Bedoro daidi 3:11 - Deoso-ka Yama Hani

¹¹ Dai ya‑yainabone dai ati na, dai ene‑maro‑nima dai ene namara, dai ene amosawaha, mai ibi weena, dai ati ene mai ibi ati somawamahi.

Bedoro daidi 3:11 ပူးပေါင်းရင်းမြစ်များ

Mateo 5:45

Deoso bidi ama·oni dai ati na, Deoso ene‑nima dai ene nahi. Mai ati kasira mai toha, mai ati soma mai toha na, Deoso mai‑ya kasomatene. Deoso ene mahi wehene‑ya mai nafi awateni. Deoso ene mai tabori dami‑nima faha kakiteni.

Mateo 5:9

Mai ibi weena mai dai kasomahi, mai yawi fawanabonehe. Haa‑nima dai ene niya, Deoso dai‑ya kasomebona, Deoso bidi dai tohawahaboneni.

Mateo 6:13

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Maroko 14:7

Yama mai kihara dai‑ya mai dabateboneni. Mai dai ati kasoma, mai‑ya dai kasomaba awineni. Owa‑ta owa sawi yaboraboneni.

Roka 1:79

Yama soki‑ya mai naha mai kome fawaterabone‑ka hawi‑ya mai sawi, Deoso Bidi ene Deoso ati somebona‑ka hawi ai watowahaboneni.” Sakariya ati nematane.

Roka 6:35

Dai‑ta dai‑ya mai kako‑ya mai dai nofahi. Mai‑ka yama‑bone dai daana, manakone dai haatonamakiriyahi. Makobote Deoso dai‑ka yama manakone‑ya daanibisebonane. Haa‑nima dai niya, Deoso kitabote ene‑nima dai ene naboneni. Deoso ati‑ya mai nofara mai toha, hini mai‑ya mai nokotonihe mai toha, mai na, mai‑ya Deoso kasomatene.

Roka 6:9

Yeso mai‑ya hiyare, “Eme Mose‑ka yama hani ati titi? Sabado‑ya ai owa ai nakitama, ai ati kasiramone dai ati na awini. Sabado‑ya ai owa ai nanahababisa, ai sibabisaramone dai ati na awini. Dai ati yananahi.” Yeso ati nematane.

Yowaho 17:15

Abi, ‘Hibayata mai tiwakamahi.’ Oni awirini. Bofe‑ya mai winasa na mai tikasomahi, Satanasi ati‑ya mai nofarabonehe.

Homa 12:18

Dai ati soma, dai‑ya mai weena, mai dai weeriyahi.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 14:19

Ai ene mai ibi nofi nafe, mai ibi kasomiyahi.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 7:19

Yama amosa onabone ona, yama amosa‑ya oni awisa orani. Yama towe‑ya orabone ona, yama towe‑ya onasa oneni.

Homa 7:21

Yama amosa onofa‑ya owatibodi bote nofara. Yama amosa onofabone ona, owatibodi bote ene yama amosa oni awirani.

Homa 8:6

Mahi‑nima mai atibodi bote ati‑ya mai tokadaba, mai ababoneni. Deoso‑ka Doni ati‑ya mai nokotonihe, mai hasinabone, mai atibodi ati mai‑ya somateni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Koroso 3:15

Yeso Kirisito dai‑ya sawi ene dai atibodi ati somiyahi. Deoso dai‑ya kadikemata, ai ohare‑nima dai na, dai ya‑yainahi.

Timoti daidi 6:18

“Dai ene amosa damahi. Mai‑ka yamata wadara, mai‑ka yamata dai daa, mai‑ka bora wadara bora dai daa dai nahi.” Tinahi.

Ebereo 12:14

Mai ibi weena, mai dai kasomahi, mai ibi weerabonehe. Yama amosa dai ene‑bone dai nokotonihi. Ai ene amosara, Deoso‑ya ai awateraboneni.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Tiyako 4:17

Yama amosa dai wata, yama amosa dai ni awiriya, dai ene amosarani.

Bedoro daidi 3:12

Dai ene amosa, dai ene‑ya Deoso awe, dai‑ya kasomatene. Yama dai haana‑ya dai‑ya daanebonane. Mai ihi amosara Deoso ati‑ya mai tokadabara, yama‑ya mai haana, mai ati‑ya Deoso mitare mai‑ya kasomarebonane.” Deoso‑ka yama hani ati nineni.

Yowaho faina 1:11

Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.