Bedoro daidi 1:20 - Deoso-ka Yama Hani

²⁰ Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro daidi 1:20 ပူးပေါင်းရင်းမြစ်များ

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Yeso‑ka yo‑yose mai tamine 2:23

Deoso ati ene Yeso kaki, dai‑ya winemarine. Yeso dai nanahababone dai‑ya Deoso wato, Bidi‑ya yosemari, dai tabaro‑ya Bidi wine, dai ati kasira ene yara awa‑ya mai baahikane, abemarine.

Homa 3:25

Deoso hini Bidi‑ya daane. Yeso abe, emene tokafodo, hini emene‑ya ai manakone‑ya nanahabematane. “Abi Deoso, owa manakone Yeso hinahabamete, owa‑ya tiwati somawamahi.” Ai atibodi ati na, Deoso ai‑ya ati somawamatene. Ai manakone abara‑mani, ai nafi aba neni. Deoso ene amose hinama ai nafi awabone, hini ene tamine‑ya kaminane. Hibati‑ya Yeso abi awisareya, mai one ihi‑ya Deoso kadiki awisareya, Yeso abebona‑ya Deoso nimanematane. Mai manakone‑ya Yeso nanahabaharibona‑ya Deoso watomatane.

Homa 8:29

Hibati‑ya Deoso ai‑ya awe, ai‑ya kadikematane, Bidi i‑di Yeso‑nima ai nawahabonehe. Deoso Bidi daidi i‑di Yeso tohe, sohori ai damawahaboneni.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Efesiyo 1:10

Yama nafi hawa tohiya, Deoso atibodi ati kobona‑mata‑ka‑nima yama nawahaboneni. Yeso Kirisito mai nafi‑ka Hidi tohawahebona, neme‑ya mai wi‑wina, bofe‑ya mai wi‑wina, mai na, Yeso Kirisito mai‑ka Hidi tohawahebonane.

Efesiyo 1:4

Hibati‑ya yama‑ya Deoso wamani awisareya, ai‑ya kadike, Yeso Kirisito‑nima ai nawahabone, Yeso Kirisito‑ka ai toha, ai ene amosawama ai‑ya awebona ati nematane.

Efesiyo 3:11

Yama nafi‑ya wamani awireya, Yeso‑ka ai tohabone, ai tamine nafi‑ya Deoso wato, ai‑ka Hidi Yeso Kirisito tohebona‑ya wato, ai hinama tohabone, ai tamine‑ya wato nematane.

Efesiyo 3:9

Hibati‑ya yama‑ya mai watoramete, owati ihi yama‑ya ai nafi watowahaboneni. Yama nafi‑ya Deoso wamanemata, ai hinama tohabone tamine‑ya mai‑ya kamini awiremata, fara tamine‑ya ai nafi watowahaboneni.

Koroso 1:26

Hibati‑ya Deoso Ati Amosabote‑ya mai dami mitaramete, hibayata Yeso ati ai no‑nofa Deoso ati nafi ai mitawahini.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Ebereo 2:14

Deoso Bidi i‑di Yeso ai owa tohawahe, ai eme‑nima eme nihi, ai emene‑nima emene nihi ne Yeso ai owa tohe, abe, ai manakone‑ya nanahabe, i‑di Satanasi kiti‑ya nanahabematane.

Ebereo 9:26

Faha fowe‑nima bani mai ame‑ya mai daanamete, mai‑nima Kirisito ne‑mana, abi dame namatane. Yama nafi hawa tohiya, hini emene‑ya daani oharibisematane.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Yowaho daidi 1:2

Hibati‑ya ai‑bone‑ya wamane, neme‑ya Deoso eyehe winemata, ai tabaro‑ya kaki, oda awemari tamine okanahanoneni. Yeso ene ai atibodi abateraboneni.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.