Bedoro daidi 2:9 - Deoso-ka Yama Hani

⁹ Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.

Bedoro daidi 2:9 ပူးပေါင်းရင်းမြစ်များ

Mateo 5:16

Yama wahi‑nima dai ene nahi. Dai ene amosa, dai ene‑ya mai awiya, dai‑ka Abi neme‑ke‑ya mai kahiyarawahaboneni.” Yeso ati nemarine.

Roka 1:79

Yama soki‑ya mai naha mai kome fawaterabone‑ka hawi‑ya mai sawi, Deoso Bidi ene Deoso ati somebona‑ka hawi ai watowahaboneni.” Sakariya ati nematane.

Yowaho 17:19

Mai manakone onahababoneni, tika mai tohabonehe.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Yeso‑ka yo‑yose mai tamine 26:28

Akiriba ati yanane, “Baoro, tiwati fa‑famaraba niya, Yeso ati onofabone tina awineni.” Ati nemonane.

Homa 9:24

Deoso‑ka ai tohabone Yodeo ai one toha, Bara ai one toha na, Deoso ai‑ya kasomebona, ai‑ya kadike, ai‑ya kayafematane.

Korito daidi 3:17

Deoso‑ka yobe‑ya mai towe tonihe, Deoso mai‑ya nanahabebonane. Deoso sawi‑ke yobe amosabote tohe, fare yobe dai amani.

Efesiyo 1:14

Deoso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso tabaro‑ya ai winabone ai watoneni. Makobote Deoso tabaro‑ya ai koboniya, yama‑ya daanebona ati ne, ai‑ya yama‑ya daanebonane. Deoso amosabote‑ya ai kahiyarahi.

Efesiyo 1:6

Bidi i‑di Yeso‑ya nofi nafi, ai‑ya nofahari, ai‑ya kasome, Yeso ene Deoso bidi ai tohawaha, Deoso ene amosabote ai kahiyarahi.

Efesiyo 3:21

Kirisito‑ka ai toha Yeso Kirisito ai‑ka Hidi amane. Deoso‑ya ai nafi kahiyarahi. Mahi‑nima Deoso ai kahiyara, ai kahiyari fawaterayaho, Deoso amosabote amane. “Fara amani.” Ai ati nahi.

Firibo 3:14

Owa koboni amosabone, oka hawi bono tati‑ya owakatomateni. Oka hawi bono tati‑ya kobo·oniya, Yeso Kirisito ene owa manakone‑ba Deoso daanebona, neme‑ya owa‑ya towakamebonane.

Koroso 1:13

Satanasi tabaro‑ya yama soki nafiteni. Hibati‑ya Satanasi ai‑ka hidi tohemari, Deoso ene ai‑ka hidi tohamare, Deoso Bidi amosabote ai‑ka Hidi tohawahene.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.

Yeso Kirisito ene‑bona 1:6

Yeso ene Deoso‑ka ai tohawahineni. Deoso‑ya ai abano hiyarawahineni. Yeso‑ka Deoso, i‑di Yeso Badi‑ya ai kahiyarawahineni. Yeso kitawahebona, yama nafi‑ka hidi tohawahebona, yama maakani awirabone, fara koboni‑ya ya‑yai·onaboneni.

Yeso Kirisito ene‑bona 20:6

Mai kitami daidi mai ya‑yainaboneni. Deoso‑ka mai toha, wara hirini mai‑ya natiraboneni. I‑di Deoso, i‑di Yeso ne mai‑ya mai ka‑kahiyaraboneni. Faha fowe 1.000 kani‑ya Deoso‑ka Ka‑kadika eyehe hidi bidi mai tohawahaboneni.

Yeso Kirisito ene‑bona 5:10

Tiwa ene Deoso‑ka mai tohawahineni. Deoso‑ya mai kahiyarawahineni. Bofe‑ka mai‑ka hidi mai tohawahineni.” Mai ati nani.