Bedoro daidi 2:12 - Deoso-ka Yama Hani

¹² Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Bedoro daidi 2:12 ပူးပေါင်းရင်းမြစ်များ

Mateo 10:25

Dai‑ka hidi‑nima dai‑ya mai ni‑ya yama sibaraboneni. Dai‑ka hidi‑ya mai nofara, ‘Dai‑ka hidi i‑di Beosibo amane.’ Mai ati niya, ‘Satanasi‑ka dai amani.’ Mai ati nihi naboneni.

Mateo 5:11

Owati‑ya dai nofa dai‑ya mai nofaraboneni. Dai‑ya mai wee, dai‑ya mai bisi, dai tamine‑ya keyehe‑ya mai hiri, mai naboneni.

Mateo 5:16

Yama wahi‑nima dai ene nahi. Dai ene amosa, dai ene‑ya mai awiya, dai‑ka Abi neme‑ke‑ya mai kahiyarawahaboneni.” Yeso ati nemarine.

Mateo 9:8

Yeso ene‑ya mai awa, mai habi siitona, “Deoso ene amose, ati ene ai owa yama‑ya wato nafine.” Mai ati nameteni.

Roka 1:68

“Deoso ene amosabote amane. Isara·eo‑ka nodi ai toha, Deoso‑ka ai amani. Deoso ai‑ya kasomamatasane.

Roka 19:44

Dai‑ya mai nanahababone, dai‑ka yobe‑ya mai nanahababone, yati fama demenare wadamateraboneni. Hibayata Deoso dai‑ya sawi, dai watore ene dai abawahaboneni.” Yeso ati nematane.

Roka 6:22

Dai‑ka Ayo neme‑ke‑ya dai nofa ihi dai‑ya mai kako, dai‑ya mai kananihe, dai‑ya mai wee na, Deoso dai‑ya kasomebona,

Yowaho 13:31

Yoda nowati‑ya Yeso ati yanane, “Hibayata dai‑ka Ayo neme‑ke ene amosabote‑ya mai awawahaboneni. Owa ene Deoso‑ya mai kahiyari ba‑basi naboneni.

Yeso‑ka yo‑yose mai tamine 15:14

Simaho Bedoro ati dai mita, ‘Hibati‑ya Bara mai‑ya Deoso haane, mai‑ya kayafebonaha.’ Ati ne.

Yeso‑ka yo‑yose mai tamine 24:13

Owa ene‑mone mai ati na, owa ene tohi awirani. Keyehe‑ya mai hirinineni.

Yeso‑ka yo‑yose mai tamine 25:7

Baoro kobone, Yodeo Yerosare‑ya mai kama, mai yorotokana, Baoro tamine‑ya mai hiyara, “Baoro ati kasiro, ene amosare, Mose ati tamine‑ya mai‑ya keyehe‑ya hiri kitine.” Mai ati na. “Mai ati‑nima Baoro ene tohare awane, yama owato awirini.” Fesito atibodi ati ne.

Yeso‑ka yo‑yose mai tamine 28:22

Tiwati oda mitawahaboneni. Yeso ati‑ya dai no‑nofa, towe dai‑mone mai ati teni. Oda dami tiwati‑ya oda mitawahaboneni, yama oda watowahabonehe.” Mai ati namaroni.

Homa 12:17

Dai‑ya mai ihi amosara, mai‑ya dai ene amosabisa. Dai ene‑ya mai one awiya, dai ene amosa‑ya mai watowahaboneni.

Homa 13:13

Yama tehe‑ka ai toha, ai ene amosa, Yeso koboni hawa tohe‑nima ai ene nahi. Mai ai weerihi, ai yawarihi, kawi ihi ai towe toharihi, ai‑ka yibote mai awira mai‑ya ai dakorarihi, mai‑ka yibote mai ai aharihi, ai‑ka yibote‑ta ai famabisa, ai nahi.

Homa 14:18

Fara haa‑nima ai toha, Kirisito‑ka yama anini‑ya ai anina, Deoso ai‑ya kayafebona, ai‑ya mai one nofaboneni.

