Bedoro daidi 3:1 - Deoso-ka Yama Hani

¹ Mai fanawi, owati dai mitahi. Dai faniya, dai‑ka yibote mai ati dai tokadabahi. Deoso ati‑ya dai‑ka yibote nofare, Deoso ati dai tokadaba, Deoso ati‑ya mai nofaba awineni. Dai ati ene toharaboneni. Dai ene amosa‑ya mai awa, Deoso ati‑ya mai nofawahaba awineni.

Bedoro daidi 3:1 ပူးပေါင်းရင်းမြစ်များ

Mateo 18:15

Dai owa ene amosare, ohari tihiyaraho. Ene amosare tihiyare, tiwati‑ya nofeya, yama amosaboneni. Dai ya‑yainaboneni.

Homa 10:16

Deoso Ati Amosabote‑ya mai kamina, mai ati‑ya mai dami nofara. “Deoso, tiwati oda kamina, oda ati‑ya mai nofarani.” Isa·iya ati ne, Deoso‑ka yama hani‑ya.

Homa 6:17

Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.

Homa 7:2

Mai fanawi tamine‑ya i‑di Mose kanahanomatane. “Mai fanawi fana, mai‑ka yibote ohari‑ya mai famabisahi.” Mose‑ka yama hani ati nineni. Mai‑ka yibote abeya, maki owa‑ya mai famawahiya, mai sibarineni. Mai‑ka yibote abeya, maki owa‑ya mai ati famawaha, Mose‑ka yama hani mai‑ya ati barini awirani.

Korito daidi 11:3

Owati dai mitamakitasahi. I‑di Yeso Kirisito‑ka Hidi i‑di Deoso toha, mai makidi‑ka Hidi i‑di Yeso toha, mai fanawi‑ka hidi mai‑ka yibote mai toha teni.

Korito daidi 14:34

Deoso‑ka yobe‑ya dai yorotokaniya, mai fanawi ati yanariyahi. Mai‑ka yibote ati‑ya mai tokadaba, fara‑nima Mose ati nane.

Korito daidi 7:16

Fana tiha, Deoso ati tinofa, tika yibote Deoso ati‑ya nofare, tiwa ene‑ya aweya, Deoso ati‑ya nofamakiba awane. Yama tiwato awirini. Fara‑nima maki tiha, Deoso ati tinofa, tika yibote Deoso ati‑ya nofara, tiwa ene‑ya awiya, Deoso ati‑ya nofamakeba awineni. Yama tiwato awirini.

Efesiyo 5:33

Makidi dai toha dai‑ka yibote mai dai nofahi. Dai‑ya dai nofi‑nima dai‑ka yibote mai dai nofahi. Fana dai toha dai‑ka yobote mai ati dai tokadabahi.

Koroso 3:18

Mai fanawi fana, mai‑ka yibote ati‑ya mai nofiyahi. Kirisito‑ka mai toha, ati ene mai‑ka yibote ati‑ya mai tokadabiyahi.

Koroso 4:5

Deoso ati‑ya mai nofara mai‑ya dai hiyarahi. Kirisito tamine mai‑ya dai hiyarahi. Dai ene‑ya mai awiya, Kirisito tamine‑ya mai nofawahaba awineni. Dai ene amosiya, Deoso ati‑ya mai nofawahaba awineni.

Tesaronika yoto‑ke 1:8

Yeso kameya, mai ihi amosara mai manakone‑ya daaneya, yifo hirina‑nima yama kome na‑ya mai kayafaboneni. Deoso‑ya mai watora, Yeso Kirisito Ati Amosabote‑ya mai nofara, haa‑nima mai manakone tohaboneni.

Ebereo 11:8

Abaraho‑ya Deoso hiyare, ati‑ya i‑di Abaraho nofe, “Abaraho, tabora bara‑ya tikahi. Tabora tiwa‑ya daa·onabone, yofi·okanaboneni.” Deoso ati nematane. Deoso ati‑ya Abaraho atibodi nofe, toke, “Deoso ati okadababoneni. Tabora iti oawara‑ya Deoso owa‑ya yofikanebona, owa‑ya daahinaboneni.” Abaraho atibodi ati nematane.

Ebereo 5:9

Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro daidi 3:2

Mai ati dai tokadaba, dai ene amosa, dai ene‑ya mai awaboneni.

Bedoro daidi 3:7

Mai makidi dai toha, owati dai mitahi. Dai faniya, dai‑ka yibote mai dai kasomiyahi. Yama‑ya mai weyeniya, mai‑ka yama kote dai weyekana, yama‑ya mai anina, mai dai kasoma nahi. Dai‑ka yibote mai dai weera, mai tamine dai hiyara, mai dai kahiyarabisahi. Dai kiti na‑nafi na, mai fanawi kiti bi‑bidi na, mai dai kasomahi. Mai dai kasomara, Deoso‑ya yama‑ya dai haaniya, dai ati‑ya mitarebonane. Deoso‑ka dai toha, Deoso‑ka dai‑ka yibote toha nineni.

Bedoro daidi 4:17

Hibayata Deoso ati ai no‑nofa ai ene‑ya Deoso kadikeya, ai manakone‑ya daanebonane. Deoso ati‑ya mai nofara, mai ihi Deoso kadikeya, hini yamata‑ya mai kayafiboneti?