Bedoro daidi 1:7 - Deoso-ka Yama Hani

⁷ Oro‑ya mai awawama, yifo hiwe ihi oro fahi tohawamaya, yama bara sawe‑ya mai nanahaba, oro hinama tohaboneni. Makobote oro abawahaboneni. Yeso ati‑ya dai no‑nofa dai‑ya mai bisinabone, dai ene‑ya mai awaboneni. Yeso ati dai nofi yokana toha, ati dai nofi fawarebonane. Yeso kobonameya, Deoso dai‑ya kahiyara, hika wehene kote dai kayafaboneni.

Bedoro daidi 1:7 ပူးပေါင်းရင်းမြစ်များ

Mateo 19:28

“Owati amosa dai mitahi. Mai abamete mai kitamiya, hidi‑ka kadera amosabote‑ya dai‑ka Ayo neme‑ke itaribona, owa‑ya dai da‑daba hidi‑ka kadera amosa‑ya dai nahorihareboneni. Isara·eo‑ka nodi mai ihi‑ya dai kadikiya, mai ihi‑nima mai ihi manakone na dai daanaboneni.

Mateo 25:21

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Mateo 25:23

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Roka 12:33

Dai yehe honene dai daanahi. Yinero dai waratokaniya, mai‑ka yama wadara mai‑ya yinero dai daanahi. Haa‑nima dai niya, neme‑ya dai manakone wadaboneni. Neme‑ya dai‑ka yama manakone tosiyoteraboneni. Neme‑ya yama‑ya mai botirihi, yama aboni yama‑ya mai kabarihi, teni.

Roka 17:30

Dai‑ka Ayo neme‑ke kitawaheya, haa‑nima yama namatasaboneni.” Yeso ati nematane.

Yowaho 12:26

Owa‑ya dai narifabone dai ati na, owa ene‑nima dai ene nahi. Owa‑ya dai narifa osawi‑kaya dai sawebone, Okobi dai‑ya kahiyarebonane.” Yeso ati nemarine.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Yeso‑ka yo‑yose mai tamine 8:20

Ati‑ya Bedoro mite, ati yanane, “Yama Deoso‑ka da‑daa tikanikabone tina, tiwati ihi ti·aba, tika yinero aba nebonane. Deoso‑ka yama daahinaya, yinero‑ya ai kanikaterani.

Homa 2:10

Mai one ihi amosa, mai manakone amosa‑ya Deoso daanebonane. Hini tabaro amosabote‑ya mai‑ya nawiniya, mai‑ya kasomebona, mai‑ya kahiyarebona, mai atibodi mai‑ya ati somaboneni. Yodeo mai toha, Bara mai toha na, Deoso eyehe mai winiya, mai ya‑yainaboneni.

Homa 2:29

Yodeo yokana ai tohabone, ai sowiri tati ataro wisina ene tohaterani. Deoso‑ka Doni ai atibodi‑ya sawi, ai atibodi‑ya namose ene Deoso‑ka ai toha, Yodeo yokana ai toha teni. Ai atibodi‑ya mai one awara, Deoso‑ta ai atibodi‑ya awe, ai atibodi amosa ene Deoso ya‑yaitene.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Homa 8:19

Yama nafi Deoso wamahinamete Deoso bidi mai one tohabone mai‑ya nimakaneni. Deoso bidi ai nafi tohiya, yama wamani nafi ya‑yainaboneni.

Korito daidi 3:13

Yeso kamataseya, ai ene‑ya awebonane. Ai ene amosa, oro, barata, yati amosabote‑nima ai ene na, ai ene hasinaboneni. Ai ene amosara, awa, kada efe, kabi‑nima ai ene na, ai ene ababoneni. Yobe hati‑nima ai ene hateboneni.

Korito daidi 4:5

Dai owa ene‑ya dai kadikariyahi. Yeso kamataseya, ai nafi ai ene‑ya kadikebonane. Yama ai kemamaro‑ya kadika, ai atibodi ati‑ya kadika neya, ai manakone‑ya Deoso daanebonane.

Tiyako 1:12

Dai ene‑ya Deoso kakatome, yama towe awi dai‑ya kobona, dai atibodi yawara, Deoso ati dai tokadabanasa na, Deoso dai‑ya kasomebonane. Makobote dai tati‑ya mai‑ka Hidi webote tati borone‑nima ne‑ya dai‑ya daanebonane. Dai tamine‑ya Deoso hiyare, “Owa‑ya mai nofa, owa tabaro‑ya mai winabisaboneni.” Deoso ati nematane.

Bedoro daidi 1:13

Yeso Kirisito kamatasebona dai atibodi dai hawa tonihi. Yama amosa‑ya dai kadikabisahi. Dai atibodi noko wadahi. Dai‑ka yama amosabote‑bone‑ya Deoso daanebona dai nimanahi.

Bedoro daidi 1:5

Deoso kitabote dai‑ya nawade, tabaro‑ya dai kobona, Yeso ati‑ya dai nofa ene yama amosabote‑ya dai kayafaboneni.

Bedoro daidi 2:4

Deoso‑ka yobe‑ya Deoso wamanebona, kote yati hasikana amosabote, ohari‑ya kadike, manakone nafi tohe, bofe‑ya kame, mai hinofare, dai‑ta ati dai nofawahani.

Bedoro daidi 2:7

Yeso ati‑ya dai nofa, “Yati amosabote manakone nafi Yeso tohe.” Dai ati nani. Yeso ati‑ya mai nofara, “Yeso amosare.” Mai ati na. Oda‑ka Hidi tohawahane.

Bedoro daidi 4:12

Oka dai toha, dai onofa, mai yahi kome dai awiya, dai yawariyahi. “Hini yamata‑ba ai‑ya mai bisi? Mai one‑ya mai bisira.” Dai ati riyahi. Yeso‑ya mai bisinamaro, dai‑ya mai bisinabone, mai dai wato,

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.

Bedoro daidi 5:1

Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Bedoro yoto‑ke 1:4

Deoso ati amosabote tohe, ati‑nima yama naboneni, ai ene amosawamabonehe. Deoso atibodi ati‑nima ai atibodi ati nawahabone, Satanasi ati‑ya mai no‑nofa mai ihi‑nima ai ene raboneni.

Bedoro yoto‑ke 3:14

Soho, dai ene‑ya Yeso kadikebona, yama dai nimana, dai noko wadahi, dai atibodi yati kabatata rabonehe. Dai atibodi dai‑ya weera, dai ibi ati somiyahi.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.

Yeso Kirisito ene‑bona 3:10

Yama towe yananabone, bofe‑ya mai wi‑wina mai nafi saweboneni. ‘Deoso‑ka hawi bai‑ya dai maakariyahi.’ Onamaroni. Owati dai dami tokadaba ene dai hasinasa niya, yama towe yanani awiraboneni.

Yeso Kirisito ene‑bona 3:18

Yama dai watora dai narabo okaminaboneni. Oka oro, yifo hirini ihi bise wadami awirani. Oka oro dai kanikahi, dai‑ka yama amosawahabonehe. Bora sawa owa‑ya dai kanikahi, dai sakonabonehe, dai bodi‑ya mai awari‑bone‑karo. Dai noko bodi tene‑ba owa‑ya dai kanikahi, dai noko bodi dai ketehebonehe, yama dai awibakaro.