Bedoro daidi 1:18 - Deoso-ka Yama Hani

¹⁸ Dai‑ka idi mai ihi‑nima dai ene namaro, dai ene amosara dai manakone wada, dai manakone‑ya Kirisito nanahabemarine. Oro, barata yama na‑ya dai manakone‑ya nanahabi awiremarine.

Bedoro daidi 1:18 ပူးပေါင်းရင်းမြစ်များ

Maroko 8:37

Yinero‑ya ai atibodi manakone abaterani.

Homa 1:21

Hibati‑ya Deoso ene‑ya mai awamaro, “Yama nafi Deoso ene tohi awirini. Hiniya yama yanineni. Deoso wadaterene.” Mai atibodi ati na. Deoso‑ya mai kahiyari awira, hini mai ihi yama‑ya mai watora, mai ka‑kana na, mai‑nima mai nawaha, hini mai ihi yama soki‑nima mai atibodi nawaha, yama‑ya mai watomarani.

Korito daidi 3:20

Yama‑ya mai wa‑wato‑mone mai ati na, mai atibodi ati‑ya Deoso wato, mai atibodi honita tohamone Deoso ati tene.

Korito daidi 6:20

Ai manakone‑ya Kirisito nanahabe, Deoso‑ka ai tohawaha, ai‑ka ai tohamara, dai atibodi‑ya Deoso‑ya dai kahiyara, dai ene‑ya mai one awiya, Deoso‑ya mai kahiyaramakiyahi.

Korito daidi 7:23

Kirisito ai manakone‑ya nanahabemari, dai‑ya mai kanikaramaro, dai‑ya mai kanikariyahi.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Efesiyo 4:17

Ai‑ka Hidi, i‑di Kirisito ati dai mitahi. Hibati‑ya Bara mai one ihi‑nima dai ene namaro, haa‑nima dai ene namariyahi.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Bedoro daidi 1:7

Oro‑ya mai awawama, yifo hiwe ihi oro fahi tohawamaya, yama bara sawe‑ya mai nanahaba, oro hinama tohaboneni. Makobote oro abawahaboneni. Yeso ati‑ya dai no‑nofa dai‑ya mai bisinabone, dai ene‑ya mai awaboneni. Yeso ati dai nofi yokana toha, ati dai nofi fawarebonane. Yeso kobonameya, Deoso dai‑ya kahiyara, hika wehene kote dai kayafaboneni.

Bedoro daidi 4:3

Hibati‑ya Deoso ati dai nofara, dai one ene‑nima dai ene namaro, mai fanawi‑ya dai nokotonihi, kawi‑ya dai fawa, mai fanawi dami‑ya dai dakora, deoso bare ati‑ya dai nofa na, dai ene amosara hinama tohamaroni.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.