Bedoro daidi 1:5 - Deoso-ka Yama Hani

⁵ Deoso kitabote dai‑ya nawade, tabaro‑ya dai kobona, Yeso ati‑ya dai nofa ene yama amosabote‑ya dai kayafaboneni.

Bedoro daidi 1:5 ပူးပေါင်းရင်းမြစ်များ

Yowaho 12:48

Owa‑ya mai nofara, owati‑ya mai nofaharira, mai ihi manakone wada, yama faina‑bone koboniya, hini mai ihi manakone‑ya mai kayafaboneni.

Yowaho 17:15

Abi, ‘Hibayata mai tiwakamahi.’ Oni awirini. Bofe‑ya mai winasa na mai tikasomahi, Satanasi ati‑ya mai nofarabonehe.

Yowaho 4:14

Oka faha‑ya mai fawiya, mai baki hokomarani. Wami hodi‑ka faha kimisa‑nima oka faha kimisabone, tosiyoraboneni. Oka faha‑ya mai fawiya, mai abateraboneni.” Yeso ati nematane.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Homa 11:20

Fara dai ati‑nima yama nineni. Yeso ati‑ya Yodeo mai nofaramaro, hini mai ihi orifera ino‑nima mai na, Deoso mai‑ya bakanakose. Dai‑ta Yeso ati‑ya dai nofa, orifera amose ede‑ya dai‑ya Deoso nawaane. Dai‑ya dai nofi nafiriyahi. Deoso ene dai ya‑yaina, Deoso dai kahiyarahi.

Homa 8:18

Hibayata ai‑ya mai bisiniya, ai korikasara, makobote yama nafi amosabote‑ya ai kayafa, yama amosi ba‑basi naboneni.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Korito yoto‑ke 1:24

Dai‑ka hidi oda tohara, hiniya dai oda kasomabone, Yeso ati‑ya dai nofi ba‑basi naboneni. Yeso ati dai nofi ba‑basi niya, dai ya‑yaina, dai habo siitoraboneni.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Efesiyo 2:8

Ai aba‑nima ai namaro, Deoso ai‑ya nofi nafi hini ene ai‑ya kasome, Yeso ati ai no‑nofa, ai atibodi‑ya Deoso‑ka Doni sawiwahe, Deoso tabaro‑ya ai winabone, hini ai ene ai tohi awira, Deoso ene amane.

Efesiyo 3:17

Abi Deoso, Yeso ati‑ya mai no‑nofa mai atibodi‑ya Kirisito sawiwahane. Mai tinofi nafe, mai tikanawatoyahi. Mai tinofi fawatiterabone, tiwa tamine‑ya mai atibodi kadikiyahi, mai habi kitabonehe.

Firibo 1:6

Deoso ene Yeso ati dai nofawahamaro, Deoso ene dai ene amosateboneni. Yeso Kirisito kameya, Deoso ene neme‑ya dai sawiwahabone, dai‑ya owatibodi watoneni.

Firibo 4:7

Deoso ene ai atibodi ai‑ya ati somi ba‑basi naboneni. Mai one atibodi ati somiya, oda atibodi ati somi fiyakani nafe, oda atibodi ati somi‑ya mai watora, Yeso Kirisito ene ai atibodi nawade, amosa‑ya nofaboneni.

Timoti yoto‑ke 3:15

Madehe tiha, tiwa‑ya mai kanawatamaroni, Deoso‑ka yama hani‑ya. Deoso‑ka yama hani tinofa, Yeso ati tinofa tiniya, Deoso tabaro‑ya tiwinawahaboneni.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Ebereo 6:12

Dai refo tohariyahi. Deoso ati‑ya mai nofamete, Deoso mai‑ya kasomebona ati ne, Deoso‑ya mai nimanameteni. Mai ihi amosamete mai ihi‑nima dai ene niya, yama amosa‑ya Deoso dai‑ya daanebonane. Yama amosa dai kayafabone, dai ene amosahi.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Bedoro daidi 1:13

Yeso Kirisito kamatasebona dai atibodi dai hawa tonihi. Yama amosa‑ya dai kadikabisahi. Dai atibodi noko wadahi. Dai‑ka yama amosabote‑bone‑ya Deoso daanebona dai nimanahi.

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.

Bedoro daidi 5:1

Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Bedoro yoto‑ke 1:3

Deoso ai‑ya haanematane. Deoso‑ya ai kahiyarabone ene amosabote ai kaminebonane. Yeso Kirisito ati ai wato, Deoso kite ene yama ai kayafateni, bofe‑ya ai wi‑wina ai ene amosabonehe.

Yowaho daidi 3:2

Hibayata Deoso bidi ai toha, ai abano‑bone‑nima ai abano tohasa ra. Makobote Yeso kame, Yeso ai awiya, Yeso abano‑nima ai abano nawahaboneni.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.