Bedoro daidi 1:12 - Deoso-ka Yama Hani

¹² “Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Bedoro daidi 1:12 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Mateo 16:17

“Simaho, Yona bidi amatini. Ya‑yaitinahi. Owa tiwatobisineni. Bofe‑ka mai ihi tohi awira, Okobi neme‑ke ene yama tiwatowahani.

Maroko 16:15

Mai‑ya weeni hawa tohe, mai‑ya yose, “Yama nafi‑ya dai yakanawariya, mai nafi‑ya Deoso ati amosabote tamine dai kaminahi.

Roka 15:10

Owati dai mitahi. Deoso ati‑ya ai owa nofaremari, Deoso ati‑ya nofawaheya, Deoso‑ka yo‑yose mai sawi‑kaya mai ya‑yaiteni.” Yeso ati nematane.

Roka 2:26

Hibati‑ya Deoso‑ka Doni ati‑ya Simiyaho mite, “Simiyaho, ti·abi awisa tiriya, Deoso‑ka Ka‑kadika tiwebonane.” Deoso‑ka Doni ati nematane.

Roka 9:6

Fa‑fai‑ya mai yanana, mai toka, mai tabori dami‑ya Deoso ati amosabote tamine‑ya mai kamina, mai kiyana mai‑ya mai nakitama nameteni.

Yowaho 15:26

Deoso‑ka Doni Deoso ati yokana‑ya ka‑kamina amane. Okobi‑ya okomiya, dai‑ya kasomebona oyoseya, dai‑ya koboneya, owa tamine‑ya kaminebonane.

Yeso‑ka yo‑yose mai tamine 10:44

Bedoro mai‑ya hiyare, ati‑ya mai mita, Deoso‑ka Doni mai‑ya sawiwahane.

Yeso‑ka yo‑yose mai tamine 16:10

Baoro‑ka wada ati ihi, Masedoni‑kaya oda tokabone oda atibodi ati na, “Deoso ene amane. Masedoni‑kaya Yeso Ati Amosabote‑ya mai‑ya ai kaminaboneni.” Oda ati namaroni.

Yeso‑ka yo‑yose mai tamine 2:33

Deoso neme‑ya hiwakame, Deoso‑ka kanika‑ya itariwahe, Yeso‑ya Deoso‑ka Doni sawimari, Yeso ati ene oda atibodi‑ya sawiwahe, ene dai ati‑ya oda hiyarawahineni.

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Yeso‑ka yo‑yose mai tamine 4:8

Deoso‑ka Doni ene i‑di Bedoro habo kite, mai‑ya hiyare, “Oda‑ka hidi dai toha, bote dai toha, dai na, owati dai mitahi.

Yeso‑ka yo‑yose mai tamine 8:25

I‑di Bedoro i‑di Yowaho mai fama, Deoso Ati Amosabote‑ya mai kamini hawa toha, Yerosare‑kaya mai towakamatasa, hawi‑ya mai yakakana, Samaritano mai tabori‑ya mai kobokana, Yeso tamine‑ya mai kaminineni.

Homa 1:15

Mai dami‑ya Yeso ati okaminabone Deoso ati ne. Homa‑ya okiya, dai‑ya Yeso Ati Amosabote okaminabone owatibodi ati nani.

Homa 1:17

Deoso hawine‑ya Yeso Ati Amosabote ai‑ya yofikitine. Yeso ati‑ya ai nofa, ati ai nofi na‑nafi nawahebonane. Ai ene amosaramaro Deoso fawanihi. Ai ene amosara wadara‑nima ai ene nawahani. Yeso ati ai nofa, Deoso ai‑ya ati somawame, Deoso tabaro‑ya ai winaboneni. Hibati‑ya Deoso ati‑ya ai owa kanahanomata, “Kirisito ati‑ya mai nofa, mai ihi amosara mai ihi nafi‑ya Deoso fawanihi. Tabaro‑ya mai winawahateboneni.” Deoso‑ka yama hani ati nineni.

Homa 10:15

Deoso mai‑ya yosere‑mana, Yeso tamine‑ya mai kaminara neni. “Yeso Kirisito tamine‑ya mai ka‑kamina mai kobona mai ihi ai ya‑yaiteni.” Deoso‑ka yama hani ati nineni.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Korito daidi 2:10

Yama ai watoramaro Deoso‑ka Doni ai‑ya kanawatowahe, ai‑ka yama nafi‑ya wato, Deoso atibodi ati‑ya wato nane.

