Bedoro daidi 4:18 - Deoso-ka Yama Hani

¹⁸ Deoso hawine yakani kite tohe, ai yakana, Deoso tabaro‑ya ai kobonaboneni. Deoso ati‑ya mai nofara mai ihi amosara, ebeni‑kaya mai kobonibati?

Bedoro daidi 4:18 ပူးပေါင်းရင်းမြစ်များ

Roka 15:1

Kofeno‑ka yinero‑bona‑ya mai ha‑haa mai toha, mai ihi amosara mai toha, mai na, Yeso wai‑kaya mai yorotokanameteni, Yeso ati‑ya mai mitabonehe.

Roka 23:31

Hibayata awa yati‑ya mai sarikana, awa bote hirini kitaboneni.” Yeso ati nematane.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 27:24

Owa‑ya hiyare, ‘Baoro, tiwa habo si‑siiririyahi. Sesa‑ya tikaboneni. Tiwa‑ya mai sa‑sawi Deoso ene mai nafi hasinaboneni. Mai abi awiraboneni.’ Ati nemarine.

Yeso‑ka yo‑yose mai tamine 27:31

Baoro mai‑ya awe, sodado mai‑ka hidi, hika sodado mai na‑ya hiyare, “Mai tokariyahi. Mai tokiya, dai nafi ababoneni.” Baoro ati nemarine.

Homa 1:18

Ai one mai tamine okanahanaboneni. Mai ihi amosarihi, Deoso ati miti‑ya mai nofarihi, mai ati ihi mai one Deoso ati‑ya mitarihi, Deoso ene‑ya mai awa, Deoso‑ya mai watorihi, mai na, mai ihi amosara. Neme‑ya mai ihi‑ya Deoso awe, Deoso yawe‑ya mai awawahaboneni.

Homa 5:6

Hibati‑ya Deoso ai watora, ai ene towe tonafe, ai‑ya ai kasomi watora, Deoso ati ai nofi awisarihi niya, Deoso ati‑nima Kirisito abematane, ai manakone‑ya nanahabebonaha.

Homa 5:8

Ai ene‑nima Deoso ene ni awire, ai ene amosara, ai ababone, Deoso ai‑ya nofi nafi ene Bidi i‑di Yeso Kirisito‑ta ababisane, ai manakone‑ya nanahabebonaha.

Korito daidi 10:12

Yama‑ya dai watamone dai ati na, dai noko wadahi. Dai noko wadariya, Satanasi dai‑ya keyehe‑ya hirikanebonane.

Timoti daidi 1:9

Yeso ati‑ya ai no‑nofa ai ene amosa, Mose‑ka yama hani ihi ai‑ya mai bisiterani. Mai ihi amosara, Mose‑ka yama hani ati ihi mai‑ya mai bisinaboneni. Deoso ati‑ya mai nofara, mai ihi amosaterani. Deoso ati‑ya owati nofara mai ati na, Deoso tamine‑ya keyehe‑ya mai hirina, mai‑ka abi, mai‑ka ami, mai na, mai‑ya mai bi‑bisi, mai one‑ya mai wakateni.

Ebereo 4:1

“Owati‑ya mai nofa mai atibodi tokitara owa tabaro‑ya mai maa tohi fawanaboneni.” Deoso ati nematane. Dai noko wadahi. Dai atibodi tokitara Deoso tabaro‑ya dai kobonaboneni.

Tiyako 5:6

Mai ihi amosa, dai‑ya mai weera, mai‑ya dai nanahabateni.

Bedoro daidi 5:8

Dai noko wadahi. Yama‑ke yomahi‑nima Satanasi nane. Yama‑ke yomahi bani mai‑ya kiiyotene, bani mai‑ya kabebonaha. Fare‑nima dai‑ya ka‑kako i‑di Satanasi dai‑ya kakatome, dai noko wadahi. Dai noko wadariya, dai‑ya keyehe, ati dai tokadabebonane.

Bedoro yoto‑ke 3:7

Hibayata Deoso ene yama tohasa na, makobote mai ihi amosara mai ihi‑ya Deoso kadikeya, neme, bofe na, nafi hirinaboneni. Deoso ati‑ya mai nofaramaro, mai‑ya nahatiwahebonane.

Yoda‑ka yama hani 1:15

Mai kamiya, mai ihi amosara, mai ihi‑ya mai kadikiya, mai manakone amosara‑ya mai daanaboneni. Mai ihi amosara mai toha, Deoso‑ka mai‑ya mai towe tonihemaro mai toha, Deoso‑ya mai we‑wee‑maro mai toha mai na, mai manakone amosara‑ya mai kayafawahaboneni.