Bedoro daidi 1:6 - Deoso-ka Yama Hani

⁶ Deoso tabaro‑ya dai winabone dai tamine‑ya dai kadikiya, dai ya‑yainahi. Bofe‑ya dai wi‑wina mai yahi kome‑ya dai awaba awineni. Makobote neme‑ya dai winiya, dai ya‑yaini fawaraboneni.

Bedoro daidi 1:6 ပူးပေါင်းရင်းမြစ်များ

Mateo 11:28

Dai maa tohiya, owa‑kaya dai kamiya, dai okasomaboneni.

Mateo 26:37

Bedoro, Sebedeo bidi mai fama, mai na, mai‑ya Yeso himane, ahiyata‑ya mai tokamaroni. Yeso atibodi a‑arire, atibodi ohini kitawahemarine.

Mateo 5:12

Deoso ati‑ya mai mi‑mita‑mete mai‑nima dai na, fara hibati‑ya mai‑ya mai bisinaharemeteni. Dai ya‑yainahi. Deoso dai‑ya kasomebona, neme‑ya dai ene manakone nafe dai kayafaboneni.” Yeso ati nemarine.

Roka 1:47

Deoso owa‑ya kasome ene ya‑yai·oneni.

Roka 10:20

Dai ati ene madi towe mai kananamone, dai ya‑yaini nafiriyahi. Neme‑ya dai oni‑ya Deoso kanahano ene dai ya‑yaini nafibisahi.” Yeso ati nematane.

Roka 2:10

Deoso‑ka yo‑yose mai‑ya hiyare, “Dai habo siitoriyahi. Yama amosa tamine okaminabone, owati dai mita, dai ya‑yainaboneni. Bofe‑ya dai wi‑wina dai nafi‑ya Deoso kasomebonane.

Yowaho 16:22

Mai fanawi dori kome kita mai‑nima dai nawahabone, dai yawabone, makobote owa dai awamatasiya, dai ya‑yainawahaboneni. Dai ya‑yaini fawaraboneni.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Homa 12:12

Deoso‑ka yama dai kayafabone ati ne, yama‑ya dai nimana, dai ya‑yainahi. Dai‑ya mai bisina, dai yawarihi. Deoso‑ya dai hiyaranadihi.

Homa 5:11

Makobote Deoso tabaro‑ya ai winabone, hibayata ai‑ka Ayo i‑di Yeso Kirisito ene Deoso ai‑ya ati somawame, ai ya‑yainawahani.

Homa 5:2

Deoso‑ya ai tamine‑ya Yeso Kirisito hiyare, “Abi, tika mai tiawahi. Mai manakone onahaba, owati‑ya mai nofawaha, tika dao mai tohawahani.” Ati tene. Deoso ai‑ya kasomi fawatere, tabaro‑ya ai winamakebone, ai ya‑yainineni.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Korito yoto‑ke 6:10

Mai ihi oda atibodi koma, oda ya‑yainasa na, yama oda kiharamone mai ati na, oda ati‑ya mai nofa, Deoso tabaro‑ya mai‑ka yama dama toha, tosiyoteraboneni. Yinero oda kihara, Deoso‑ka yama nafi oda kayafabisaboneni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Firibo 2:26

Kiyane, tamine dai mitemari, dai‑ya ati foyane. Kitami tamine dai miti awisare awane.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Firibo 4:4

Ai‑ka Ayo i‑di Yeso dai‑ya sawi, dai ya‑yainahi. Owati dai mitamake, dai ya‑yaini fawariyahi.

Tesaronika daidi 1:6

Oda‑nima dai nawaha, i‑di Yeso‑nima dai nawahamaroni. Yeso ati dai no‑nofa, dai‑ya mai bisina, dai yawara, dai ya‑yaina, Deoso‑ka Doni dai‑ya sawi ene dai ya‑yainawahamaroni.

Tiyako 1:2

Oka dai toha, yama amosara dai‑ya kobona, dai yawara, dai ya‑yainibisahi.

Tiyako 1:9

Deoso‑ka dai toha, yinero dai kihara, Deoso dai‑ya nofi nafi ene dai ya‑yainahi.

Tiyako 4:9

Dai ene amosara ene dai ya‑yaira, dai ohinahi. Satanasi ati‑ya mai no‑nofa mai ihi amosara mai ya‑yaina, mai hahateni. Dai‑ta dai ene amosara dai ohinibisahi.

Bedoro daidi 3:17

Dai ene amosa, Deoso mai‑ya ati barini awire‑mana, dai‑ya mai bisina, sibarabone, Deoso dai‑ya kasomebonane. Dai ene amosara, dai‑ya mai bisiniya, Deoso dai‑ya kasomarebonane.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.