Bedoro daidi 3:16 - Deoso-ka Yama Hani

¹⁶ Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.

Bedoro daidi 3:16 ပူးပေါင်းရင်းမြစ်များ

Mateo 5:11

Owati‑ya dai nofa dai‑ya mai nofaraboneni. Dai‑ya mai wee, dai‑ya mai bisi, dai tamine‑ya keyehe‑ya mai hiri, mai naboneni.

Yeso‑ka yo‑yose mai tamine 24:16

Deoso ati nima·ona ene owa noko wadateni, owa ene amosabonehe. Deoso ohiyariya, owatibodi owa‑ya weerihi, ai one‑ya ohiyariya, owatibodi owa‑ya weerihi teni.

Yeso‑ka yo‑yose mai tamine 28:22

Tiwati oda mitawahaboneni. Yeso ati‑ya dai no‑nofa, towe dai‑mone mai ati teni. Oda dami tiwati‑ya oda mitawahaboneni, yama oda watowahabonehe.” Mai ati namaroni.

Homa 9:1

Kirisito‑ka ama·oni. Oka mai one Isara·eo‑ka nodi mai toha, Kirisito ati‑ya mai dami nofara, mai ihi owatibodi komene kita, keyehe‑ya hiri·orani. Owatibodi komene fawara‑ya Deoso‑ka Doni watone.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Timoti daidi 1:19

Yeso ati tinofamaro, Yeso ati tinofiyahi. Tiwa ene amosiyahi. Tiwatibodi yati ati‑nima tiniya, tiwatibodi tiwa‑ya weeraboneni. Mai one mai atibodi yati ati‑ya mai tokadabara, mai ihi Deoso ati‑ya mai nofamarani.

Timoti daidi 1:5

Owati‑nima mai niya, Yeso ati‑ya mai nofi nafiya, mai ibi nofaboneni. Mai atibodi somawama, mai atibodi mai‑ya weeni awiraboneni.

Timoti yoto‑ke 1:3

Timoti, tiwa tamine‑ya Deoso‑ya ohiyarateni. Yama tehe‑ya Deoso ohiyara, yama soki‑ya Deoso ohiyara, oteni. Deoso‑ya oka idi mai nofamete, okobi hinofemari, fare onofaharineni. Owatibodi owa‑ya kakoterani.

Tito 2:8

Deoso ati tihiyara, tiwa ene amosa‑ya mai dami awiya, Deoso ati‑ya mai one nofara mai yawaba awineni. Tiwa ene amosa mai dami awa, Deoso ati‑ya mai nofara mai ati fawanaboneni.

Ebereo 13:18

Oda tamine dai hiyarahi, Deoso‑ya. Oda atibodi amosa oda watoneni. Oda ene amosabone oda nofateni.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Bedoro daidi 2:12

Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Bedoro daidi 2:15

“Dai ene amosahi.” Deoso ati ne, dai ene amosiya, yama‑ya mai watora dai ene‑ya mai awiya, mai ati fawanaboneni.

Bedoro daidi 2:19

Ai ene amosa, ai‑ya mai weena, ai yawariya, Deoso ya‑yainebonane. Ai ene amosabisa, ai ene towe‑mone mai ati na, ai‑ya mai bisina, Deoso ai‑ya kasomebonane.

Bedoro daidi 3:21

Ai‑ya mai habanirisa ihi ai besene fawara, Deoso‑ya ai tamine ai kamina ai‑ya ati somawame, ai atibodi besene fawateni. Ai‑ya mai habanirisa, ai‑ya mai one awiya, Deoso ati ai nofa ai‑ya mai watowahaboneni. “Owati‑ya dai nofa, dai‑ya mai habanirisahi faha‑ya.” Deoso ati nematane. Dai atibodi dai‑ya weerabone, dai‑ya mai habanirisahi. Yeso Kirisito kitamemari‑nima ai kitamahareboneni.

Bedoro daidi 4:4

Hibayata dai‑ya mai haaniya, mai ati dai tokadabariya, mai‑nima dai namara, “Ka! Hini yamata ihi ai ati‑ya mai nofamarihi?” Mai ati na, dai‑ya mai hahakana, dai‑ya mai wee teboneni.