Bedoro daidi 2:21 - Deoso-ka Yama Hani

²¹ Dai ene Yeso Kirisito‑ya mai bisina, Yeso‑ya mai nanahabamaroni. Yeso ene amose hinama tohe, mai bisihine yawaremari, “Owa‑nima dai nahi. Dai ene amosa, dai‑ya mai bisiniya, dai yawariyahi.” Yeso ati nemarine.

Bedoro daidi 2:21 ပူးပေါင်းရင်းမြစ်များ

Mateo 10:38

‘Owa‑ya mai ati nanahaba yama sibarini. Yeso ati okadababisaboneni.’ Dai atibodi ati ni awiriya, oka dai tohi awirani.

Mateo 11:29

Owa‑nima dai nahi. Hama·oterani. Owati somateni. Owa‑nima dai niya, dai atibodi maa tohamateraboneni.

Mateo 16:24

Yeso‑ya oda da‑daba oda‑ya Yeso hiyaramaki, “Owa‑ya dai ati daba, dai‑ka yama dai nokotoniriyahi. Owa‑ya dai dabiya, owa‑ya mai nanahababone‑nima dai‑ya mai nanahabahareba awineni.

Roka 24:26

Deoso‑ka yama hani ati‑nima Deoso‑ka Ka‑kadika abe, kitame, amosabote tohawahane.” Yeso ati nematane.

Yowaho 13:15

Owa ene‑nima dai ene niyahi.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 17:3

“‘Kirisito mai bisihineya, mai hinahabeya, kitamebonane.’ Deoso‑ka yama hani ati nineni. Yeso ai‑ka Kirisito tohe, Yeso tamine‑ya dai‑ya ohiyarateni.” Ati ne.

Yeso‑ka yo‑yose mai tamine 9:16

Owa tamine hiyari ene, mai bisihineya, yama bisini kome‑ya watowahebonane.” Yeso ati nane.

Homa 8:29

Hibati‑ya Deoso ai‑ya awe, ai‑ya kadikematane, Bidi i‑di Yeso‑nima ai nawahabonehe. Deoso Bidi daidi i‑di Yeso tohe, sohori ai damawahaboneni.

Korito daidi 11:1

Kirisito‑nima oteni. Owa‑nima dai niyahi.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Firibo 2:5

Yeso Kirisito atibodi ati‑nima dai atibodi ati nahi.

Tesaronika daidi 3:3

Dai‑ya mai bisina, dai habo siitoriyahi. Dai‑ya mai bisinabone mai‑ya dai watamaroni.

Tesaronika daidi 4:2

Ai‑ka ayo i‑di Yeso ati oda kaminemari, ati dai watoneni.

Timoti yoto‑ke 3:12

Yeso Kirisito ati ai no‑nofa Yeso ati‑nima ai niya, ai‑ya mai bisinaboneni.

Ebereo 2:10

Yama nafi‑ya Deoso wamanemata, hika yama toha, ai ene amosara manakone‑ya ai‑ka Hidi‑bona nanahabebona, Deoso ene amose ene Yeso komene kitematane, amosabote tohebonaha. Yeso ene Deoso bidi mai dodamawahani.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Bedoro daidi 3:9

Dai‑ya mai we‑wee mai dai weerihi, dai‑ya mai ka‑kako mai dai kakorihi na, hiniya mai dai kasomahi. Haa‑nima dai nabone Deoso ati ne, dai‑ya haanemarine. Haa‑nima dai niya, Deoso dai‑ya kasomebonane.

Bedoro daidi 4:1

I‑di Yeso Kirisito mai bisihine, oda‑ya kasomebona abano komene kitemarine. Dai‑ya mai bisina, dai yawariyahi. Yeso atibodi ati‑nima dai atibodi ati nahi. Yeso Kirisito mai bisinamaro dai‑ya mai bisinaboneni. Ai‑ya mai bisina, yama towe‑ya ai nofamaraboneni.

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.

Yowaho daidi 2:6

“Yeso‑ka oda amani.” Ai ati na, Yeso Kirisito ene‑mari‑nima ai ene nahi.

Yowaho daidi 3:16

Deoso ai‑ya nofa, Yeso ai‑ya nofa ne, ai manakone‑ya nanahabemarine. Yeso ene ai awa, ai‑ya nofe‑ya ai watowahineni. Yeso ene‑nima ai ene na, ai‑ka mai ihi ai aba, ai sibaraboneni.

Yeso Kirisito ene‑bona 12:11

‘Yeso ati‑ya dai nofa dai hiyari fawani awiriya, dai‑ya oda nanahababoneni.’ Satanasi‑ka mai one ati nineni. ‘Oda aba, oda sibaraboneni.’ Mai ati namaroni. Kaneiro Bidi emene ene mai kita, Deoso oni‑ya mai saatonakosi awira ihi Satanasi kiti wadami awirane.