Bedoro daidi 1:8 - Deoso-ka Yama Hani

⁸ Yeso Kirisito dai awaremari, dai nofi neni. Hibayata dai aware, ati dai nofe, Deoso dai kahiyara, dai ya‑yaini ba‑basi na‑ya mai awa, yama‑ya mai watoterani.

Bedoro daidi 1:8 ပူးပေါင်းရင်းမြစ်များ

Mateo 10:37

Owa dai nofi nafibisahi. Abi, ami, mai na, mai dai nofi bi‑bidi nahi. Dai‑ka madehe dai nofi bi‑bidi nahi. Owa‑ya mai nofi nafira, oka mai tohi awirani.

Yowaho 14:15

Owa‑ya dai nofiya, owati dai tokadababoneni.

Yowaho 14:21

Owati‑ya mai mita, owati‑ya mai tokadaba, owa‑ya mai no‑nofa mai amani. Owa‑ya mai nofa Okobi mai‑ya nofane. Owa‑ya mai nofa, mai onofahari ona, owati ihi owa‑ya mai wataboneni.” Yeso ati nemarine.

Yowaho 14:24

Owa‑ya mai nofara owati‑ya mai tokadabaterani. Hini owati tohi awirani, Okobi owa‑ya yose‑mari oda fama oda ati amani.

Yowaho 16:22

Mai fanawi dori kome kita mai‑nima dai nawahabone, dai yawabone, makobote owa dai awamatasiya, dai ya‑yainawahaboneni. Dai ya‑yaini fawaraboneni.

Yowaho 20:29

“Okitama, owa abano tiawa, owa tamine tinofawahineni. Owa kitami‑ya mai awara, hiniya owa tamine‑ya mai nofa, mai‑ya Deoso kasomebonane.” Yeso ati nemarine.

Yowaho 8:42

“Dai‑ka Abi Deoso tohe‑mana, owa‑ya dai nofa neni. Deoso oda famamaro, dai tabaro‑ya okemaroni. Hiniya oki awira, owa‑ya Deoso yosemarine.

Yeso‑ka yo‑yose mai tamine 16:34

I‑di Baoro, i‑di Sira mai fama mai‑ya towakame, hika yobe‑ya mai‑ya natafane. Kadeya hidi, hika mai eyehe Deoso ati‑ya mai nofa, mai ya‑yainineni.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Korito daidi 16:22

Ai‑ka Hidi ati‑ya mai nofara, Deoso mai‑ya nakomebonane. “Yeso, oda‑ka Hidi amatini. Kama kanibote tinahi.” Oteni.

Korito yoto‑ke 1:22

Deoso oni ai‑ya sawi, hika Doni ai atibodi‑ya sawi ne, ati‑nima yama nabone ai watoboneni.

Korito yoto‑ke 12:4

Deoso tabaro‑ya toke, “Ati timite ati tikaminarayaho.” Deoso ati nemarine.

Korito yoto‑ke 4:18

Yama ai awa ai nokotonira, aba kanibote naboneni. Yama ai awara ai nokotonihe abateraboneni.

Korito yoto‑ke 5:7

Ai abano yati ai awara, ai nimana, Deoso ati ai mite, ati ai nofane.

Korito yoto‑ke 9:15

Deoso ai‑ka yama‑bone daahina, ai fiyakiteraboneni. Deoso ai kahiyarahi.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Efesiyo 3:19

Abi Deoso, Yeso Kirisito‑ka yama nofi‑ya mai wato nafiterabone, mai hiwato ba‑basi hinahi. Abi, tiwa ene Yeso yama hinofa‑ya mai nofiyahi.” Oteni.

Efesiyo 6:24

Deoso‑ya ohiyara, “Abi Deoso, mai‑ya tikasoma, mai‑ya tiwakasomi fawateriyahi. Tika dao, i‑di Yeso Kirisito‑ya mai nofi nafe, mai tikasoma, mai abateraboneni.” Oteni. Feye amani.

Firibo 1:25

O·abarabone owatibodi watoneni. Dai‑ya osawimiya, dai ya‑yainaboneni. Kirisito dai nofi ba‑basi naboneni.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Firibo 4:4

Ai‑ka Ayo i‑di Yeso dai‑ya sawi, dai ya‑yainahi. Owati dai mitamake, dai ya‑yaini fawariyahi.

Ebereo 11:1

Deoso ati ai nofa, haa‑nima ai atibodi ati na, “Deoso ati‑nima yama nabone, hibayata yama oawara, sibarini. Ati‑nima yama naboneni.” Ai atibodi ati teni.

Ebereo 11:27

Deoso ati‑ya i‑di Mose nofe, Eyito‑ya winemata, tabora bara‑ya tokawahe. Atibodi ati, “Eyito mai‑ka hidi owa‑ya kako, yama sibaraboneni. Owa habo siitoraboneni. Hibayata Kirisito oawara makobote oawebona, owa manakone amosa‑ya daanebonane.” Atibodi ati nematane.

Bedoro daidi 1:6

Deoso tabaro‑ya dai winabone dai tamine‑ya dai kadikiya, dai ya‑yainahi. Bofe‑ya dai wi‑wina mai yahi kome‑ya dai awaba awineni. Makobote neme‑ya dai winiya, dai ya‑yaini fawaraboneni.

Bedoro daidi 2:7

Yeso ati‑ya dai nofa, “Yati amosabote manakone nafi Yeso tohe.” Dai ati nani. Yeso ati‑ya mai nofara, “Yeso amosare.” Mai ati na. Oda‑ka Hidi tohawahane.

Bedoro daidi 5:4

Ai‑ya Na‑nawada i‑di Yeso Kirisito kameya, dai‑ya yama amosabote‑ya daanebonane. Ai tati borone oro wamani‑nima yama na‑ya dai‑ya daanebonane.