Bedoro daidi 4:11 - Deoso-ka Yama Hani

¹¹ Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.

Bedoro daidi 4:11 ပူးပေါင်းရင်းမြစ်များ

Mateo 6:13

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Yowaho 13:31

Yoda nowati‑ya Yeso ati yanane, “Hibayata dai‑ka Ayo neme‑ke ene amosabote‑ya mai awawahaboneni. Owa ene Deoso‑ya mai kahiyari ba‑basi naboneni.

Yeso‑ka yo‑yose mai tamine 7:38

Tabora awiri‑ya i‑di Mose mai yorotokana, Deoso‑ka yo‑yose ati‑ya mai mitameteni. Sinai adami‑ya i‑di Mose tokomorose, Deoso‑ka yo‑yose ati himitemata, ati ai nofa, ai abarabone, ati hikanahanomata, ati ai fawaniterebonaha.

Homa 11:36

Yama ai kiha‑ya Deoso daanemari, yama nafi‑ka hidi amane. Ai kahiyare, ai kahiyari fawarayaho. Feye amani.

Homa 12:3

Deoso owa‑ya kadikemarine, dai‑ya okanawatabonehe. Owati dai mitahi. “Amosabotebisa ama·oni.” Dai ati riyahi. Yeso ati dai nofa Deoso dai‑ya kasome, dai‑ya kanawato‑nima dai atibodi dai‑ya kadikabisahi. Deoso ene yama‑ya dai wa‑wato, Deoso ene dai ya‑yainibisa, hini dai‑ya dai kahiyarariyahi.

Homa 16:27

Deoso yama nafi‑ya wato, Yeso Kirisito ene Deoso‑ya dai kahiyaranadiya, dai kahiyari fawarayaho. Feye amani.

Homa 3:2

Yodeo ai toha yama dama‑ya ai kayafa, Deoso ai‑ya kasomi nafitene. Hibati‑ya ai‑ka idi mai‑ya Deoso hini ati‑ya hiyarematane. Deoso ati yokana mai hikanahano, ati‑ya ai‑ka idi mai kayafameteni.

Korito daidi 10:31

Yama dai kaba, yama dai fawa na, dai ene Deoso‑ya mai kahiyarabisiya, yama sibaraboneni.

Korito daidi 12:4

Deoso‑ka Doni ohari yama dama‑ya ai‑ya daane, ai owa‑ya yama bara‑ya daa, ai owa‑ya yama bara‑ya daa tene.

Korito daidi 3:10

Deoso owa‑ya kasome ene Deoso‑ka yobe dai tohawaha, Yeso Kirisito dai‑ka yobe tati mese ewene tohawahene. Yeso abe, ai manakone‑ya nanahabe, kitame tamine dai‑ya okaminamaroni. Yobe wamani‑ya mai wata, mai ihi‑nima owa ene na. Mai‑ka yobe‑bona tati mese ewene hodone‑ya mai nakowe, yobe tati mese ewene kite‑ya mai nawaa, yobe tati mese ewene‑bona‑ya mai ibariteni. Fara mai ihi‑nima owa ene na, Kirisito tamine dai‑ya okamina, dai‑ya okanawata ene Yeso Kirisito dai‑ka yobe tati mese ewene tohawahene. Owa nowati‑ya dai‑ya mai kanawata, dai‑ka yobe‑ya mai aniniya, mai noki wadiyahi, mai ihi amosabonehe.

Korito daidi 6:20

Ai manakone‑ya Kirisito nanahabe, Deoso‑ka ai tohawaha, ai‑ka ai tohamara, dai atibodi‑ya Deoso‑ya dai kahiyara, dai ene‑ya mai one awiya, Deoso‑ya mai kahiyaramakiyahi.

Korito yoto‑ke 2:17

Mai one yinero‑ya nokotonihe, Yeso ati yokana‑ya mai kamini awirani. Deoso oda‑ya yosemarine, Yeso ati yokana oda kaminebonaha. Deoso ene Yeso ati yokana oda kamini oharineni.

Korito yoto‑ke 9:13

Yama dai daana, dai ene mai ya‑yaina, Deoso‑ya mai kahiyarabone, “Abi Deoso, amosabote amatini. Korito‑ya mai wi‑wina yama dama‑ya mai kihara, mai ihi amosa, oda‑ka yamata‑bone‑ya mai daana, tika dao i‑di Yeso Kirisito ene‑nima mai ihi na, oda‑ya mai kasoma, mai‑ka yamata‑ya mai daanineni.” Mai ati naboneni.

