Yeso‑ka yo‑yose mai tamine 9:6 - Deoso-ka Yama Hani

⁶ Saoro wawawakane, “Hini yamata‑nima ona‑ba ama·oniti?” Saoro ati ne, “Tiwaamisamiya, Damaso‑kaya tikahi. Tiwa‑ya mai hiyariya, yama tiwatowahaboneni.” Yeso ati nemonane.

Yeso‑ka yo‑yose mai tamine 9:6 ပူးပေါင်းရင်းမြစ်များ

Mateo 19:30

Bofe‑ya hidi webote mai toha, Deoso tabaro‑ya mai bi‑bidi na mai tohabisaba awineni. Bofe‑ya mai bi‑bidi na mai toha Deoso tabaro‑ya hidi mai ba‑basi na mai tohawahaba awineni.” Yeso ati nemarine.

Roka 3:10

“Hini yamata‑nima oda nibati?” Mai dama mai ati nameteni.

Yeso‑ka yo‑yose mai tamine 10:22

“Sodado mai‑ka hidi i‑di Koneriyo oda‑ya yosene. I‑di Koneriyo amosabote amane. Deoso ati‑ya nofe, Yodeo mai nafi hinofatene. Mahi owa‑ya Deoso‑ka yo‑yose‑ya awe, tiwa‑ya haanebona, tiwati‑ya mitebona Deoso‑ka yo‑yose ati nemonane.” Mai ati na.

Yeso‑ka yo‑yose mai tamine 10:32

Yabe‑ya maa widi‑ya bani ataro‑ya wa‑wama, i‑di Simaho wine, Simaho‑ka yobe‑ya Simaho Bedoro wine, tinakamakiho.’ Bora sawa‑ya weyene ati ne.

Yeso‑ka yo‑yose mai tamine 10:6

Maa widi‑ya bani ataro‑ya wa‑wama, i‑di Simaho wine, Simaho‑ka yobe‑ya Simaho Bedoro wine, mai hiwakameya, ati dai mitebonane.” Deoso‑ka yo‑yose ati nemonane.

Yeso‑ka yo‑yose mai tamine 2:37

Bedoro ati‑ya mai mita, mai atibodi komawaha, Bedoro mai‑ya mai hiyara, “Oda‑ka ayo dai toha, hini yamata‑nima oda nibati?” Mai ati na,

Yeso‑ka yo‑yose mai tamine 22:10

‘Ayo, hini yamata‑nima obati?’ Ona, ‘Tiwaamisamiya, Damaso‑ya tikahi. Damaso‑ka tiwa‑ya mai hiyaraboneni. Deoso‑ka yama anitinabone tamine timitaboneni.’ Ati nemarine.

Yeso‑ka yo‑yose mai tamine 26:16

Tiwaamisamahi. Tiwa oyosewahaboneni. Hibayata yama tiawa tamine tihiyaraboneni. Makobote yama one yofi·okanamakiya, tamine tihiyaraboneni.

Yeso‑ka yo‑yose mai tamine 9:5

“Ayo, eme tiwa oni niti?” Saoro ati ne, “Yeso ama·oni, owa bisitinaro.” Ati ne.

Homa 10:20

Isara·eo‑ka mai yawabone, mai‑ya i‑di Isa·iya wato, Deoso ati‑ya mai‑ya kaminanasa nane. “Owa‑ya Bara mai sibara, owa‑ya mai haara, owa ene owa hawine‑ya mai wase, owa‑ya mai watoneni.” Deoso ati nematane.

Homa 10:3

Yeso ati‑ya mai nofa‑mani, Deoso mai‑ya ati somawame nane. Hini mai ihi Deoso mai‑ya ati somawamebona mai atibodi ati na. Ai ene Deoso ai‑ya ati somawamatere‑ya mai watorani.

Homa 5:20

Deoso ati i‑di Mose hikanahanomata, ati ai tokadabare, ai ene amosara manakone tonafe, Deoso ai‑ya kasomare‑mana, ai aba neni. Ai ene amosara manakone‑ya Yeso nanahabe, ai ene manakone‑ya fiyakanematane.

Homa 7:9

Hibati‑ya Deoso ati i‑di Mose hikanahanomata, ati nafi owatora. “Owa ene sibarini.” Owatibodi ati namaro, Makobote Deoso ati owato ba‑basi ona, “Mai‑ka yama‑ya tiwatibodi kayafariyahi.” Ati ne, Mai‑ka yama‑ya owatibodi kayafabisa, owatibodi ati amosara owatowaha, fara ihi o·ababone, Deoso owa‑ya sawire owatowahani.

Firibo 2:12

Hibati‑ya dai‑ya osawe, owati‑ya dai nofamaroni. Hibayata dai‑ya osawira, owati‑ya dai nofasa nahi. Owati abariyahi. Yama‑ya Deoso nofare‑ya yama dai nofahaririyahi. Dai habo siitoniya, ai‑ka Abi i‑di Deoso ati dai tokadabahi, yawarebonaha.

Tiyako 4:6

Deoso ai‑ya kasomemarine, ati ai tokadabebonaha. “Hini mai‑ya mai nokotonihe, Deoso mai‑ya kasomi awirebonane. Ai‑ya ai tonanafira, Deoso ai‑ya kasomatebonane.” Deoso‑ka yama hani ati nineni.