Bedoro daidi 4:13 - Deoso-ka Yama Hani

¹³ Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.

Bedoro daidi 4:13 ပူးပေါင်းရင်းမြစ်များ

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Mateo 25:21

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Mateo 25:23

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Mateo 25:31

“Dai‑ka Ayo neme‑ke Deoso‑ka yo‑yose mai eyehe kamataseya, wehene nafi, hidi webote tohawahebonane.

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Mateo 5:12

Deoso ati‑ya mai mi‑mita‑mete mai‑nima dai na, fara hibati‑ya mai‑ya mai bisinaharemeteni. Dai ya‑yainahi. Deoso dai‑ya kasomebona, neme‑ya dai ene manakone nafe dai kayafaboneni.” Yeso ati nemarine.

Maroko 8:38

Bofe‑ya mai wi‑wina yama dama‑ya mai nokotonihe, Deoso ati‑ya mai tokadabara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai niya, okomatasiya, dai‑ya onofahariraboneni. Okomatasiya, Okobi wehene owa‑ya sawi, Okobi‑ka yo‑yose mai amosabote owa‑ya mai sawi naboneni.” Yeso ati nematane.

Roka 17:30

Dai‑ka Ayo neme‑ke kitawaheya, haa‑nima yama namatasaboneni.” Yeso ati nematane.

Yeso‑ka yo‑yose mai tamine 16:25

Yama soki bai‑ya Baoro, Sira mai fama, mai wayoma, Deoso‑ya mai hiyara na, kadeya‑ya mai fo‑foya mai one wayomi‑ya mai mitamoneni.

Yeso‑ka yo‑yose mai tamine 5:41

Yeso‑ka yo‑yose mai toka, mai ya‑yaina, “Yeso‑nima oda nawaha, oda‑ya mai bisinamakineni.” Mai atibodi ati na. Mai ya‑yainamoneni.

Homa 5:3

Hibayata Yeso ati‑ya ai no‑nofa, Yeso ati‑ya mai nofara ai‑ya mai kaka, ai‑ya mai bisi na, fara mai ihi ai yawara ai ya‑yainibisa, ai komene ene ai habo kiti ba‑basi nabone ai watoneni.

Homa 8:17

Deoso bidi ai toha, Deoso‑ka yama ai kayafaboneni. Deoso‑ka yama‑ya Kirisito kayafi‑nima ai kayafahareboneni. Kirisito‑ya mai bisinamete, fare Kirisito ati ai nofe ene ai‑ya mai nofara, ai‑ya mai bisiniya, sibaraboneni. Kirisito eyehe yama amosabote ai kayafaboneni.

Homa 8:18

Hibayata ai‑ya mai bisiniya, ai korikasara, makobote yama nafi amosabote‑ya ai kayafa, yama amosi ba‑basi naboneni.

Korito yoto‑ke 1:5

Hibati‑ya Yeso Kirisito bofe‑ya wineya, mai nakoma, Deoso hinakitamematane. Yeso‑nima ai‑ya mai bisinamakitasiya, Deoso ai‑ya kasomebonane. Ai‑ya kasomeya, mai one ai kasomamakeboneni.

Korito yoto‑ke 1:7

Oda‑ya mai bisina, Deoso oda‑ya kasome, fara‑nima dai‑ya mai bisiniya, Deoso dai‑ya kasomebona oda watoneni.

Korito yoto‑ke 4:10

Hibati‑ya Yeso‑ya mai nanahababone, Yeso‑ya mai bisinameteni. Oda abano‑ya mai awiya, Yeso‑ya mai bisina‑nima oda‑ya mai bisina mai awaboneni. Oda abano‑ya mai awiya, Yeso kitame oda‑ya kasome‑ya mai watowahaboneni.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Firibo 3:10

Yama bara‑ya owati koboni awirani. Yeso Kirisito‑nima onabone owatibodi ati nineni. Yeso‑ya mai bisi, owa‑ya mai bisi, Yeso‑ya mai nanahaba, owa‑ya mai nanahaba, sibarini. Yeso kitame‑nima okitamahareboneni.

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Timoti yoto‑ke 2:12

Yeso ati ai nofa, ai‑ya mai bisina, makobote neme‑ya Yeso eyehe ai nahoya, mai ihi ai kadikaboneni. ‘Yeso owatorini.’ Ai ati na, ‘Tiwa owatorini.’ Yeso ati nebonane. ‘Yeso‑ka ama·ora ama·oni.’ Ai ati na, ‘Oka amatira amatini.’ Yeso ati nebonane.

Bedoro daidi 1:13

Yeso Kirisito kamatasebona dai atibodi dai hawa tonihi. Yama amosa‑ya dai kadikabisahi. Dai atibodi noko wadahi. Dai‑ka yama amosabote‑bone‑ya Deoso daanebona dai nimanahi.

Bedoro daidi 2:21

Dai ene Yeso Kirisito‑ya mai bisina, Yeso‑ya mai nanahabamaroni. Yeso ene amose hinama tohe, mai bisihine yawaremari, “Owa‑nima dai nahi. Dai ene amosa, dai‑ya mai bisiniya, dai yawariyahi.” Yeso ati nemarine.

Bedoro daidi 5:1

Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.

Yeso Kirisito ene‑bona 1:9

Yowaho ama·oni. Dai‑ka owa ama·oni. Deoso‑ya mai nofara ai‑ya mai weena, Yeso‑ya ai na‑narifa Deoso‑ka hawi bai‑ya ai maakiterani. Deoso ati onofa, i‑di Yeso tamine okamina ihi owa‑ya mai wata, faha webote bai‑ya wami itakosa, oni Batomosi toha‑ya owa‑ya mai nawineni.