Bedoro daidi 4:10 - Deoso-ka Yama Hani

¹⁰ Mai one‑ya dai kasomabone, yama wa‑wato Deoso dai‑ya daatene. Deoso dai‑ya kasomi‑nima dai one‑ya dai kasomaharihi.

Bedoro daidi 4:10 ပူးပေါင်းရင်းမြစ်များ

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Mateo 24:14

Neme‑ke ai nafi‑ka hidi kitabote tohawahebona tamine‑ya mai kaminabone, tabora dami‑ya dai‑ka Hidi tamine‑ya mai nafi mitiya, yama faina‑bone kobonaboneni.

Mateo 24:21

Yama towe koboniya, dai‑ya mai kako nafeboneni. Dai‑ya mai bisi, dai‑ya mai nanahaba naboneni. Adaho nowati‑ya haa‑nima yama ni awisarani, yama nabone kitabisaboneni. Deoso‑ka dai toha dai‑ya mai kako bi‑bidi namaro, dai‑ya mai kako kiti nafibisaboneni. Haa‑nima yamana, kobonamatasateraboneni.

Mateo 24:45

Owati dai mitahi. Hidi‑ka yo‑yose mai dama, hika yo‑yose ohari yama‑ya watone, hidi ati‑ya tokadabi amose, hidi ati ene mai one‑ka hidi tohawahebonane, mai‑ya natafebonaha.

Mateo 25:17

Yinero webote fame‑ya kayafe yama‑ya kanike, yama‑ya daanamaki, haa‑nima ne hika yinero webote famamaki‑ya kayafane.

Mateo 25:44

Sayo‑kaya mai naha mai ati yananabone, ‘Oda‑ka hidi amatini. Tifime tiwa oda awarihi, tiwa bako hoka, tiwa tamine oda mitarihi, tika bora awira tamine oda mitarihi, kiya tina, tiwa tamine oda mitarihi, kadeya‑ya tifoya, tiwa tamine oda mitarihi namaroni.’ Mai ati naboneni.

Maroko 10:45

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Yeso ati nematane.

Roka 12:42

“Owati dai mitahi. Hidi‑ka yo‑yose mai dama, hika yo‑yose ohari yama‑ya watone, hidi ati‑ya tokadabi amose, hidi ati ene mai one‑ka hidi tohawahebonane, mai‑ya natafebonaha.

Roka 19:13

hika mai yo‑yose mai 10 kana mai‑ya haane. Mai‑nima mai‑ka yinero webote oharirine‑ya daane, mai‑ya hiyare, ‘Owa nowati‑ya oka yinero dai tonanafiyahi. Okomatasiya, oka yinero owa‑ya dai daanamaboneni.’ Maki ati nane.

Roka 8:3

I‑di Sosana sawi, i‑di Kosa fadi i‑di Yo·ana sawi, mai fanawi one dama Yeso‑ya mai dabameteni. I‑di Kosa Erodi tabaro‑ya yama‑ya aninematane. Yeso‑ya mai da‑daba mai tafe‑bone‑ya mai fanawi kanikameteni, hini mai‑ka yinero‑ya.

Homa 15:25

Hibayata Yerosare‑ya okaboneni, Deoso ati‑ya mai no‑nofa mai‑ka yinero‑bona owakamabonehe.

Homa 15:27

Yinero‑ya Bara mai daana, mai ya‑yainineni. Hibati‑ya Deoso ati‑ya Yodeo mai miti baha, makobote Yodeo mai ihi Deoso ati‑ya Bara mai mitamake, Yodeo mai‑ya Bara mai kasomamake, mai ihi amosineni.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito daidi 3:10

Deoso owa‑ya kasome ene Deoso‑ka yobe dai tohawaha, Yeso Kirisito dai‑ka yobe tati mese ewene tohawahene. Yeso abe, ai manakone‑ya nanahabe, kitame tamine dai‑ya okaminamaroni. Yobe wamani‑ya mai wata, mai ihi‑nima owa ene na. Mai‑ka yobe‑bona tati mese ewene hodone‑ya mai nakowe, yobe tati mese ewene kite‑ya mai nawaa, yobe tati mese ewene‑bona‑ya mai ibariteni. Fara mai ihi‑nima owa ene na, Kirisito tamine dai‑ya okamina, dai‑ya okanawata ene Yeso Kirisito dai‑ka yobe tati mese ewene tohawahene. Owa nowati‑ya dai‑ya mai kanawata, dai‑ka yobe‑ya mai aniniya, mai noki wadiyahi, mai ihi amosabonehe.

Korito daidi 4:7

Yama dai kiha Deoso dai‑ya daanemarine. Hiniya honita‑ya dai‑ya daane. Hini yamata ihi dai‑ya dai kahiyariti? Dai ene tohi awirini.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Korito yoto‑ke 9:1

Yodeya‑ya mai wi‑wina mai‑ka yinero‑bona oda towakamabone tamine dai watoneni.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Efesiyo 4:11

Kirisito yama wa‑wato‑ya daanane, Yeso‑ka ai toha ai‑ya kasomebonaha. Hini hika yo‑yose mai‑bone‑ya ai owa‑ya daa, Deoso ati‑ya mi‑mita mai‑bone‑ya ai owa‑ya daa, Deoso ati‑ya hi‑hiyara mai‑bone‑ya ai owa‑ya daa, Deoso ati‑ya ka‑kanawato mai‑bone‑ya ai owa‑ya daa tene.

Timoti yoto‑ke 1:18

Yeso kamataseya, Onesiforo‑ya weeni awirebonane. Ya‑yainibisebonane. Hibati‑ya Efesiyo‑ya owina, i‑di Onesiforo owa‑ya kasome tiwemarine.

Tito 1:7

Ene amosare ai‑ya kanawatotere, ene amose‑ta ai‑ya kanawato tene. Hini‑ya kahiyare, Deoso‑ka mai‑ya kasoma, ai ati‑ya miteya, yawa kanibote ra, kawi ihi towe toharihi, ai one‑ya bisirihi, yinero‑ya nokotonirihi tene, tikadikayaho, Deoso‑ka mai‑ya kanawatobonaha.

Ebereo 6:10

Deoso‑ka mai dai kasomamaro, mai‑ya dai kasomanasa nineni. Dai ene‑ya Deoso ati fawaterebonane. Dai ene‑ya kadikebona, dai manakone amosa‑ya daanebonane.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.