Bedoro daidi 3:4 - Deoso-ka Yama Hani

⁴ Dai amosi yokana tohabone, dai atibodi amosahi. Dai mese‑ka ato bote tohawahiya, amosi fawateni. Mai dai kasoma, dai ati soma na, dai atibodi‑ya Deoso awe, dai manakone nafimone ati tene. Dai atibodi amosi fawateraboneni.

Bedoro daidi 3:4 ပူးပေါင်းရင်းမြစ်များ

Mateo 11:29

Owa‑nima dai nahi. Hama·oterani. Owati somateni. Owa‑nima dai niya, dai atibodi maa tohamateraboneni.

Mateo 21:5

“Yerosare‑ya mai wi‑wina mai‑ya dai hiyarahi. Dai‑ka hidi webote dai‑ya kakibona, ati hamarebona, boho mese‑ya itaribonane. Boho bidi yetene mese‑ya itaribonane.” Ati nemata, ati‑nima yama nawahamaroni.

Mateo 23:26

Fariseo dai toha, yama‑ya dai watora, keneko doro dai namosi baha, keneko mese dai namosahi. Ai atibodi amosi baha, ai ene amosahariteni.

Mateo 5:5

‘Yama owato nafira, Deoso‑ta yama nafi‑ya watotene.’ Dai atibodi ati na, Deoso dai‑ya kasomebona, wami nafi‑ya dai kayafaboneni.

Roka 11:40

Yama‑ya dai watotera awineni. Deoso ai mese‑ya wamane, ai atibodi‑ya wamanahari nematane.

Roka 16:15

Mai‑ya Yeso hiyare, “Dai ene amosamone dai ati na, dai ati‑ya mai dami nofa, dai atibodi ati‑ya Deoso watobise, dai atibodi ati‑ya Deoso nofarene.

Homa 1:23

Deoso yokana ati‑ya mai nofara, hiniya mai yahi‑ya yama‑ya mai wamana, bani mai afe wada mai‑nima na toha, bani yama‑ka mai‑nima na toha, maka‑nima na toha, ai‑nima na toha na, fara yama mai wamahina, ati wadarihi, hasikani wadarihi na‑ya mai kahiyaranasa nineni. Yama mai wamahina‑ya mai kahiyarabisa, Deoso yokana‑ya mai kahiyari awirani.

Homa 2:29

Yodeo yokana ai tohabone, ai sowiri tati ataro wisina ene tohaterani. Deoso‑ka Doni ai atibodi‑ya sawi, ai atibodi‑ya namose ene Deoso‑ka ai toha, Yodeo yokana ai toha teni. Ai atibodi‑ya mai one awara, Deoso‑ta ai atibodi‑ya awe, ai atibodi amosa ene Deoso ya‑yaitene.

Homa 6:6

Hibati‑ya ai ene amosara, ai ene Yeso awa‑ya abemata, ati ai nofa, Yeso ene hibati‑ka ai aba, ai yati tohawaha ai‑ya ai watoneni. Hibati‑ka ai‑nima ai namara, ai atibodi bote kiti fawana, ai‑ka hidi tohamara, ai atibodi yati kitawaha, ai ene amosawamaboneni.

Homa 7:22

Deoso ati owatibodi yati nofi nafineni.

Korito yoto‑ke 10:1

Baoro ama·oni. Owati dai mitahi. Owati hamara, owati somateni. Hibati‑ya Kirisito ati somemata‑nima owati somateni. Dai‑ya osawiya, owati somabisa, yama hani‑ya owati hamatemone dai owa ati nemona mai ati nineni.

Korito yoto‑ke 4:16

Oda abano kiti fawani yanatona, kiti fawanaba awineni. Oda atibodi kiti fawarabone, mahi‑nima oda atibodi‑ya Deoso nakitamatene. Oda atibodi kita ene oda ya‑yaiteni.

Karatiya 5:23

Mai ihi amosara, mai ihi amosawamabone, mai‑ya ai kasomateni. Ai ati, ai atibodi ati, ai ene na ai nawadateni. Ai ene‑ya yama hani ati barini awirini.

Efesiyo 4:2

Hini tiwa‑ya tikahiyarariyahi. Dai owa dai kahiyarabisahi. Dai owa ene amosare, dai ati yawa kanibote ra, mai dai nofa, mai dai kasomabone, mai dai hiyarabisahi.

Koroso 3:12

Deoso‑ka dai toha, dai‑ya nofe, dai‑ya kadikemata, hika dai tohawahaboneni. Mai atibodi koma mai‑ya kasoma, dai ene amosa, dai‑ya dai kahiyarariyahi. Yama‑ya dai nimana, dai yawariyahi.

Koroso 3:3

Dai atibodi amosara aba, dai atibodi yati toha, dai one hiawara, Kirisito hiawa, dai‑ya nawadane, Deoso tabaro‑ya dai winabonehe.

Tesaronika daidi 4:11

Dai ene amosabone, dai one tamine‑mone mai noki beheri‑kaya dai hiyarariyahi. Dai yehe‑ya dai‑ka yama anini‑ya dai aninibisiyahi. Hibati‑ya oda ati dai mitamaro, oda ati‑nima dai niyahi.

Tesaronika yoto‑ke 3:12

Yama‑ya dai anira, oda ati dai mitahi. Ai‑ka Hidi i‑di Yeso Kirisito ati okaminaboneni. “Yama‑ya dai aninahi. Hini dai‑ka yamata‑ta dai kababisahi. Mai‑ka yamata dai nokotoniriyahi.” Oda ati toha, ai‑ka Hidi i‑di Yeso ati toha nane.

Timoti daidi 2:2

Yara mai‑ka hidi tamine dai hiyara, dai‑ka hidi tamine dai hiyara nahi. Ai‑ka hidi bofe‑ka mai tamine ai hiyariya, ai‑ka hidi ai‑ya mai weeni awiraboneni. Ai ene amosaboneni. Deoso ati‑nima ai naboneni.

Timoti yoto‑ke 2:25

Tiwa‑ya mai nofara, mai‑ya tinofa, Deoso ati yokana mai‑ya tikanawatonadihi. Deoso ati ene Yeso ati‑ya mai nofawahaba awineni. Mai ihi amosaramaro‑ya Deoso‑ya mai‑ya mai kaminawahaba awineni. Mai ihi amosaramaro‑ya mai nofami awiraboneni.

Tito 3:2

Tito, mai tikanawatoya, eya tinahi. “Dai ene amosabone, dai one tamine‑ya keyehe‑ya dai hiririhi, dai ibi weerihi na, dai ibi nofahi, dai nafi.” Tinahi.

Tiyako 1:21

Dai ene amosaramaro‑nima dai ene namariyahi. Dai ati yanana, dai ati amosahi. Mai ati towe, mai ati‑nima dai ati rihi, mai ihi towe, mai ihi‑nima dai ene rihi nahi. Deoso hini ati‑ya dai atibodi‑ya kanahanomata, ati dai nofe, tabaro‑ya dai winamakeboneni.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.

Bedoro daidi 3:15

“Yeso Kirisito oka Hidi amosabote amane.” Dai atibodi ati nahi. “Hini yamata ihi Yeso koboni dai nimaniti?” Mai ati na, mai dai hiyariya, yama‑ya mai watowahaboneni.