ati ne, ati tinofariyahi. Mai fama mai ati‑ta timitiyahi.

Timoti yoto‑ke 4:8

Owa manakone wadaboneni. Ai tati borone oro wamani‑ya tohaboneni. Ai ene amosa ai tati borone oro wamani‑ya tohabone, ai‑ka hidi i‑di Yeso ati nane. Ai ene‑ya kadikeya, ai manakone‑ya daanebonane. Yeso kamebona ai nimaniya, ai manakone wadaboneni.

Tito 1:5

Hibati‑ya Kereta‑ya ai winiya, tiwa ohiyaramaroni. “Kereta‑ya yama nafi hawa tohi awisara, fara tiwinahi. Mai tabori dami‑ya Deoso‑ka mai mai yorotokana, mai‑ka webote mai‑bone mai tikadikiyahi, mai‑ya mai kasomabonehe.” Onamaro, owati‑maro‑nima tinahi.

Firimo 1:9

Tiwa oyose awiraboneni. Tiwa onofi nafe, hiniya tiwa haa·onaboneni. Bote ama·oni. Yeso ati okamine ene kadeya‑ya owa‑ya mai nawaamaroni.

Ebereo 12:1

Deoso ati‑ya mai no‑nofa‑mete mai ihi ai awa, mai‑nima ai nahi. Deoso ati ai tokadaba, yama one ai nokotonira. Ai‑ya mai one awaboneni. Ai kananabone, yama kanaha‑ya ai weyeterani. Yama kanaha ai korotowitiya, ai honita kanateni. Ai ene amosara yama kanaha‑ya ai weyena‑nima teni, Satanasi‑ka keyehe ai tokadabamaro, ati ai nofami awireya, Deoso hawine‑ya ai yakaniya, ai kiti fawaraboneni.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Bedoro daidi 1:7

Oro‑ya mai awawama, yifo hiwe ihi oro fahi tohawamaya, yama bara sawe‑ya mai nanahaba, oro hinama tohaboneni. Makobote oro abawahaboneni. Yeso ati‑ya dai no‑nofa dai‑ya mai bisinabone, dai ene‑ya mai awaboneni. Yeso ati dai nofi yokana toha, ati dai nofi fawarebonane. Yeso kobonameya, Deoso dai‑ya kahiyara, hika wehene kote dai kayafaboneni.

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.

Bedoro daidi 5:4

Ai‑ya Na‑nawada i‑di Yeso Kirisito kameya, dai‑ya yama amosabote‑ya daanebonane. Ai tati borone oro wamani‑nima yama na‑ya dai‑ya daanebonane.

Yowaho daidi 3:2

Hibayata Deoso bidi ai toha, ai abano‑bone‑nima ai abano tohasa ra. Makobote Yeso kame, Yeso ai awiya, Yeso abano‑nima ai abano nawahaboneni.

Yowaho yoto‑ke 1:1

Yowaho bote ama·oni. Deoso‑ka mai‑ya ka‑kasoma ama·oni. Fana, owati tikadikiyahi. Hibati‑ya Deoso tiwa‑ya kadikemarine, Yeso ati‑ya tinofabonehe. Tiwa onofa, tika dao, tikoto mai na mai onofa, Deoso ati‑ya mai no‑nofa tiwa‑ya mai nofahari neni.

Yowaho faina 1:1

Yowaho bote ama·oni. Deoso‑ka mai‑ya ka‑kasoma ama·oni. Kayo, tika yama hani‑bone okanahanaboneni. Deoso ati ene tiwa onofi nafineni.

Yeso Kirisito ene‑bona 1:9

Yowaho ama·oni. Dai‑ka owa ama·oni. Deoso‑ya mai nofara ai‑ya mai weena, Yeso‑ya ai na‑narifa Deoso‑ka hawi bai‑ya ai maakiterani. Deoso ati onofa, i‑di Yeso tamine okamina ihi owa‑ya mai wata, faha webote bai‑ya wami itakosa, oni Batomosi toha‑ya owa‑ya mai nawineni.