Bedoro daidi 2:1 - Deoso-ka Yama Hani

¹ Deoso ati‑nima dai na, dai ene‑maro‑nima dai ene namariyahi. Keyehe‑ya dai ibi hirikariyahi. Hini dai atibodi ati yokana‑nima dai ati nahi. Mai‑ka yama‑ya dai atibodi kayafarihi, dai ibi tairihi nahi.

Bedoro daidi 2:1 ပူးပေါင်းရင်းမြစ်များ

Mateo 15:7

Towe dai amani. Deoso ati‑ya i‑di Isa·iya kamine, fare dai tamine‑ya kanahanone,

Mateo 23:28

Dai‑ya mai awa, dai atibodi amosamone mai ati na awineni. Dai atibodi towe hinama toha, mai ati‑nima dai atibodi terani.

Mateo 24:51

Hidi kobonameya, hika yo‑yose towe‑ya bisini kitebonane. Deoso ati‑ya mai tokadabara mai sawi‑kaya hinawaibonane. Mai ohi, mai kome kita naboneni.” Yeso ati nemarine.

Mateo 7:5

Towe amatini. Tiwa noko‑ka awa ibe sobatinamahi. Tiwa noko amosawamiya, mai‑ka awa hibakori sobatinamaneni. Tiwa ene amosawami bahiya, mai one‑ya tikanawatohi.

Maroko 12:15

Ai‑ka yinero‑ya mai haaniya, yinero ai daanibaraniha? Sesa‑ka yinero‑bona ai daaniya, sibakarini?” Mai ati namaroni. Mai atibodi ati‑ya Yeso wato, ati yanane, “Owa‑ya dai watabone dai ati amani. Yara‑ka yinero ohari dai kakamahi.” Yeso ati nemarine.

Roka 11:44

Ka! Mai‑ya dai kanawato amosara, yama‑ya mai watora ihi mai ihi towe tohama, hini dai ene amani. Dai ene manakone wadani.” Yeso ati nematane.

Roka 12:1

Mai dama mai yorotokana, 1.000 dame‑nima mai na, mai dama mai ihi mai ibi tame tainameteni. Yeso hika mai da‑daba mai‑ya hiyare, “Fariseo mai‑ka femeto‑ya dai arabanahi. Fara mai ihi tamine amani. Mai ati amosa, mai ihi ati kasirobisa, mai‑nima dai riyahi.

Roka 6:42

‘Soho, awa hibakori tiwa noko‑ya boka, soba·onamaboneni.’ Titerani, tiwa noko‑ya awa ibe foyaro. Mai ihi towe bide toha mai‑ya tikanawatoriyahi, tiwa ene towe ba‑basi naro. Towe amatini. Tiwa noko‑ka awa ibe sobatinamahi. Tiwa noko amosawamiya, mai‑ka awa hibakori sobatinamaneni. Tiwa ene amosawami bahiya, mai one‑ya tikanawatohi.

Yowaho 1:47

Mai towakama, Yeso‑ya mai kobokana, Natanaeo‑ya Yeso hiyare, “Isara·eo‑ka nodi yokana amatini. Tiwa ene amosa hinama tohani.” Yeso ati ne,

Homa 1:29

Yama towe‑ya mai atibodi nokotonihe, hini mai atibodi ati koboni‑ka yama‑ya mai nokotoni teni. Mahi‑nima mai ihi amosara, mai one‑ka yama‑ya mai nokotonihe, mai one‑ka yama‑ya mai kayafara, mai yawateni. Mai one‑ya mai kako, mai one‑ya mai nanahaba, mai ibi wee, keyehe‑ya mai hiri na, hini mai‑ya mai kahiyara, mai one noki‑ya mai one‑ya mai kahiyara, mai one noki beheri‑kaya mai one‑ya mai towe tonihi teni. Mai one tamine‑mone‑ya mai ibi narabi basateni.

Korito daidi 14:20

Soho, madehe i‑isi na yama towe‑ya mai atibodi kadikaterani. Mai‑nima yama towe‑ya dai kadikariyahi. Madehe yama‑ya watora, mai‑nima dai riyahi. Ai hawa toha, yama‑ya wato‑nima yama dai watobisahi.

Korito daidi 5:8

Deoso‑ka yo‑yose ai‑ka idi mai‑ya kakariwahemata tamine‑ya ai kadika, ai mariteni. Ai marina, baho femeto kihara‑ya ai kabateni. Ai ene amosara femeto‑nima teni. Ai ene amosara‑ya mai awa, mai ihi amosara tohamakeba awineni. Ai ene amosaramaro‑nima ai ene namarihi. Ai ene amosabisa, keyehe‑ya ai hiririyahi.

