Bedoro daidi 1:17 - Deoso-ka Yama Hani

¹⁷ Deoso dai‑ka abi‑mona dai ati na, dai atibodi ati yokana‑ya Deoso kadikebona, dai ene‑nima dai manakone‑ya daanebonane. Hibayata bofe‑ya dai wi‑wina dai noko wadahi, dai atibodi ati amosabonehe.

Bedoro daidi 1:17 ပူးပေါင်းရင်းမြစ်များ

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Mateo 22:16

Mai‑ka mai da‑daba mai‑ya mai yose, i‑di Erodi‑ka mai one mai‑ya mai yose, Yeso‑ya mai hiyara, “Ayo, keyehe hirititerani. Deoso ati tikamine amosatene. Webote mai‑ya tinayofinara, fara yokana tikaminateni.

Mateo 6:9

Deoso‑ya dai hiyarabone, eya dai atiyahi. ‘Abi, neme‑ya tiwina, amosabote amatini.

Homa 11:20

Fara dai ati‑nima yama nineni. Yeso ati‑ya Yodeo mai nofaramaro, hini mai ihi orifera ino‑nima mai na, Deoso mai‑ya bakanakose. Dai‑ta Yeso ati‑ya dai nofa, orifera amose ede‑ya dai‑ya Deoso nawaane. Dai‑ya dai nofi nafiriyahi. Deoso ene dai ya‑yaina, Deoso dai kahiyarahi.

Korito yoto‑ke 1:2

Ai‑ka Abi i‑di Deoso, ai‑ka Ayo i‑di Yeso Kirisito mai fama dai‑ya mai kasoma, dai atibodi ati dai‑ya soma teni.

Korito yoto‑ke 5:6

Bofe‑ya ai wina ai abano atabo‑ya wamani tohasa niya, makobote ai winabone neme‑ya, ai‑ka Hidi eyehe ai winabone ai wato, ai atibodi ya‑yaiteni.

Korito yoto‑ke 7:1

Dai onofa, owati dai mitahi. Deoso ai‑ya kasome ene ai atibodi amosa, ai abano ene amosa nahi. Deoso ai nayawarabone, Deoso ai ya‑yainihebone, ai ene amosahi.

Korito yoto‑ke 7:11

Oka yama hani dai kadikamaro, Deoso ene dai atibodi komamaro, dai ene dai awahi. Dai ene amosawamabone dai nokotoniwaha, dai owa ene‑nima dai ene ra oda watabone dai nofamone, dai owa‑ya dai yawa, dai owa ene‑nima dai one ene namakitasaba awineni dai ati na, dai habo siitona, dai owa ene amosare manakone hikayahabone dai atibodi ati nawaha, dai owa ene‑nima dai ene ra dai oda awawahani.

Karatiya 2:6

Yerosare‑ya mai wi‑wina Yeso ati‑ya mai no‑nofa mai‑ka webote owa‑ya mai weeni awirani. Owati‑nima mai ati namaroni. Ai‑ka webote mai‑mone mai ati na, hini ai owa mai amani. Deoso‑ka ai nafi toha, Deoso ai‑ya nofi nafitene.

Efesiyo 1:17

“Abi Deoso, Yeso Kirisito‑ka Abi amosabote amatini. Yeso Kirisito‑ka Deoso amatini. Efesiyo‑ya mai wi‑wina mai‑ya tika Doni sawiyaho, tiwa‑ya mai wato ba‑basi nabonehe. Tiwa tamine‑ya mai tikanawatohi.” Oteni.

Efesiyo 3:14

Fare ai‑ka Abi noko‑ya owa yobati‑kaya owaa, dai tamine‑ya Deoso‑ya ohiyarateni.

Efesiyo 6:9

Mai one dai kanikamaro, owati dai mitahi. Mai dai weeriyahi. Mai dai nofahi. Neme‑ya dai nafi‑ka Hidi tohe, Kirisito noko‑ka fara dai hinama tohani.

Firibo 2:12

Hibati‑ya dai‑ya osawe, owati‑ya dai nofamaroni. Hibayata dai‑ya osawira, owati‑ya dai nofasa nahi. Owati abariyahi. Yama‑ya Deoso nofare‑ya yama dai nofahaririyahi. Dai habo siitoniya, ai‑ka Abi i‑di Deoso ati dai tokadabahi, yawarebonaha.

Koroso 3:25

Mai ihi amosara mai manakone wadaboneni. Mai manakone amosara mai nofi awiraboneni. Hini ai ene‑nima ai ene manakone naboneni.

Ebereo 12:28

Deoso‑ka yama wawawakani kiterabone, ai kayafabone ai ya‑yaina, Deoso ai kahiyara, Deoso ene ai nofa, “Abi Deoso, tiwa ene amosabote tohani.” Ai ati nahi.

Ebereo 4:1

“Owati‑ya mai nofa mai atibodi tokitara owa tabaro‑ya mai maa tohi fawanaboneni.” Deoso ati nematane. Dai noko wadahi. Dai atibodi tokitara Deoso tabaro‑ya dai kobonaboneni.

Bedoro daidi 2:11

Oka dai amani, dai onofa, owati dai mitahi. Bofe‑ya dai wi‑wina, dai noko wadahi. Bofe‑ya dai tabaro yokana tohara, neme‑ya dai tabaro yokana tohateni. Deoso ati‑nima dai nahi. Yama amosara‑ya dai atibodi bote nokotonihe, dai atibodi yati‑ya weenaditeni, Deoso ati‑ya dai tokadabarabonehe.

Bedoro daidi 3:15

“Yeso Kirisito oka Hidi amosabote amane.” Dai atibodi ati nahi. “Hini yamata ihi Yeso koboni dai nimaniti?” Mai ati na, mai dai hiyariya, yama‑ya mai watowahaboneni.