Bedoro daidi 1:4 - Deoso-ka Yama Hani

⁴ Neme‑ya ai‑ka yama daahinabone, hinawada, abaterihi, bote tohaterihi, bataterihi na‑ya, Deoso tabaro‑ya ai koboniya, ai kayafaboneni.

Bedoro daidi 1:4 ပူးပေါင်းရင်းမြစ်များ

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Maroko 10:17

Tabora one‑kaya mai tokabone, mai yananiya, maki kanani kamaki, Yeso yowi‑ya yobati‑kaya wai, ati yanane, “Ayo, amosabote amatini. Hini yamata‑nima obati, ai abaterabone‑kaya osawebonehe?” Maki ati nemarine.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Homa 8:17

Deoso bidi ai toha, Deoso‑ka yama ai kayafaboneni. Deoso‑ka yama‑ya Kirisito kayafi‑nima ai kayafahareboneni. Kirisito‑ya mai bisinamete, fare Kirisito ati ai nofe ene ai‑ya mai nofara, ai‑ya mai bisiniya, sibaraboneni. Kirisito eyehe yama amosabote ai kayafaboneni.

Korito daidi 9:25

Mai ibi kanakanabone mahi‑nima mai kanateni, mai kitabonehe. Mai atibodi yama‑ya dika, “Hini yamata‑nima obati, owa kanani kitabonehe?” Mai atibodi ati teni. Mai ibi kanakana mai koboni dai toha, mai tati‑ya awa afe dasini itareboneni. Yama dasini aba kanibote teni. Yama Deoso ai‑ya daahinabone abateraboneni.

Karatiya 3:18

Abaraho‑ya Deoso hiyare, “Owati‑ya tika mai nofiya, mai‑ya owati somawamiya, mai sibaraboneni.” Deoso ati nemarine. Hiniya Mose ati‑ya ai tokadaba, Deoso ai‑ya kasome‑mana, i‑di Abaraho‑ya Deoso keyehe‑ya hirine nane. Deoso keyehe‑ya hiritere, Abaraho hiyaremata ati‑nima yama naboneni.

Efesiyo 1:11

Hibati‑ya Deoso ai‑ya kadikematane, Kirisito‑ka ai tohabonehe. Deoso tabaro‑ya ai koboniya, yama Deoso ati daahinamaro ai kayafaboneni. Deoso ati‑nima yama nafi nawahaboneni.

Efesiyo 1:14

Deoso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso tabaro‑ya ai winabone ai watoneni. Makobote Deoso tabaro‑ya ai koboniya, yama‑ya daanebona ati ne, ai‑ya yama‑ya daanebonane. Deoso amosabote‑ya ai kahiyarahi.

Efesiyo 1:18

Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

Koroso 1:12

Deoso‑ka dai toha, Deoso ene Deoso‑ka yama‑ya dai kayafabone, Deoso tabaro‑ya yama wahi nafiteni. “Abi Deoso, amosabote amatini. Tika madehe oda amani. Oda ya‑yainineni.” Dai ati nahi.

Koroso 1:5

Deoso tabaro‑ya ai winabone tamine‑ya dai mita, Deoso Ati Amosabote dai nofamoneni. Yeso kami tamine dai mita, Yeso kamebona‑ya dai nimanawahamoneni.

Koroso 3:24

Hibayata yama‑ya mai anina, makobote neme‑ya mai koboniya, mai manakone wadaboneni. Yama‑ya mai anina, mai‑ka Hidi, i‑di Yeso Kirisito mai‑ka yama anini‑ya awe, mai‑ka yama anini manakone‑ya daanebonane.

Timoti yoto‑ke 4:8

Owa manakone wadaboneni. Ai tati borone oro wamani‑ya tohaboneni. Ai ene amosa ai tati borone oro wamani‑ya tohabone, ai‑ka hidi i‑di Yeso ati nane. Ai ene‑ya kadikeya, ai manakone‑ya daanebonane. Yeso kamebona ai nimaniya, ai manakone wadaboneni.

Ebereo 10:34

Kadeya‑ya dai one foya, mai‑ya dai kasoma, mai dai yobikanamaroni. Dai‑ka yama mai kayafa, dai yawara, “Oka yama mai kayafa, sibaraboneni. Neme‑ya oka yama amosabote hasina, mai kayafateraboneni.” Dai atibodi ati namaroni.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Tiyako 1:11

Mahi kaki, hewene kite ene awa bono ade wayatona, mowe aba, sona, amosamaterani. Yama dama‑ya mai kiha, kabihi bara mowe‑nima mai teni. Yama‑ya mai anina, mai‑ka yinero damebona mai ati na, mai aba, mai‑ka yinero mai‑ya kasomarebonane.

Bedoro daidi 3:9

Dai‑ya mai we‑wee mai dai weerihi, dai‑ya mai ka‑kako mai dai kakorihi na, hiniya mai dai kasomahi. Haa‑nima dai nabone Deoso ati ne, dai‑ya haanemarine. Haa‑nima dai niya, Deoso dai‑ya kasomebonane.

Bedoro daidi 5:4

Ai‑ya Na‑nawada i‑di Yeso Kirisito kameya, dai‑ya yama amosabote‑ya daanebonane. Ai tati borone oro wamani‑nima yama na‑ya dai‑ya daanebonane.

Yeso Kirisito ene‑bona 21:27

Yama amosara toha, mai ihi towe mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni. Kaneiro Bidi‑ka yama hani‑ya mai oni sawe, sidadi‑ya mai tokiyomabisaboneni. Kaneiro Bidi‑ka yama hani ai abarabone‑ka yama hani amani.