17 Deoso ati‑ya dai no‑nofa dai ene‑ya mai awiya, mai yawaraboneni. Deoso ati‑ya mai no‑nofa mai dai nofa, Deoso ati‑ya dai tokadaba, kofeno‑ka hidi mai ati‑ya dai tokadaba, dai nahi.
“I‑di Sesa korimari, oni ne, yinero bako‑ya waane.” Mai ati namaroni. “Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nemarine.
“Yinero‑ya mai haana, mai ati dai tokadabahi.” Deoso ati ne. Mai ati dai tokadabahi. Mai dai kasomabone mai ati na, mai dai kasoma, mai tamine amosa dai kamina dai nahi.
Dai onofa, owati dai mitahi. Deoso ai‑ya kasome ene ai atibodi amosa, ai abano ene amosa nahi. Deoso ai nayawarabone, Deoso ai ya‑yainihebone, ai ene amosahi.
Dai‑ya mai kanikamaro, dai‑ka hidi dai nofiyahi. Dai‑ka hidi ati dai tokadaba ene Deoso‑ya mai kakorabone, Deoso‑ka yama hani tamine‑ya mai kakoraboneni.
Kofeno‑ka hidi bi‑bidi mai ati dai tokadabahi. Kofeno‑ka hidi webote i‑di Sesa tohe, ai‑ka Hidi i‑di Yeso ati ene kofeno‑ka hidi webote ati dai tokadabahi.
Yetene dai toha, owati dai mitahi. Bote mai toha mai ati dai nofa, “Owa‑ta amosabote ama·oni.” Dai ati riyahi. Hiniya dai ibi kasomahi. “Hini mai‑ya mai kahiyara, mai‑ya Deoso kakotene. Hini mai‑ya mai kahiyarara, mai‑ya Deoso kasomatene.” Deoso‑ka yama hani ati teni.