Bedoro daidi 2:16 - Deoso-ka Yama Hani

¹⁶ Mai one‑ka yo‑yose dai tohara, Deoso‑ya na‑narifa dai toha, deoso ati‑nima dai ene amosarariyahi. Dai ene amosabone Deoso nofateni.

Bedoro daidi 2:16 ပူးပေါင်းရင်းမြစ်များ

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Yowaho 15:22

Deoso ati okamini awira‑mani, mai ihi manakone wadara neni. Deoso ati okaminabisamaro ene mai manakone wadineni.

Homa 6:18

Dai atibodi bote dai‑ka hidi tohamara, dai wahawama, Deoso dai‑ka hidi tohawahe, dai ene amosawamawahaboneni.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Korito daidi 7:22

Mai mai hikanikamaro Deoso ati‑ya mai nofawaha, Deoso‑ka se‑seekana mai tohawahani. Mai mai hikanikaramaro Deoso ati‑ya mai nofawaha, Kirisito‑ka ka‑kanika mai tohawahani.

Karatiya 5:1

Yeso Kirisito dai manakone‑ya nanahabemari, ati dai nofe, Deoso‑ka dai toha, dai noko wadahi. Dai‑ya mai yaditonamatasariyahi.

Karatiya 5:13

Deoso dai‑ya kadikemari, dai ene towe dai‑ya yaditonamaraboneni. Yeso ati‑ya dai nofa, dai atibodi bote ati‑nima dai namariyahi. “Owa‑ta ya‑yai·obisaboneni. Owatibodi bote ati‑nima onaboneni.” Dai ati riyahi. Deoso dai‑ya seekane, dai atibodi yati ati‑nima dai naboneni. Dai ibi nofiya, dai ibi kasoma niya, dai nafi ya‑yainaboneni.

Efesiyo 6:6

Dai‑ya mai yose, dai‑ya mai awa, yama anini‑ya dai kita, dai‑ya mai kakatomara, dai anini kiti fawariyahi. Kirisito dai‑ka hidi tohe, Deoso ati‑ya dai tokadababone dai ati na, yama dai aninahi.

Koroso 3:24

Hibayata yama‑ya mai anina, makobote neme‑ya mai koboniya, mai manakone wadaboneni. Yama‑ya mai anina, mai‑ka Hidi, i‑di Yeso Kirisito mai‑ka yama anini‑ya awe, mai‑ka yama anini manakone‑ya daanebonane.

Tesaronika daidi 2:5

Oda‑ya dai nofabone, oda ati toharihi, oda‑ya yinero dai daanabone, oda ati toharihi na dai wato, Deoso hiwato hineni.

Tiyako 1:25

Deoso Ati Amosabote ati dai mite, ati dai kadike, ati dai fawani awire, ati dai tokadaba ne, Satanasi dai‑ya yaditonamare, Deoso dai‑ya kasomebonane.

Tiyako 2:12

Dai ene, dai ati na‑ya Deoso kadikebona, dai ene, dai ati na, amosahi. Deoso dai‑ya nofe, dai‑ya kasomebona ati nane.

Bedoro yoto‑ke 2:19

Mai fanawi dai nokotoniyahi mai ati na, dai‑ya mai barikanabone mai ati amani. “Oda ati dai tokadabiya, oda ati dai‑ya seekanaboneni.” Mai ati na. Satanasi hibati‑ya mai barihikana, mai one‑ya mai seekanabone mai ati na, keyehe‑ya mai hirineni.

Yoda‑ka yama hani 1:4

Dai noko beheri‑kaya Satanasi‑ka mai one dai‑ya dabawaha, ai‑ka Hidi i‑di Yeso Kirisito‑ya mai nofara, Deoso ati‑mona‑ya mai kamina, mai fanawi mai makidi na, mai ai aha sibarini. Deoso ai‑ya weerebona mai ati teni. Hini mai ihi mai ababone Deoso ati nemata, Deoso ati yokana‑ya mai kamina mai tamine‑ya mai kanahanameteni.