Efesiyo 1:19

Deoso ohiyara, Deoso kitabote‑ya dai watabone, Yeso ati ai no‑nofa ai‑ya kasomebona, ai‑ya kasomi fawaterebonane. Kirisito‑ya kasomemata‑nima dai‑ya kasomebonane.

Efesiyo 4:29

Dai ibi hiyara, dai ati towe tohariyahi. Dai ati amosa, dai one‑ya dai kasomaboneni, mai ya‑yainabonehe.

Efesiyo 5:20

Mahi‑nima dai wayoma, “Abi Deoso, tiwa ene tika dao ene ne amosabote tohe, dai ene oda ya‑yainineni.” Ai‑ka Ayo Yeso Kirisito‑ka dai toha dai ati nahi.

Efesiyo 6:10

Yeso Kirisito kitabote tohe, Yeso‑ka dai toha, dai eme kita, dai habo siitoriyahi.

Firibo 1:11

Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.

Firibo 2:11

“Yeso Kirisito ai‑ka Hidi amatini.” Mai dami ati naboneni. Ai‑ka Abi i‑di Deoso‑ya mai kahiyaraboneni.

Koroso 4:6

Mai‑ya dai hiyara, dai ati amosahi, dai ati‑ya mai nofabonehe. Deoso tamine‑ya dai‑ya mai haana, yama dai wataboneni.

Tesaronika daidi 2:4

Deoso oda kadikemari, Yeso Ati Amosabote oda kaminabonehe. Yeso ati ohari‑ta oda kamina, Deoso ya‑yainebonaha. Oda ati‑ya mai one nofara, sibarineni. Ai atibodi ati ai ene na‑ya Deoso kadikatene.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti daidi 6:16

Deoso abaterebonane. Hini wehene kite‑ya winane. Yama wahi kita ihi ahiyata‑ya ai tokaterani. Deoso noko ai awaterani. Deoso ai kahiyarahi. Deoso kitabote amane. Kiti fawaterebonane. Feye amani.

Tito 2:1

Tiwa‑ta Deoso Ati Amosabote tihiyarahi, Deoso ati‑nima mai nabonehe.

Tito 2:15

Tito, eya tinahi. Mai tikanawata, mai ihi amosara mai weetinahi, mai ihi amosabonehe. Mai tikasomahi, Yeso ati‑ya mai nofawahabonehe. Yeso ati tihiyariya, tiwati‑ya mai mitiyahi.

Ebereo 13:7

Hibati‑ya Deoso tamine‑ya dai‑ya mai kaminamaro, mai tamine dai kadika, mai ihi amosa, mai ihi‑nima dai ene namakiyahi.

Ebereo 5:12

Hibati‑ya Deoso ati dai mita, mai one‑ya dai kanawatomakebone oda ati na, yama‑ya dai wato awisara, dai‑ya oda kanawatomatasabone dai nofabisineni. Madehe‑nima dai nasa na, yama kita kabi dai watora, yoha fahi‑ta dai ati fawabisineni,

Tiyako 1:19

Oka dai toha, dai onofa, owati dai mitahi. Dai narabo hawihi. Dai ati yana kanibote rihi, dai yawa kanibote rihi nahi.

Tiyako 1:26

Deoso ati tinofamone tina, tiwati tinawadi amosara, keyehe‑ya hiritineni. Deoso ati tinofamone tina, tiwatibodi ati tohara, tiwati honita tohani.

Bedoro daidi 2:12

Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.

Bedoro daidi 4:10

Mai one‑ya dai kasomabone, yama wa‑wato Deoso dai‑ya daatene. Deoso dai‑ya kasomi‑nima dai one‑ya dai kasomaharihi.

Bedoro daidi 4:16

Deoso ati dai tokadaba, dai‑ya mai bisina, dai yawariya, dai ya‑yainahi, Deoso‑ka dai toha, Deoso dai kahiyarahi.

Bedoro daidi 5:11

Ai nafi‑ka Hidi i‑di Deoso tohe, kite, kiti fawaterebonane. Deoso ati‑nima yama naboneni.

Yoda‑ka yama hani 1:25

Deoso ohari tohe, amosabote tohe, kitabote tohe, ai dami‑ka Hidi tohe, Yeso Kirisito oda‑ka Hidi dai fama, hibati‑ka dai toha, hibayata‑ka dai toha na, makobote yama nafi abiya, hini dai toha, dai tohasa naboneni. Feye amani.