Yeso‑ka yo‑yose mai tamine 9:27 - Deoso-ka Yama Hani

²⁷ Saoro‑ya i‑di Banabe towakamane, Yeso‑ka yo‑yose mai‑ya yofikanebonaha. “Hibati‑ya Damaso hawi‑ya, ai‑ka Ayo‑ya Saoro awe, ati himita hine, Damaso‑ya Yeso tamine‑ya mai‑ya hiyarane.” Banabe ati nemonane.

Yeso‑ka yo‑yose mai tamine 9:27 ပူးပေါင်းရင်းမြစ်များ

Yeso‑ka yo‑yose mai tamine 11:22

Yerosare‑ka mai toha Yeso ati‑ya mai no‑nofa Bara mai tamine‑ya mai mita, i‑di Banabe‑ya mai yosemoneni, Atioki‑ya tokebonaha.

Yeso‑ka yo‑yose mai tamine 11:25

Makobote Taso‑ya tokane, i‑di Saoro‑ya dodimakibonaha.

Yeso‑ka yo‑yose mai tamine 12:25

Yerosare‑ya mai‑ka yama anini hawa tohiya, Banabe, Saoro mai fama Atioki‑ya mai towakama, mai‑ya Yowaho Maroko dabemonane.

Yeso‑ka yo‑yose mai tamine 13:2

Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 15:2

I‑di Baoro, i‑di Banabe mai fama mai‑ya mai weena, “Yama dai watora, dai ati fawanahi. Yodeo mai toha, mai sowiri tati atori aba sibarihi, Bara mai sowiri tati atori abara sibarihi nineni.” Baoro mai ati na. “Yama dai watora, Mose ati‑ya mai tokadabara, mai sowiri tati atori‑ya mai nanahabi awiriya, Deoso mai‑ya ati somawami awirebonane.” Yodeya‑ya mai kama, mai ati na, mai ibi weenademoneni. Mai ibi weena mai ihi Baoro mai‑ya Kirisito‑ka mai yose, “Baoro, Banabe, Yerosare‑ya dai tokahi. Oda‑ka mai one dai‑ya mai dababone, Yeso‑ka yo‑yose mai toha, Kirisito‑ka bote mai toha na, mai ati dai mitahi. Fai‑ya tamine dai mita, yama ai watowahaboneni.” Kirisito‑ka mai ati namoneni.

Yeso‑ka yo‑yose mai tamine 4:13

Bedoro, Yowaho mai fama mai habi siitora, mai‑ya mai awa, Bedoro ati‑ya mai mita, mai ibi hiyara, “Ka! Ai‑ka esikora‑ya mai sawiramaro, hini yamata ihi yama‑ya mai watowaha? Yeso‑ya mai da‑daba tohamaro, yama‑ya mai watowahani.” Mai ati na.

Yeso‑ka yo‑yose mai tamine 4:29

Abi Deoso, mai ati timitahi. Tiwa‑ya oda na‑narifa, oda‑ya mai bisinabone mai ati na, tiwati oda kamina, oda tikasomahi, oda habo kitabonehe.

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Yeso‑ka yo‑yose mai tamine 9:17

Ananiya toke, Yoda‑ka yobe‑ya tokiyome, Saoro‑ya yehe fori, “Soho Saoro, Yeso owa‑ya yosene, hawi‑ya yakatina, tiawemona, fare owa‑ya yose, yama‑ya tiawamatasabone, Deoso‑ka Doni tiwa‑ya sawiwahebonane.” Ananiya ati nemonane.

Yeso‑ka yo‑yose mai tamine 9:29

Yodeo mai one, Kereko mai ati‑nima mai ati na, mai‑ya Yeso tamine‑ya hiyare ene mai ati yawa, fai‑ya mai ati nanahabamoneni.

Korito daidi 15:8

Makobote amoni dameya, oawane. Yeso bofe‑ya wineya, oawaterene. Neme‑ya toki hawa toheya, oawawahemarine.

Korito daidi 9:6

Mai one dai‑ya kanawata, yama one‑ya mai anira, dai ati sibarineni. I‑di Banabe oda fama dai‑ya oda kanawata, yama one‑ya oda aninaharebone dai ati na awineni. Yama one‑ya oda anira oda sibakarini? Hehe, oda sibarini.

Karatiya 2:13

Bedoro ene‑ya Yodeo mai one awa, mai habi siitona, Bara mai eyehe mai tafami awirani. I‑di Banabe ne hibati‑ya Bara mai eyehe tafe, Bara mai eyehe tafamarene.

Karatiya 2:9

I‑di Tiyako, i‑di Bedoro, i‑di Yowaho mai na, webote mai‑mone, i‑di Banabe oda fama, oda ati‑ya mai mitamaroni. Oda ati‑ya mai mitiya, oda yehe‑ya mai waranamaroni. “Hehe, oda‑nima dai na, Bara mai‑ya Deoso Ati Amosabote‑ya dai kaminahi. Oda‑ta Yodeo mai‑ya Deoso Ati Amosabote oda kaminaboneni. Deoso dai‑ya kasomebonane.” Mai ati namaroni.