Bedoro daidi 2:24 - Deoso-ka Yama Hani

²⁴ Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 2:24 ပူးပေါင်းရင်းမြစ်များ

Mateo 27:26

Birato ati ene Barabasi‑ya mai seekana, Yeso‑ya mai kosina, sodado mai‑ya Birato yosematane, Yeso‑ya mai baakanabonehe.

Mateo 5:20

Mose‑ka yama hani ati‑ya mai ka‑kamina mai toha, fariseo mai toha na, mai atibodi‑nima dai atibodi na Neme‑ke ai nafi‑ka hidi kitabote tohawahe‑ya dai sawiraboneni.” Yeso ati nemarine.

Mateo 8:17

Yama hani i‑di Isa·iya hikanahanamete, fara yama hani ati‑nima Yeso ene nemarine. “Ai kiyana, ai‑ya nakitamebonane.” Isa·iya‑ka yama hani ati nineni.

Maroko 15:15

Mai dama mai ati somawamabone, Birato ati ene Barabasi‑ya mai seekana, Yeso‑ya mai kosina, sodado mai‑ya Birato yosemarine, Yeso‑ya mai baakanabonehe.

Roka 4:18

“Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yowaho 19:1

Birato ati ene Yeso‑ya sodado mai kosini kitameteni.

Yeso‑ka yo‑yose mai tamine 10:35

Tabora dami‑kaya Deoso ati‑ya mai nofa, Deoso ati‑nima mai na, mai‑ya Deoso ati somawamatene.

Yeso‑ka yo‑yose mai tamine 10:39

Yerosare, Yodeya na‑ya Yeso ene oda awa, awa‑ya mai baahikane, abe, oda awa nemarine.

Yeso‑ka yo‑yose mai tamine 13:29

yama hani ati‑mete‑nima mai na, hawa tohe, awa‑ya waane‑ya mai idibasa, yati hodi‑ya mai hinafoye,

Yeso‑ka yo‑yose mai tamine 5:30

Awa‑ya Yeso dai baakane, abe, ai‑ka idi mai‑ka Deoso hinakitamemarine.

Homa 6:11

Haa‑nima dai atibodi ati nahi. “Hibati‑ka o·aba, yati ohawaha, owatibodi bote kiti fawana, ati okadabami awiraboneni, Yeso Kirisito‑ka ohawaha, Deoso ati okadabiya, okahiyarebonane.” Dai atibodi ati nahi.

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Homa 6:16

Owati dai mitahi. Ai owa ati‑ya ai tokadaba, fare ai‑ka hidi tohatene. Fara‑nima dai na, dai atibodi bote ati‑ya dai tokadabatebone dai ati na, dai atibodi bote dai‑ka hidi tohateni. Dai atibodi bote dai‑ka hidi toha, dai ene amosateraboneni. Dai abiya, Deoso eyehe dai winateraboneni. Deoso ati‑ya dai tokadababisabone dai atibodi ati na, Deoso dai‑ka hidi tohatene. Deoso dai‑ka hidi tohe, dai ene amosawamawahaboneni.

Homa 6:2

Haa‑nima dai ati riyahi, dai ene towe tohamarabonehe. Deoso ene ai atibodi yati toha, ai atibodi bote ai‑ka hidi tohamara, ai atibodi bote ati‑ya ai tokadabamariyahi.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Homa 6:7

Hibati‑ka ai tohamaro Yeso eyehe ai abamaroni, ai atibodi bote ai‑ya yaditonamarabonehe.

Homa 7:6

Hibati‑ya Mose ati ai‑ka hidi tohemari, hibayata Yeso ati ai nofawaha, hibati‑ka ai abawaha, hibayata Deoso ai‑ka hidi tohawahe, ai atibodi yati‑ya Deoso‑ka Doni sawiwahene, ai‑ya kasomebonaha.

Korito daidi 15:3

Yeso Kirisito yama owa‑ya hikaminamaro, dai‑ya okaminamakitasineni. “Kirisito abe, ai manakone‑ya nanahabematane.” Deoso‑ka yama hani ati na, fara dai‑ya okaminamaroni.

Korito yoto‑ke 6:17

“Owati‑ya mai nofara mai ati dai tokadabarihi, mai‑ka yama towe dai boyorihi na, dai okayahaboneni.” Deoso ati nematane.

Karatiya 3:13

Mai ihi amosara nafe, awa‑ya mai mai nawaanateni, mai ababonehe. “Awa‑ya mai waana, mai aba, mai‑ya Deoso yawatene.” Deoso‑ka yama hani ati neni. Yeso Kirisito ai ene towe‑ya kayafawahe, awa‑ya waane, abemarine. Ai manakone‑ya nanahababisemarine. Yeso Kirisito‑ya Deoso yawemari, ai‑ya yawarebonaha.

Efesiyo 5:9

Deoso ene yama wahi‑ya dai wi‑wina dai ene amosa, yama amosa‑ya dai atibodi kobona, keyehe‑ya dai hiririhi, dai teni.

Firibo 1:11

Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.

Koroso 2:14

Ai nafi ababone, “Mai ati amosara mai abawahaboneni.” Deoso ati nematane. Kirisito‑ta ai ati amosara manakone‑ya nanahabe, Yeso ene Deoso ati somawamane, ai manakone‑ya nanahabebona, abemarine.

Koroso 2:20

Kirisito abe ene dai atibodi bote aba‑nima dai nawaha, dai atibodi bote ati‑nima mai ati na, hini yamata ihi mai ati dai tokadabiti?

Koroso 3:3

Dai atibodi amosara aba, dai atibodi yati toha, dai one hiawara, Kirisito hiawa, dai‑ya nawadane, Deoso tabaro‑ya dai winabonehe.

Ebereo 10:10

Yeso Kirisito hini‑ya daane ene Deoso ai‑ya kayafawahe, ai atibodi‑ya namosawahe, ai‑ya nofe, ai‑ya ati yawamaterebonane.

Ebereo 10:5

Bofe‑ya Kirisito koboni hawa tohe, ati yanane, “Abi Deoso, tika yama‑bone mai daahinaya, tiwati koboni awirani. Bani‑ya tiwati koboni awirihi, yama kaba‑ya tiwati koboni awirihi na, owa abano daatinamaroni, yama nafi manakone onahababonehe.

Ebereo 12:13

Deoso hawine‑ya dai yakana, dai ene amosa, mai bakatona‑nima dai rabone, mai kitabisa mai‑nima dai yakanahi.

Ebereo 7:26

Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Tiyako 5:16

Dai one‑ya dai ene amosara dai tamine dai kaminahi. Dai ibi tamine Deoso‑ya hiyarahi. Dai‑ya Deoso nakitamebona, dai hiyaraho. Mai ihi amosa, Deoso‑ya mai hiyariya, mai ati ihi kita, mai ati ihi dama teni.

Yowaho daidi 2:29

Yeso Kirisito ene amose hinama tohemari, mai ihi amosa, Deoso bidi mai toha, mai ihi dai awiya, mai ihi amosa, Deoso bidi mai toha, mai dai watowahaboneni.

Yowaho daidi 3:7

Oka dai toha, owati dai mitahi. Oka dao dai toha, dai‑ya keyehe‑ya mai hirikariyahi. Dai ene amosa, Yeso‑ka dai tohani. Yeso ene amose, Yeso ene‑nima mai ihi na, Yeso‑ka mai tohateni.

Yeso Kirisito ene‑bona 22:2

Faha widi fami‑ya awa siitona, ai abarabone‑ka awa amani, fara abariko‑nima awa bonona, bofe‑ya mai wina mai‑ya awa afe kasomaboneni.