Bedoro daidi 3:14 - Deoso-ka Yama Hani

¹⁴ Dai ene amosa, dai‑ya mai bisina, dai yawarihi, dai habo siitorihi na, Deoso dai‑ya kasomebonane.

Bedoro daidi 3:14 ပူးပေါင်းရင်းမြစ်များ

Mateo 10:28

Dai‑ya mai ati naboha, mai‑ya dai nayofinariyahi. Dai atibodi‑ya mai nanahabaterani. Deoso dai nayofinabisahi. Deoso‑ya mai nofara, mai aboni, mai atibodi na‑ya yama hirini‑kaya Deoso weretowitibonane.

Mateo 10:31

Dai habo siitoriyahi. Bani bidi mai dama mai manakone bi‑bidi teni. Dai‑ta dai manakone nafibisateni.

Mateo 10:39

Owa‑ya dai nofa dai‑ya mai nanahaba, dai abaraboneni. “Oda abariyahi.” Dai ati niya, owati‑ya dai tokadabara, dai ababoneni.

Mateo 16:25

Owa‑ya dai nofa dai‑ya mai nanahabiya, dai abaraboneni. Oda abariyahi dai ati niya, owati‑ya dai tokadabara, dai ababoneni.

Mateo 19:29

Owati dai mitahi. Owati‑ya mai tokadaba ihi mai‑ka yama nafi‑ya mai tonawadakosa, mai ihi manakone wadaboneni. Mai‑ka yobe, mai‑ka fadara, mai‑ka ayo, mai‑ka asima, mai‑ka abi, mai‑ka ami, mai‑ka madehe, mai na, mai tonokosa, mai manakone amosa‑ya mai kayafaboneni. Mai manakone fiyakanaboneni. Makobote mai abateraboneni.

Maroko 10:29

Yeso ati yanane, “Owati amosa dai mitahi. Deoso ati amosabote tamine‑ya mai kaminabone, owati‑ya mai tokadaba na, fara ihi mai‑ka yama nafi‑ya mai tonawadakosa, mai ihi manakone wadaboneni. Mai‑ka yobe, mai‑ka fadara, mai‑ka ayo, mai‑ka asima, mai‑ka abi, mai‑ka ami, mai‑ka madehe, mai na, mai tonokosa, fara ihi mai manakone wadaboneni.

Maroko 8:35

“Deoso ati amosabote ati dai nofa, owa‑ya dai nofa, dai na, dai‑ya mai nanahabiya, dai abaraboneni. Oda abariyahi dai ati niya, owati‑ya dai tokadabara, dai ababoneni.

Yowaho 14:1

“Dai atibodi yama‑ya dikariyahi. Deoso ati dai nofiyahi. Owati‑ya dai nofahari, dai nahi.

Yowaho 14:27

Dai habo siitoni awiraboneni. Bofe‑ka dai‑ya mai ati kasomabone mai kitara, mai ati‑nima owati ni awirini, owati ihi dai habo siitoraboneni. Dai atibodi yama‑ya dikariyahi. Dai habo siitoriyahi.

Yeso‑ka yo‑yose mai tamine 9:16

Owa tamine hiyari ene, mai bisihineya, yama bisini kome‑ya watowahebonane.” Yeso ati nane.

Korito yoto‑ke 12:10

Kirisito ene‑ya mai awabone, ya‑yai·oteni. Owa eme koma, ya‑yai·ona, owa‑ya mai weena, ya‑yai·ona, oka yama wadara, ya‑yai·ona, owa‑ya mai bisina, ya‑yai·ona, oteni. Owa eme kitara, Kirisito owa‑ya kasome ene, owa ene kitateni.

Firibo 1:29

Kirisito‑ka dai amani, Yeso ati dai nofaro. Deoso dai‑ya nofe, Kirisito ati dai tokadabiya, dai‑ya mai nakomaboneni. Dai‑ya mai bisina, dai ya‑yainahi.

Tiyako 1:12

Dai ene‑ya Deoso kakatome, yama towe awi dai‑ya kobona, dai atibodi yawara, Deoso ati dai tokadabanasa na, Deoso dai‑ya kasomebonane. Makobote dai tati‑ya mai‑ka Hidi webote tati borone‑nima ne‑ya dai‑ya daanebonane. Dai tamine‑ya Deoso hiyare, “Owa‑ya mai nofa, owa tabaro‑ya mai winabisaboneni.” Deoso ati nematane.

Tiyako 5:11

Deoso ati‑ya mai tokadabamete, Deoso hiyari‑ya mai fawara, mai ya‑yaiteni. I‑di Yobi tamine dai mitamaroni. Deoso‑ya i‑di Yobi nofe, kiyane, yama kome fawa kanibote ra, amoni dame‑ya Deoso hikasomematane. I‑di Yobi‑ya Deoso kasomemata, Deoso ai kasomi‑ya nofatene.

Bedoro daidi 3:6

I‑di Sara‑nima dai nahi. I‑di Sara i‑di Abaraho ati‑ya tokadaba, “Abaraho, oka hidi amatini. Owa‑ya tiyose, tiwati okadababoneni.” Sara ati nameteni. Dai ene amosa, dai habo siitora, Sara bide dai tohani.