Bedoro daidi 1:2 - Deoso-ka Yama Hani

² Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Bedoro daidi 1:2 ပူးပေါင်းရင်းမြစ်များ

Mateo 24:22

Haa‑nima yama niya, yama nahoraboneni. Deoso yama‑ya maakare‑mana, dai nafi aba neni. Yama towe‑ya Deoso maakanebonane, hika mai one hasinabonehe.

Mateo 24:24

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kiti nafeboneni, Deoso‑ka dai toha, mai‑ka keyehe‑ya dai nofabonehe.

Mateo 24:31

Deoso‑ka yo‑yose mai one‑ya yosebonane, hika mai‑ya mai yababonehe. Ho‑hori ati yananiya, wami nafi‑kaya mai wi‑wina Deoso‑ka mai toha mai‑ya mai yorotokanaboneni.

Maroko 13:20

Haa‑nima yama niya, yama nahoraboneni. Deoso yama‑ya maakanebonane. Deoso yama‑ya maakare‑mana, dai nafi aba neni. Hibati‑ya Deoso hika mai‑bone mai‑ya kayawemata, yama towe‑ya Deoso maakanebonane, hika mai one hasinabonehe.

Maroko 13:22

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kitaboneni, Deoso‑ka dai toha mai‑ka keyehe‑ya dai nofabonehe.

Maroko 13:27

Deoso‑ka yo‑yose mai one oyoseboneni, hika mai‑ya mai yababonehe. Wami nafi‑ya mai wi‑wina Deoso‑ka mai‑ya mai yorotokanaboneni.

Roka 18:7

Deoso hika mai haani hidameya, mai‑ya kasomebonane. Hibareya, Deoso ati ne, ati damarebonane.

Yeso‑ka yo‑yose mai tamine 15:18

Deoso ati‑ya mai mi‑mita‑mete mai hikanahanameteni.

Yeso‑ka yo‑yose mai tamine 2:23

Deoso ati ene Yeso kaki, dai‑ya winemarine. Yeso dai nanahababone dai‑ya Deoso wato, Bidi‑ya yosemari, dai tabaro‑ya Bidi wine, dai ati kasira ene yara awa‑ya mai baahikane, abemarine.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Homa 1:7

Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Homa 11:2

Hibati‑ya Isara·eo‑ka mai‑ya Deoso kadikemata, mai‑ya kakanaterene. Deoso ati‑ya mi‑mita‑mata i‑di Eriya Isara·eo‑ka nodi mai tamine‑ya hiyarane.

Homa 11:28

Hibayata Yodeo mai one Deoso Ati Amosabote‑ya mai kaka, mai ihi Deoso dai‑ya kasomi ba‑basi nane. Hibati‑ya Yodeo mai‑ka idi mai‑ya Deoso nofemata, mai‑ka nodi mai‑ya nofamakibona ati ne, mai‑ka nodi mai‑ya nofasa nane.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Homa 16:19

Dai ene amosa tamine oda dami mita, dai ene ya‑yai·oneni. Dai noko wadahi. Dai ene amosa hinama tohabone, yama towe‑ya dai nofaraboneni.

Homa 16:26

Hibati‑ya Deoso ati‑ya mai mi‑mita‑mete Yeso tamine‑ya mai kanahanamete, tamine yokana‑ya mai watora, tamine mai hikanahanomata tamine ai watowaha, Bara dai toha dai nafi hiwatowahebonane, Deoso ati dai nofabone, ati dai tokadabebonaha.

Homa 8:13

Dai atibodi bote dai‑ka hidi tohasa niya, Deoso tabaro‑ya dai winateraboneni. Deoso‑ka Doni kite ene dai atibodi bote ati‑ya dai tokadabamariya, dai atibodi bote aba‑nima nawaha, Deoso tabaro‑ya dai winabisaboneni.

Homa 8:33

Deoso ai‑ya kadikemata, ai‑ya mai weena, Deoso noko‑ka mai kitara, mai ihi ai korikasara, ai sibaraboneni. Ai‑ka Abi i‑di Deoso ati ene ai manakone wadamarani.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Korito yoto‑ke 10:5

Keyehe‑ya mai nofamaro Deoso ati oda kamine, ati‑ya mai mita, keyehe‑ya mai nofami awira. Satanasi mai atibodi‑ya barikanemari, Deoso ati‑ya mai mita, mai atibodi seekawahani. Kirisito atibodi ati‑nima oda atibodi ati nabone oda nofateni.

