Bedoro daidi 2:15 - Deoso-ka Yama Hani

¹⁵ “Dai ene amosahi.” Deoso ati ne, dai ene amosiya, yama‑ya mai watora dai ene‑ya mai awiya, mai ati fawanaboneni.

Bedoro daidi 2:15 ပူးပေါင်းရင်းမြစ်များ

Mateo 25:2

Atona mai 5 kana yama‑ya mai wato, atona mai one 5 kana yama‑ya mai watorani.

Mateo 7:26

Owati‑ya dai tokadabara, yama dai wato awirani. Haa‑nima dai nineni. Ai owa yama‑ya watore, siki‑ya yobe‑ya wamane,

Homa 1:21

Hibati‑ya Deoso ene‑ya mai awamaro, “Yama nafi Deoso ene tohi awirini. Hiniya yama yanineni. Deoso wadaterene.” Mai atibodi ati na. Deoso‑ya mai kahiyari awira, hini mai ihi yama‑ya mai watora, mai ka‑kana na, mai‑nima mai nawaha, hini mai ihi yama soki‑nima mai atibodi nawaha, yama‑ya mai watomarani.

Karatiya 3:1

Karatiya‑ya dai wi‑wina dai ka‑kana nawaha awineni. Mai‑ka keyehe‑ya dai nofawahineni. Hibati‑ya dai tabaro‑ya oda wina, Yeso Kirisito tamine oda kaminamaroni. Keyehe‑ya dai‑ya oda hirikaramaroni. “Yeso awa‑ya abemarine, ai manakone‑ya nanahaberi.” Oda ati namaroni. Yeso ati ai nofiya, ai sibarabone ona. Owati dai mita, owati dai watamaroni.

Tesaronika daidi 4:3

Dai ene amosabone Deoso ati ne, dai ene amosiyahi. Tika yibote dai famabisahi. Fana mai one‑ya dai famawahariyahi. Mai‑ya dai siwakariyahi.

Tesaronika daidi 5:18

Yeso Kirisito ati dai no‑nofa yama nafi tamine‑ya Deoso‑ya dai kahiyarahi. Dai kiyara dai toha, dai kiyana dai toha na, Deoso‑ya dai kahiyarahi. Yamata dai kiha dai toha, yamata dai kihara dai toha na, Deoso‑ya dai kahiyarahi. Deoso dai‑ya nofi nafi dai‑ya kasomebona tamine dai kadika, Deoso ene dai ya‑yainaboneni. Haa‑nima dai niya, Deoso ya‑yainebonane.

Timoti daidi 1:13

Hibati‑ya Yeso ati onofara, Yeso tamine‑ya keyehe‑ya hiri·ona, Yeso ati‑ya mai no‑nofa mai‑ya bisi·ona, yama owatora, Deoso owa‑ya ati somawamemarine.

Tito 2:8

Deoso ati tihiyara, tiwa ene amosa‑ya mai dami awiya, Deoso ati‑ya mai one nofara mai yawaba awineni. Tiwa ene amosa mai dami awa, Deoso ati‑ya mai nofara mai ati fawanaboneni.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Bedoro daidi 2:12

Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Bedoro daidi 3:16

Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.

Bedoro daidi 3:17

Dai ene amosa, Deoso mai‑ya ati barini awire‑mana, dai‑ya mai bisina, sibarabone, Deoso dai‑ya kasomebonane. Dai ene amosara, dai‑ya mai bisiniya, Deoso dai‑ya kasomarebonane.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.

Bedoro yoto‑ke 2:12

Ai one mai ihi amosara, bani yama‑ya mai watora mai‑nima mai nineni. Bani mai ai sibateni, bani mai ai nanahababonehe. Fara bani mai‑nima mai na, Deoso mai‑ya wateya, mai‑ya nanahabebonane.

Yoda‑ka yama hani 1:10

Deoso ati‑ya mai nofara, yama‑ya mai watorihi mai na, Deoso‑ka yo‑yose mai tamine‑ya mai hahakanineni. Bani mai‑nima mai na, yama‑ya mai watora, hini mai ihi Deoso mai‑ya nanahabebonane.