Bedoro daidi 3:8 - Deoso-ka Yama Hani

⁸ Owati hawa tohi yanatoneni. Owati dai nafi mitahi. Dai nafi atibodi ati fara hinama tohahi. Ai‑ka ayo ai nofi‑nima dai ibi nofiyahi. Mai atibodi koma mai dai kasomahi. “Yama dai watora, owa‑ta yama owatobisineni.” Dai ati riyahi.

Bedoro daidi 3:8 ပူးပေါင်းရင်းမြစ်များ

Mateo 18:33

Owa ene‑nima tiwa ene na‑mani, sibara neni.’ Hidi ati nane.

Roka 10:33

Mai nowati‑ya Samaritano mai‑ka owa kamaki, maki home‑ya awe, fai‑ya nofe,

Yeso‑ka yo‑yose mai tamine 2:1

Yeso abe nowati‑ya mai amoni 50 kanamaki‑ya mai marina, mai marini‑ke mahi oni Benekosi tohe‑ya, Yeso‑ka mai nafi yorotokawamamoneni.

Yeso‑ka yo‑yose mai tamine 27:3

Mahi owa‑ya Sidoho‑ya oda kobona, Sidoho‑ya Yoriyo ati ene i‑di Baoro hini hika mai‑ya tokane, Baoro‑ya mai kasomabonehe. Yoriyo Baoro‑ya nofane, Baoro‑ya kasome ene Baoro ya‑yainebonane.

Yeso‑ka yo‑yose mai tamine 28:7

Ahiyata‑ya mai‑ka hidi i‑di Bobiro tabaro tohe, Bobiro oda‑ya kasome, oda‑ya himane, tabaro‑ya oda winawaha, fara‑ya oda amoni fama, oda amoni oharimaki namaroni.

Yeso‑ka yo‑yose mai tamine 4:32

Yeso ati‑ya mai no‑nofa mai atibodi fara hinama toha, “Owa hare oka yama tohi awirini. Ai nafi‑ka yama amani.” Mai nafi ati teni.

Homa 12:10

Yeso‑ka dai toha dai‑ka soho dai nofi‑nima dai ibi nofa, mai ihi amosa mai dai kahiyarahi.

Homa 15:5

Dai tamine‑ya Deoso‑ya ohiyara, Deoso dai‑ya kasome ene dai atibodi ati fara hinama toha, Yeso Kirisito ati‑mata‑nima dai nabone, oteni.

Korito daidi 1:10

Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Korito daidi 12:26

Ai kobobona ohare koma, ai nafi‑ya nakomateni. Ai kobobona ohare‑ya mai kahiyara, ai abano nafi ya‑yaiteni.

Efesiyo 4:2

Hini tiwa‑ya tikahiyarariyahi. Dai owa dai kahiyarabisahi. Dai owa ene amosare, dai ati yawa kanibote ra, mai dai nofa, mai dai kasomabone, mai dai hiyarabisahi.

Efesiyo 4:31

Mai‑ya dai kakorihi, dai ati bida‑ya mai dai daarihi, dai nahi, dai ati komene‑ya mai awarabonehe. Mai dai keyeherihi, dai ati ene mai korikasarihi na, dai ati ene mai atibodi komaraboneni.

Efesiyo 4:32

Mai dai nofa, mai dai kasoma, mai ihi amosara mai‑ya dai ati somawamahi. Yeso‑ka dai toha, Deoso dai‑ya ati somawame‑nima mai one‑ya dai ati somawamaharihi.

Firibo 2:3

Dai ati dai kahiyarariyahi. Mai ati dai mita, “Yama‑ya mai wato ba‑basi na, ai‑ta yama ai wato bi‑bidi nibisineni.” Dai atibodi ati nahi.

Firibo 3:16

Hibati‑ya Deoso ati ai tokadabamaro, Deoso ati ai tokadabasahi.

Koroso 3:12

Deoso‑ka dai toha, dai‑ya nofe, dai‑ya kadikemata, hika dai tohawahaboneni. Mai atibodi koma mai‑ya kasoma, dai ene amosa, dai‑ya dai kahiyarariyahi. Yama‑ya dai nimana, dai yawariyahi.

Ebereo 13:1

Ai‑ka ayo ai‑ya nofi‑nima ai ibi nofiyahi.

Tiyako 2:13

Ai owa‑ya ai ati somawamara, Deoso ai‑ya ati somawamarebonane. Ai owa‑ya ai ati somawamiya, Deoso ai‑ya ati somawamaharibonane.

Tiyako 3:17

Deoso ene yama‑ya mai wato yokana toha, mai ihi amosa mai ibi weerihi, mai ati kitarihi, mai one ati‑ya mai mita, mai one tosaware, mai‑ya mai ati somawamateni. Mai ihi amosa dama, mai dami‑ya mai nofa, mai atibodi ati‑nima mai ihi teni.

Tiyako 5:11

Deoso ati‑ya mai tokadabamete, Deoso hiyari‑ya mai fawara, mai ya‑yaiteni. I‑di Yobi tamine dai mitamaroni. Deoso‑ya i‑di Yobi nofe, kiyane, yama kome fawa kanibote ra, amoni dame‑ya Deoso hikasomematane. I‑di Yobi‑ya Deoso kasomemata, Deoso ai kasomi‑ya nofatene.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro daidi 2:17

Deoso ati‑ya dai no‑nofa dai ene‑ya mai awiya, mai yawaraboneni. Deoso ati‑ya mai no‑nofa mai dai nofa, Deoso ati‑ya dai tokadaba, kofeno‑ka hidi mai ati‑ya dai tokadaba, dai nahi.

Bedoro daidi 5:5

Yetene dai toha, owati dai mitahi. Bote mai toha mai ati dai nofa, “Owa‑ta amosabote ama·oni.” Dai ati riyahi. Hiniya dai ibi kasomahi. “Hini mai‑ya mai kahiyara, mai‑ya Deoso kakotene. Hini mai‑ya mai kahiyarara, mai‑ya Deoso kasomatene.” Deoso‑ka yama hani ati teni.

Bedoro yoto‑ke 1:7

Deoso yama hinofa‑nima yama na dai nofa, dai ibi nofiyahi. Dai ibi nofa, dai ibi nofi na‑nafi nahi.

Yowaho daidi 3:14

Ai ibi nofa, ai abarabone ai wato, mai one‑ya mai nofara, mai ababoneni.