Bedoro daidi 4:1 - Deoso-ka Yama Hani

¹ I‑di Yeso Kirisito mai bisihine, oda‑ya kasomebona abano komene kitemarine. Dai‑ya mai bisina, dai yawariyahi. Yeso atibodi ati‑nima dai atibodi ati nahi. Yeso Kirisito mai bisinamaro dai‑ya mai bisinaboneni. Ai‑ya mai bisina, yama towe‑ya ai nofamaraboneni.

Bedoro daidi 4:1 ပူးပေါင်းရင်းမြစ်များ

Maroko 3:3

Maki‑ya Yeso hiyare, “Tiwaamisiya, oda teberi‑ya tiwaahi.” Yeso ati ne, maki kamemarine.

Homa 6:11

Haa‑nima dai atibodi ati nahi. “Hibati‑ka o·aba, yati ohawaha, owatibodi bote kiti fawana, ati okadabami awiraboneni, Yeso Kirisito‑ka ohawaha, Deoso ati okadabiya, okahiyarebonane.” Dai atibodi ati nahi.

Homa 6:2

Haa‑nima dai ati riyahi, dai ene towe tohamarabonehe. Deoso ene ai atibodi yati toha, ai atibodi bote ai‑ka hidi tohamara, ai atibodi bote ati‑ya ai tokadabamariyahi.

Homa 6:7

Hibati‑ka ai tohamaro Yeso eyehe ai abamaroni, ai atibodi bote ai‑ya yaditonamarabonehe.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Efesiyo 6:13

Fara mai ihi Deoso‑ka bora kita dai sakonahi. Bora sakoni dai hawa toha, dai naha, Satanasi‑ka dai‑ya keyehe‑ya mai hirikana, mai ati dai nofaraboneni. Fara bora ihi dai habo siitora, dai habo kitabisaboneni.

Firibo 2:5

Yeso Kirisito atibodi ati‑nima dai atibodi ati nahi.

Ebereo 12:3

Yeso mai hikako, mai hinahabemata tamine ai kadika, ai‑ya mai kaka, ai yawaraboneni.

Ebereo 4:10

Deoso tabaro‑ya ai koboniya, ai hasinaboneni. Ai‑ka yama anini hawa tohawahaboneni. Yama nafi‑ya Deoso wamani hawa tohe, hasinematane.

Bedoro daidi 2:21

Dai ene Yeso Kirisito‑ya mai bisina, Yeso‑ya mai nanahabamaroni. Yeso ene amose hinama tohe, mai bisihine yawaremari, “Owa‑nima dai nahi. Dai ene amosa, dai‑ya mai bisiniya, dai yawariyahi.” Yeso ati nemarine.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.