Korito yoto‑ke 12:20

“Dai tabaro‑ya kobo·oniya, dai ene amosaraba awineni.” Owatibodi ati na. Dai ene amosara‑mani, owa ene dai nofara neni. Dai ibi wee, mai one‑ka yama‑ya dai ati kayafa, dai ibi ati yawa, dai one‑ya dai ati kasomara, keyehe‑ya dai hiri, mai noki beheri‑kaya mai tamine‑mone‑ya dai kamina, dai‑ya dai kahiyarabisa, dai ibi nimani awira, dai ene haa‑nima niya, owa ene‑ya dai awaboneni.

Efesiyo 4:31

Mai‑ya dai kakorihi, dai ati bida‑ya mai dai daarihi, dai nahi, dai ati komene‑ya mai awarabonehe. Mai dai keyeherihi, dai ati ene mai korikasarihi na, dai ati ene mai atibodi komaraboneni.

Tesaronika daidi 2:3

Dai‑ya oda hiyara, keyehe‑ya oda hiriterani. Dai‑ka mai fanawi oda siwakarihi, dai‑ka yamata oda botirihi, oda teni. Oda ene amosa, Deoso ati‑ya dai‑ya oda kamina, yama manakone oda haani awiramaroni.

Timoti daidi 3:11

Deoso‑ka mai‑ya mai kasomabone, mai‑ka yobote mai ihi amosahari nahi. Mai one tamine‑mone‑ya keyehe‑ya mai hiririhi, kawi‑ya mai nokotonirihi, mai na, hini mai‑ka yama‑ya mai ani, mai one‑ya mai kasoma, mai na, mai sibarineni.

Tito 2:3

Mai fanawi bote tikanawatohi, mai ihi amosawamaharebonehe. Mai one tamine‑mone‑ya mai hiyararihi, kawi ihi mai towe toharihi, mai naboneni. Mai one‑ya mai kanawata, mai ihi amosaboneni.

Ebereo 12:1

Deoso ati‑ya mai no‑nofa‑mete mai ihi ai awa, mai‑nima ai nahi. Deoso ati ai tokadaba, yama one ai nokotonira. Ai‑ya mai one awaboneni. Ai kananabone, yama kanaha‑ya ai weyeterani. Yama kanaha ai korotowitiya, ai honita kanateni. Ai ene amosara yama kanaha‑ya ai weyena‑nima teni, Satanasi‑ka keyehe ai tokadabamaro, ati ai nofami awireya, Deoso hawine‑ya ai yakaniya, ai kiti fawaraboneni.

Tiyako 1:21

Dai ene amosaramaro‑nima dai ene namariyahi. Dai ati yanana, dai ati amosahi. Mai ati towe, mai ati‑nima dai ati rihi, mai ihi towe, mai ihi‑nima dai ene rihi nahi. Deoso hini ati‑ya dai atibodi‑ya kanahanomata, ati dai nofe, tabaro‑ya dai winamakeboneni.

Tiyako 3:14

Yama dai atibodi hikayaha‑ya mai one kayafa, mai‑ya dai atibodi kako, yama dai nokotonihe dai kayafabone, mai one dai tai na, haa‑nima dai atibodi na, dai tamine dai kahiyarariyahi. Dai‑ya dai kahiyara, keyehe‑ya dai hiriteni.

Tiyako 4:11

Oka soho dai toha, owati dai mitahi. Dai owa ene dai kadikariyahi. Dai owa atibodi dai watora, Deoso‑ta hiwatobisane. Dai owa ene dai kadikarabone Deoso ati ne. Dai owa ene dai kadika‑mani, Deoso ati dai tokadabara, Deoso yama‑ya wato awire, dai‑ta, dai watobisa‑mone dai atibodi ati neni.

Tiyako 4:5

Deoso ene hika Doni ai‑ya sawi, ai‑ya kayawi kitebona Deoso‑ka yama hani ati na, ati honita toha‑mone dai ati na awineni. Deoso ati honita tohaterene.

Tiyako 5:9

Dai owa tamine dai kaminariyahi. Dai ibi soho na, dai ibi ene kadikariyahi. Ai nafi ene‑ya Ka‑kadika‑bona kamebona nokobi‑ya waane.

Bedoro daidi 2:16

Mai one‑ka yo‑yose dai tohara, Deoso‑ya na‑narifa dai toha, deoso ati‑nima dai ene amosarariyahi. Dai ene amosabone Deoso nofateni.

Bedoro daidi 2:22

Yeso ene amose hinama tohe, keyehe‑ya hiriterene.

Bedoro daidi 3:10

Deoso ati dai mite, “Dai ya‑yainabone, dai amosawahabone dai ati na, mai dai tairihi, keyehe‑ya dai hiririhi, dai nahi.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.

Bedoro daidi 4:4

Hibayata dai‑ya mai haaniya, mai ati dai tokadabariya, mai‑nima dai namara, “Ka! Hini yamata ihi ai ati‑ya mai nofamarihi?” Mai ati na, dai‑ya mai hahakana, dai‑ya mai wee teboneni.

Yeso Kirisito ene‑bona 14:5

Keyehe‑ya mai hirini awira, mai ihi towe wadarani.