Korito yoto‑ke 13:14

Deoso‑ya dai tamine ohiyara, ai‑ka Hidi Yeso Kirisito dai‑ya kasome, Deoso dai‑ya nofe, Deoso‑ka Doni dai‑ya sawinebona oteni. Feye amani.

Koroso 3:12

Deoso‑ka dai toha, dai‑ya nofe, dai‑ya kadikemata, hika dai tohawahaboneni. Mai atibodi koma mai‑ya kasoma, dai ene amosa, dai‑ya dai kahiyarariyahi. Yama‑ya dai nimana, dai yawariyahi.

Tesaronika yoto‑ke 2:13

Dai tamine oda hiyarateni, Deoso‑ya. Dai ene oda ya‑yaineni. Deoso dai‑ya nofe, dai‑ya kadike, yama‑ya wamani awisareya, dai‑ya kadikematane. Deoso tabaro‑ya dai winawahaboneni. Yeso ati dai no‑nofa, Deoso‑ka Doni dai‑ya sawi, dai ene namosebonaha.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Tito 1:1

I‑di Baoro ama·oni. Deoso‑ka yama anini‑ya ani·oteni. I‑di Yeso Kirisito owa‑ya yosemari, Deoso mai hikayawamaro, mai okanawataboneni. Deoso ati‑ya mai watabone, Deoso ati‑ya mai tokadaba nabone, mai okanawataboneni.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 11:28

Makobote Deoso mai‑ya kakariwahebona, Deoso ati‑ya i‑di Mose tokadabe, “Nokobi‑kaya bani emene dai nawaanahi. Dai‑ka madehe daidi abarabonehe.” Deoso ati nematane. Deoso‑ka yo‑yose i‑di Mose‑ka mai‑ya fiyakane, Eyito‑ka mai‑ka madehe daidi‑ya nanahabematane.

Ebereo 12:24

Hibati‑ya Deoso‑ya mai hiyarabone, Deoso‑ka bani emene‑bona‑ya mai towakama, Deoso‑ya mai hiyarameteni. Hibayata Yeso ene Deoso‑ya ai hiyarawahabone, hiniya Deoso‑ya ai hiyarateni. Hibati‑ya Abeo abe ene, i‑di Kaina‑ya Deoso yawe, i‑di Yeso abe ene Deoso ai‑ya ati somawamawahematane.

Ebereo 5:9

Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Bedoro daidi 1:14

Madehe ihi amosa, mai‑ka abi mai ati‑ya mai tokadabateni. Madehe‑nima Deoso ati dai tokadabahi. Hibati‑ya yama‑ya dai watoriya, yama amosara dai atibodi kobohina‑nima dai ene namariyahi.

Bedoro daidi 1:19

Hini emene‑ya dai manakone‑ya nanahabemarine. Hibati‑ya mai ihi amosara, kaneiro bidi amose‑ya mai daanameteni, mai ihi‑ya Deoso barikanebonaha. Kirisito Deoso‑ka kaneiro bidi emene ene ai manakone nafi abawahani.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.

Bedoro yoto‑ke 1:2

Deoso dai‑ya kasomebona, dai habo siitorihi. Dai atibodi dai‑ya weerihi na, Deoso ati dai wato, ai‑ka Hidi i‑di Yeso Kirisito ati dai wato, dai niya, dai korikasateraboneni.

Yowaho yoto‑ke 1:1

Yowaho bote ama·oni. Deoso‑ka mai‑ya ka‑kasoma ama·oni. Fana, owati tikadikiyahi. Hibati‑ya Deoso tiwa‑ya kadikemarine, Yeso ati‑ya tinofabonehe. Tiwa onofa, tika dao, tikoto mai na mai onofa, Deoso ati‑ya mai no‑nofa tiwa‑ya mai nofahari neni.

Yowaho yoto‑ke 1:13

Tika daowa owa, tikotone, mai na tiwa‑ya mai ati foyani.

Yoda‑ka yama hani 1:2

Deoso‑ya ohiyarateni. “Abi Deoso, tiwa‑ya mai no‑nofa mai tikasomahi. Mai atibodi mai‑ya weerihi. Mai tinofa, mai tinofi nafiyahi.” Oteni.