Yeso‑ka yo‑yose mai tamine 9:31 - Deoso-ka Yama Hani

³¹ Yodeya, Karireya, Samariya na‑ya, mai wi‑wina mai‑ya mai bisinami awira. Yeso ati‑ya mai no‑nofa mai dodamawahani. Deoso‑ka Doni mai‑ya kasome, Deoso ati‑ya mai tokadabamoneni.

Yeso‑ka yo‑yose mai tamine 9:31 ပူးပေါင်းရင်းမြစ်များ

Yeso‑ka yo‑yose mai tamine 12:24

Yeso ati‑ya mai no‑nofa mai tabori dami‑ya mai toka, Deoso ati‑ya mai kamina, mai ati ihi Yeso ati‑ya mai dami nofawahamoneni.

Yeso‑ka yo‑yose mai tamine 16:5

Baoro mai ati ihi Yeso‑ka mai habi kitawaha, mai dodamawahamoneni.

Yeso‑ka yo‑yose mai tamine 2:47

Deoso‑ya mai kahiyaranade, mai ihi amosa, mai‑ya mai dami nofa, mai‑nima Yeso ati‑ya mai one nofamake, mai‑ya mai dabamakineni.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 5:11

Ananiya abe tamine‑ya Yeso‑ka mai mita, mai habi siitona, Ananiya abe tamine‑ya mai one mita, mai habi siitonahari nineni.

Yeso‑ka yo‑yose mai tamine 6:7

Mai ihi Yeso tamine‑ya mai dami mita, Yerosare‑ya Yeso ati‑ya mai no‑nofa mai dodamamaki, Deoso‑ka yama‑bone‑ya mai da‑daa Yeso ati‑ya mai dami nofa, ati‑ya mai tokadabamoneni.

Yeso‑ka yo‑yose mai tamine 8:1

Tefaho abe‑ya i‑di Saoro awe, ya‑yaine. Yerosare‑ya mai wi‑wina Yeso ati‑ya mai no‑nofa mai‑ya mai bisinawaha, mai ihi tabora bide‑kaya mai tokawaha, Yodeya‑kaya mai one toka, Samariya‑kaya mai one toka na, Yeso‑ka yo‑yose mai‑ta mai kanani awirani.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 14:19

Ai ene mai ibi nofi nafe, mai ibi kasomiyahi.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 5:5

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Korito daidi 14:12

Yama‑ya Deoso‑ka Doni dai‑ya daanebona dai nokotonihemone, Kirisito‑ka mai dai kasomabone dai nokotonihari nahi.

Korito daidi 14:26

Oka soho dai amani. Owati dai mitahi. Dai yorotokana, Deoso‑ya dai kahiyarabone, mai nafi dai kasomabone, Deoso‑ka wayoma‑ya dai owa wayome, dai‑ka wayoma mai‑ya kasomiya, sibarini. Deoso dai‑ya kanawato, mai dai kasomabone, mai dai kanawatohi. Mai one ati‑ya dai owa hiyare, hini dai ati‑ya dai owa mai‑ya kaminamakitaseya, mai‑ya kasome, sibarineni. Dai ati hinama mai‑ya kasomiya, dai sibarihi nineni.

Korito yoto‑ke 10:8

Ai‑ka Hidi i‑di Kirisito owa‑ya kadikemari, ati ene owa kiti toha, owa kiti dai‑ya kasomabone, dai nakomi‑ya onofara, owa kiti tamine ohiyariya, owa habo siitorani.

Korito yoto‑ke 12:19

Hiniya owa dai nofabone owati toha‑mone dai one ati na awineni. Deoso oda‑ya awe, oda ati‑ya mite, Kirisito ene dai‑ya oda kasomabone, oda ati tohabisa Deoso watone.

Korito yoto‑ke 13:10

Yama yaki‑ya owina, yama hani‑ya dai‑ya wee·onani, dai ene amosawamabonehe. Dai ene amosawamiya, dai tabaro‑ya kobo·oniya, dai‑ya wee·onami awiraboneni. Kirisito owa‑ya yosemari ene, owa ene kitateni. Owa kiti dai‑ya kasoma, ya‑yai·oteni. Owa kiti dai‑ya nakoma, onofi awirini.

Korito yoto‑ke 7:1

Dai onofa, owati dai mitahi. Deoso ai‑ya kasome ene ai atibodi amosa, ai abano ene amosa nahi. Deoso ai nayawarabone, Deoso ai ya‑yainihebone, ai ene amosahi.

Efesiyo 4:12

Ai‑ya mai kasoma, ai ibi kasomamakeboneni. Yeso‑ka ai toha, ai ibi kasomiya, Yeso ati‑nima ai naboneni.

Efesiyo 4:16

Ai abano kobobona, hini ihi‑ya anina, ai abano nafi‑ya kasoma, ai yana, ai hawa toha, ai teni. Fara‑nima Yeso Kirisito‑ka ai toha ai ene‑bone‑ya ai anina, ai nafi‑ya ai nofa, ai nafi‑ya ai kasoma, Yeso ene‑nima ai ene nawaha, ai hawa toha, ai teboneni.

Efesiyo 4:29

Dai ibi hiyara, dai ati towe tohariyahi. Dai ati amosa, dai one‑ya dai kasomaboneni, mai ya‑yainabonehe.

Efesiyo 5:21

Kirisito ati dai nofa, dai one ati dai mita, mai ati dai kasawaririyahi. Hini dai ati ohare dai nofariyahi.

Firibo 2:1

Kirisito‑ka dai toha, Kirisito dai‑ya kasome, dai ya‑yainabone, Yeso dai‑ya nofe, dai atibodi koma‑ya nasomawama tene. Deoso‑ka Doni dai‑ya sawi, dai ibi nofiya, dai owa atibodi kome, dai atibodi komahari nani.

Koroso 1:10

Yeso‑ya dai ya‑yainihebone, dai ene amosiyahi. Awa bono ade amosa, bona ihi ai ya‑yaiteni. Fara‑nima dai ene amosa, ai‑ka Ayo i‑di Yeso ya‑yainebonane. Deoso‑ya dai wato ba‑basi naboneni.

Tesaronika daidi 5:11

Dai one abamaro, ai nafi kitamabone tamine dai wata, dai ibi hiyara, dai ya‑yainahi. “Ai one aba, mai ihi ai yawi kitariyahi. Ai one Deoso tabaro‑ya toha, ai ya‑yainahi.” Dai ati nahi. Hibayata dai ene hini toha, tohaboneni. Mai‑ya dai kasoma, mai‑ya dai kasomi na‑nafi niyahi.

Timoti daidi 1:4

Hiyara bote‑ya mai hiyari nafiriyahi. Mai‑ka idi mai tamine‑mete‑ya mai kadikanadiriyahi. Haa‑nima mai niya, Deoso ati‑ya mai watoraboneni. Hiniya mai ibi weenaboneni. Yeso ati ai nofa, Yeso ati ai kadikiya, yama ai watobisaboneni.

Ebereo 4:9

Deoso‑ka ai toha, Deoso tabaro‑ya ai winawahiya, ai maa tohi fawanaboneni.

Yoda‑ka yama hani 1:20

Owati dai mitahi. Oka dai toha, Yeso Kirisito ati dai nofa, ati dai nofi nafiyaho, Yeso Kirisito‑nima dai nawahabonehe. Deoso‑ka Doni dai‑ya sawi, ati ene Deoso dai hiyarahi.