Korito yoto‑ke 1:22

Deoso oni ai‑ya sawi, hika Doni ai atibodi‑ya sawi ne, ati‑nima yama nabone ai watoboneni.

Korito yoto‑ke 6:6

Oda ene amosa dai awa, Deoso ene yama oda wata, oda yawa kanibote ra, oda‑ya mai kaka mai oda kasomabisa, Deoso‑ka Doni oda‑ya sawi, dai‑ya oda nofi nafineni. Deoso ati yokana oda kamina, oda‑ya dai watowahaboneni.

Karatiya 1:12

Owa‑ya mai kanawato awiramaroni. Yeso Kirisito‑ta owa‑ya kanawatobisemarine.

Karatiya 1:16

Deoso hini Bidi‑ya owa‑ya yofikanemarine. “Bara mai‑ya Oka dao tamine tikaminawahaboneni.” Deoso ati nemarine. Deoso ati‑ya omita, mai one ati omitaramaroni. Deoso ati‑ta omitabisamaroni.

Efesiyo 3:10

Kirisito‑ka ai hinama toha ai‑ya Deoso‑ka yo‑yose mai awa, madi ai‑ya mai awa, mai na, yama nafi‑ya Deoso wato, yama ati kobohina amosabote toha‑ya mai awawahaboneni.

Tesaronika daidi 2:9

Oda‑ka soho dai toha, oda ene‑maro‑ya dai ati kadamowamariyahi. Deoso Ati Amosabote dai‑ya oda kamina, dai‑ya oda kanawata, oda na, oda ene‑ya dai awamaroni. Yama oda anina, yama soki‑ya yama oda ani, yama tehe‑ya yama oda ani, oda namaroni. Dai‑ka yinero oda haara, oda‑ka yinero‑ya oda‑ka yamata‑bone oda kanikabisamaroni.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Ebereo 11:13

Mai tamine okanahana, mai abiya, Deoso ati‑nima yama nabone, nafi‑ya mai awi awisara, mai aba, Deoso ati‑ya mai atibodi nofasa na, “Deoso ati‑nima yama naboneni. A‑ahi‑ya oda tabaro yokana awirani. Neme‑ya oda tabaro yokana‑bone tohabisani.” Mai atibodi ati nameteni.

Ebereo 2:4

Yeso ati‑ya mai kaminiya, Deoso ene ai owa‑ya mai nakitama, mai ihi kita, mai ihi‑ya mai awa, “Ka! Haa‑nima ai ene na, ai awaterani.” Mai one ati namaroni. Deoso ati ene, Deoso‑ka Doni mai‑ya sawi, ati‑nima mai ihi namaroni.

Ebereo 4:2

Deoso tabaro‑ya ai maa tohi fawanabone tamine‑ya mai mita, tamine oda mitahari nemarine. Deoso ati Amosabote‑ya mai mita, ati mai hinofare, mai‑ya kasomare, tabaro‑ya mai koborameteni.

Bedoro daidi 1:25

Deoso ati‑ta abaterebona, ati‑nima yama naboneni.” Deoso‑ka yama hani ati nineni. Mai nafi‑ya Deoso Ati Amosabote oda kaminateni.

Bedoro daidi 4:6

Hibati‑ya mai wi‑wina Yeso abi awisareya, mai aba, Deoso ati‑ya mai nofamete, mai ihi amosara manakone‑ya Deoso daare, mai ihi‑ya barikanematane. Mai manakone‑ya Yeso nanahabe, mai‑ya seekawahe, mai‑ya towakamane neme‑ya.

Yeso Kirisito ene‑bona 5:11

Owa noko toka, Deoso‑ka yo‑yose mai dama mai oawa, mai ati omitani. Hidi‑ka kadera kawari‑kaya Deoso‑ka bara mai 4 kana mai sawi, hidi bi‑bidi mai na mai sawi, mai yowi‑kaya Deoso‑ka yo‑yose mai kakabasawama, mai dama, mai ihi mai kadiki ai watorani.