Bedoro daidi 2:6 - Deoso-ka Yama Hani

⁶ Deoso ati dai mitahi. “Siyaho‑ya oka yati amosabote onawaa onaboneni. Oka yati amosabote manakone nafi tohe ihi yobe amosebonane. Yati amosabote‑nima Oka Dao tohane, Oka Dao ati‑ya dai nofa, ati tamine dai‑ya mai weena, dai atibodi dai‑ya weeraboneni.” Deoso ati nematane.

Bedoro daidi 2:6 ပူးပေါင်းရင်းမြစ်များ

Mateo 12:18

“Oka yo‑yose dai awaho. Okadikemari, onofi nafine. Owati ihi Oka Doni fai‑ya sawibonane. Bara mai‑ya hiyareya, ‘Mai ihi‑nima mai manakone na kobonaboneni.’ Ati nebonane.

Maroko 12:10

Fara Deoso‑ka yama hani ati timitahi, ‘Yobe‑ya mai wa‑wama awa mai werehiwite, yobe tati mese ewene tohawahemarine.’ Deoso‑ka yama hani ati nineni.

Roka 20:17

Yeso mai‑ya kakatome, “Yama‑ya dai watora, Deoso‑ka yama hani ati dai mitahi. ‘Yobe‑ya mai wa‑wama awa mai werehiwite, yobe tati mese ewene tohawahemarine.’ Deoso‑ka yama hani ati nineni.

Roka 23:35

Mai nahokosa Yeso baakane‑ya mai kakatomameteni. Yeso‑ya mai‑ka hidi mai weena, “Mai one‑ya kasomemari, Kirisito‑mona, Deoso‑ka Ka‑kadika‑mona, hini‑ya kasome ai awahi.” Mai ati nameteni.

Yowaho 7:38

Deoso‑ka yama hani ati‑nima owati‑ya mai no‑nofa mai atibodi‑ya faha webote yananiya, faha ihi mai abaraboneni.” Yeso ati nemarine.

Yeso‑ka yo‑yose mai tamine 1:16

“Soho, owati dai mitahi! Deoso‑ka yama hani ati‑nima yama teni. Hibati‑ya Deoso‑ka Doni ati i‑di Dafi hikanahanomata, ati‑nima yama nawahani. Yara mai‑ya Yeso‑ya i‑di Yoda daanebona tamine‑ya i‑di Dafi kanahanomata, ati‑nima yama nawahani.

Homa 10:11

“Yeso ati‑ya mai no‑nofa mai habi siitora, Yeso ati‑nima yama na‑ya mai awawahaboneni.” Deoso‑ka yama hani ati nineni.

Efesiyo 1:4

Hibati‑ya yama‑ya Deoso wamani awisareya, ai‑ya kadike, Yeso Kirisito‑nima ai nawahabone, Yeso Kirisito‑ka ai toha, ai ene amosawama ai‑ya awebona ati nematane.

Efesiyo 2:20

Kirisito ene Deoso‑ka yobe amosabote ai nafi tohaboneni. Kirisito kitabote, yobe tati mese ewene kite‑nima nane. Yobe wamani nahotene. Hibati‑ya Deoso ati‑ya mai mi‑mita‑mete mai toha, Deoso ati‑ya mai kanahanamete mai toha na, Deoso‑ka yobe kote mai toha, Yeso‑ka yo‑yose Yeso tamine‑ya mai kaminamake, yobe kote mai toha, Yeso ati‑ya dai no‑nofa yobe kote dai toha na,

Timoti yoto‑ke 3:16

Deoso hini ati‑ya kamine, ati‑ya ai owa mai kanahanomaroni. Ati ai kanawatomaki, Deoso ati‑nima mai ni awiriya, mai ai weenaboneni, Deoso ati‑ya mai tokadababonehe.

Bedoro daidi 2:4

Deoso‑ka yobe‑ya Deoso wamanebona, kote yati hasikana amosabote, ohari‑ya kadike, manakone nafi tohe, bofe‑ya kame, mai hinofare, dai‑ta ati dai nofawahani.

Bedoro daidi 2:8

Yati‑ya mai taratokana, yati ihi mai yawawahani. Yeso ati‑ya mai nofara, ati‑ya mai taratokateni. Mai ihi‑bone‑ya Deoso watomatane.

Bedoro yoto‑ke 1:20

Deoso ati‑ya mai mi‑mita‑mete Deoso ati‑ya mai kanahanamete, hini mai ati‑ya mai kanahanoterani. Yama dai watohi.

Bedoro yoto‑ke 3:16

Yama hani‑ya i‑di Baoro kanahano, Yeso kamebona tamine‑ya kanahanomarine. I‑di Baoro ati owa kite, ati ai wato kanibote re, ati mai one hiwatore, ati‑ya mai watamone, mai ati na ati‑nima mai ati ra, mai ati ke‑keonibisa, Deoso ati owa‑ya mai keonihe, hini mai ihi mai aba, Deoso tabaro‑ya mai koboraboneni.