Homa 15:9

Bara mai‑ya Yeso kasomahari, Deoso‑ya mai kahiyarabone tamine‑ya Dafi hibati‑ya kanahano, “Bara mai‑ya Deoso tamine okaminiya, mai eyehe Deoso okahiyara, hika wayoma oda hirinaboneni.” Deoso‑ka yama hani‑ya Yeso tamine‑ya Dafi kanahanomatane.

Korito daidi 14:25

Mai atibodi ati‑ya Deoso wato‑ya mai wata, mai moikanisa, “Deoso dai‑ya sawine.” Mai ati nabone, Deoso‑ya mai kahiyaraboneni.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 13:7

“Abi Deoso, Korito‑ya mai wi‑wina mai tikasomahi, mai ihi amosabonehe.” Oteni. Dai ene amosa, oda‑ya ya‑yainihe, oda‑ya dai nofara, sibarini. Dai ene oda ya‑yainaboneni.

Korito yoto‑ke 8:21

Ai‑ka Hidi i‑di Yeso ai ene amosa‑ya awa, mai one hiawa hinabone oda ati nofani.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Efesiyo 4:22

Dai atibodi bote ati‑ya dai tokadabamariyahi. Dai atibodi bote, yama towe‑ya nokotonihe. Bora bisa toha, taninisa‑nima dai atibodi bote dai nihi.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 4:8

Oka soho dai toha, owati dai mitahi. Owati fawani yanatoni. Yama amosa toha, mai ati amosa, mai ihi amosa toha na, mai tamine‑ya dai atibodi kadikabisahi. Dai‑ya mai kasoma, mai one‑ya mai kasoma na, mai ihi amosa, mai‑ya mai atibodi kahiyara, mai ihi amosi ba‑basi na, mai tamine dai kadika nahi.

Tesaronika daidi 4:12

Yeso ati‑ya mai nofara dai‑ka yama anini‑ya mai awa, dai ene amosa‑ya mai watowahaboneni. Oda ati‑nima dai niya, dai‑ka yama anini kita, dai‑ka yamata tosiyoteraboneni. Hasinaboneni.

Timoti daidi 2:2

Yara mai‑ka hidi tamine dai hiyara, dai‑ka hidi tamine dai hiyara nahi. Ai‑ka hidi bofe‑ka mai tamine ai hiyariya, ai‑ka hidi ai‑ya mai weeni awiraboneni. Ai ene amosaboneni. Deoso ati‑nima ai naboneni.

Timoti daidi 4:12

Timoti, Yeso ati‑nima tiyahi. Yeso ati‑nima tiwati nahi. Yeso mai‑ya nofemari‑nima mai‑ya tinofa, tiwa‑ya mai kaka, tiwati yawariyahi. Deoso‑ta owa‑ya nofe, yama sibarabone tiwatibodi ati nahi. Mai fanawi nokotinirihi tinahi. Tiwa ene‑ya mai awaboneni. Yetene tiha, tiwa‑ya mai weeraboneni. Tiwa ene‑nima mai ihi nawahaba awineni.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Ebereo 13:18

Oda tamine dai hiyarahi, Deoso‑ya. Oda atibodi amosa oda watoneni. Oda ene amosabone oda nofateni.

Ebereo 13:5

Yinero dai nokotonira, Deoso ene yama dai kiha, dai ya‑yai nahi. “Dai‑ya osawebone, dai honita tohateraboneni.” Deoso ati nematane.

Tiyako 3:13

Yama‑ya dai wa‑wato dai ene amosa tamine‑ya dai hiyari awira, mai‑ya dai kasoma, dai ene amosa‑ya mai awa, yama dai wata dai‑ya mai watowahaboneni.

Bedoro daidi 2:15

“Dai ene amosahi.” Deoso ati ne, dai ene amosiya, yama‑ya mai watora dai ene‑ya mai awiya, mai ati fawanaboneni.

Bedoro daidi 3:16

Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.

Bedoro yoto‑ke 3:11

Yama nafi hirinabone, dai ene amosiyahi, dai hatirabonehe. Deoso ati‑ya dai tokadabiyahi.