Bedoro daidi 3:5 - Deoso-ka Yama Hani

⁵ Hibati‑ya mai fanawi amosabone, Deoso‑ya mai kahiyara, mai‑ka yibote mai ati‑ya mai tokadaba na, fara mai atibodi amosameteni.

Bedoro daidi 3:5 ပူးပေါင်းရင်းမြစ်များ

Roka 2:37

i‑di Ana hasinibisa, hika ano 84 tohameteni. Deoso‑ka yobe‑ya i‑di Ana sawi fawara, yama tehe‑ya Deoso‑ya hiyara, yama soki‑ya Deoso‑ya hiyara, tafi nafira, Deoso‑ya kahiyarameteni.

Yeso‑ka yo‑yose mai tamine 1:14

Yeso‑ka yo‑yose mai toha, Yeso madi i‑di Mariya toha, Yeso sori mai toha, mai fanawi one toha na, mai yorotokana, Deoso‑ya mai hiyaranademoneni.

Yeso‑ka yo‑yose mai tamine 9:36

Yabe‑ya Tabita wina, oni one i‑di Doka toha, Yeso ati‑ya nofa, yama‑ya mai kihara, mai dami‑ya kasomateni.

Efesiyo 5:33

Makidi dai toha dai‑ka yibote mai dai nofahi. Dai‑ya dai nofi‑nima dai‑ka yibote mai dai nofahi. Fana dai toha dai‑ka yobote mai ati dai tokadabahi.

Timoti daidi 2:10

Dai ene‑ya mai awa, dai ene amosa, Deoso‑ya dai nofa mai watowahaboneni.

Timoti daidi 2:15

Yeso ati‑ya mai fanawi nofa, mai ihi amosa, Yeso‑ka mai‑ya mai nofa na, Deoso tabaro‑ya mai winawahaboneni. Mai‑ka ewe wade, abarebonane.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Timoti daidi 5:5

Mai fanawi fanamaro, mai‑ka yobote mai abamaro, mai‑ka madehe awira, mai‑ka nodi mai awirihi, mai na, hiniya Deoso‑ya mai nofabisa, mai‑ka mai‑ya mai ka‑kasoma‑ba mai wadara, Deoso‑ya mai hiyarateni. Deoso‑ya mai hi‑hiyaranadi, mai oni dai kanahanohi, mai‑ya dai kasomabonehe.

Ebereo 11:11

Deoso ati‑ya Sara nofa, “Bote oha, sibarini. Oka dao tohebona Deoso ati ne, ati‑nima nebonane.” Sara atibodi ati na, bote tohiya, Deoso hikasoma, naba toha, bidi wadawahematane.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.