Bedoro daidi 3:9 - Deoso-ka Yama Hani

⁹ Dai‑ya mai we‑wee mai dai weerihi, dai‑ya mai ka‑kako mai dai kakorihi na, hiniya mai dai kasomahi. Haa‑nima dai nabone Deoso ati ne, dai‑ya haanemarine. Haa‑nima dai niya, Deoso dai‑ya kasomebonane.

Bedoro daidi 3:9 ပူးပေါင်းရင်းမြစ်များ

Mateo 19:29

Owati dai mitahi. Owati‑ya mai tokadaba ihi mai‑ka yama nafi‑ya mai tonawadakosa, mai ihi manakone wadaboneni. Mai‑ka yobe, mai‑ka fadara, mai‑ka ayo, mai‑ka asima, mai‑ka abi, mai‑ka ami, mai‑ka madehe, mai na, mai tonokosa, mai manakone amosa‑ya mai kayafaboneni. Mai manakone fiyakanaboneni. Makobote mai abateraboneni.

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Mateo 5:39

Owati dai mitamatasahi. Dai ati somahi. Dai ebete‑ya batanariya, dai ebete beheri dai benawamakihi, batahirimakebonehe.

Mateo 5:44

Owati dai mitahi. Dai‑ya mai nofara mai dai nofiyahi. Dai‑ya mai bisina mai tamine dai hiyarahi, Deoso mai‑ya kasomebonaha.

Maroko 10:17

Tabora one‑kaya mai tokabone, mai yananiya, maki kanani kamaki, Yeso yowi‑ya yobati‑kaya wai, ati yanane, “Ayo, amosabote amatini. Hini yamata‑nima obati, ai abaterabone‑kaya osawebonehe?” Maki ati nemarine.

Roka 10:25

Makobote Mose‑ka yama hani ati‑ya ka‑kanawato Yeso‑ya kaki, “Owa ene Yeso ati tosawaribonane.” Atibodi ati ne, Yeso‑ya hiyare, “Yeso, hini yamata‑nima owa ene nibati, ai abaterabone‑kaya osawebonehe?” Ati nematane.

Roka 18:18

Mai‑ka hidi owa kamaki, Yeso‑ya hiyare, “Ayo, amosabote amatini. Hini yamata‑nima obati, ai abaterabone‑kaya osawebonehe?” Ati nematane.

Homa 12:14

Dai‑ya mai bisina, mai dai kasoma, dai ati ene Deoso mai‑ya kasomabise, mai‑ya nakomarayaho.

Homa 12:17

Dai‑ya mai ihi amosara, mai‑ya dai ene amosabisa. Dai ene‑ya mai one awiya, dai ene amosa‑ya mai watowahaboneni.

Homa 8:28

Deoso ai‑ya kadikematane, Bidi i‑di Yeso‑nima ai nawahabonehe. Deoso‑ya ai nofa yama ai‑ya kobona, ai‑ka awi towe toha, ai‑ka awi amosa toha na, ai‑ya koboniya, Deoso ai‑ya kasome ene ai watoneni.

Homa 8:30

Deoso ai‑ya kadikemata, ai‑ya haane, ai‑ya ati somawamemari, tabaro‑ya ai winiya, yama amosa hinama ai kayafaboneni.

Karatiya 3:14

Abaraho‑ya Deoso kasomemarine. Yeso Kirisito ene Abaraho‑ya Deoso kasome‑nima Bara dai toha, Yeso ati dai nofiya, dai‑ya Deoso kasomaharibonane. Deoso‑ka Doni dai‑ya sawiwahebonane.

Efesiyo 4:32

Mai dai nofa, mai dai kasoma, mai ihi amosara mai‑ya dai ati somawamahi. Yeso‑ka dai toha, Deoso dai‑ya ati somawame‑nima mai one‑ya dai ati somawamaharihi.

Tesaronika daidi 5:15

Dai‑ya mai nofara, mai‑ya dai nofaba nahi. Mai ihi amosara, dai ene‑ta amosabisiyahi. Dai ibi kasomiyahi.

Ebereo 12:17

Makobote Deoso hikasomebona Esa ati ne, Deoso hikasomare, fara ohinawahane, Deoso hikasomebonaha. Hibati‑ya Deoso ati‑ya Esa nofare, hini ene Deoso hikasomarematane.

Ebereo 6:14

“Tika dao‑bona daa·oniya, tiwa okasoma, tika nodi mai dodamateboneni.” Deoso ati nematane.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.