Yeso‑ka yo‑yose mai tamine 9:20 - Deoso-ka Yama Hani

²⁰ Deoso‑ya mai hi‑hiyara‑ke yobe‑ya i‑di Saoro Yeso tamine‑ya hiyare, “I‑di Yeso, Deoso Bidi amane.” Ati ne.

Yeso‑ka yo‑yose mai tamine 9:20 ပူးပေါင်းရင်းမြစ်များ

Mateo 27:43

Deoso ati‑ya nofemona ati ne, Deoso hinakisameba awane. Deoso Bidi‑mona Deoso hikayaweba awane.” Mai ati nameteni.

Mateo 27:54

Yeso abeya wami wawawakana, mahi wehene fawa ne‑ya sodado mai awa, mai habi siitonameteni. “Deoso Bidi amane. Keyehe tohi awirini.” Mai ati nawahameteni.

Mateo 4:3

Makobote Diaboro kamaki, “Deoso Bidi amatiniya, tiwati ihi yati baho tohahi, tikababonehe.” Diaboro ati ne,

Yowaho 1:49

“Ayo, Deoso Bidi amatini. Isara·eo‑ka nodi oda toha, oda‑ka hidi webote yokana amatini.” Natanaeo ati nemarine.

Yowaho 19:7

“Mose‑ka yama hani ati oda tokadabateni. Deoso Bidi‑mona ati ne, keyehe‑ya hirine, fare Mose‑ka yama hani ati‑nima Yeso oda nanahababoneni.” Mai ati namaroni.

Yowaho 20:28

“Oka Ayo amatini. Oka Deoso amatini.” I‑di Tome ati nemarine.

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Yeso‑ka yo‑yose mai tamine 13:14

Beki‑ya mai fiyakana, Bisidiya‑ka Atioki‑ya mai kobokana, Sabado‑ya Yodeo mai hi‑hiyara‑ke yobe‑ya mai towakiyoma, mai demenarineni.

Yeso‑ka yo‑yose mai tamine 13:33

Ai‑ka idi mai‑ya hiyare, ati‑mata‑nima yama na, ai awawaha, Yeso‑ya Deoso nakitamebona ati nemata, fare hinakitamawahene. Yeso tamine‑ya Deoso kamine, ati‑ya Dafi kanahanomata, ‘Oka dao amatini. Hibayata tiwa oka dao oneni.’ Deoso ati nematane.

Yeso‑ka yo‑yose mai tamine 13:46

Baoro, Banabe, mai fama mai ati fawani awira, “Yodeo dai toha, Deoso ati ene dai oda hiyari baha, dai ati a‑arira, Deoso ati dai nofara, Deoso tabaro‑ya dai wini awirabone, dai abi ohareboneni. Dai ati ene Bara mai‑ya oda tokiya, mai oda hiyarawahaboneni.

Yeso‑ka yo‑yose mai tamine 13:5

Sibe‑ka sidadi one Saramina toha‑ya mai kobona, Yodeo mai hi‑hiyara‑ke yobe‑ya mai tokiyoma, Deoso ati‑ya mai hiyarineni. Yowaho Maroko mai‑ya dabane, mai‑ya kasomebonaha.

Yeso‑ka yo‑yose mai tamine 14:1

Ikoniyo‑ya Baoro mai kobokana, Yodeo mai hi‑hiyara‑ke yobe‑ya mai towakiyoma, mai‑ya mai hiyara, mai ati ihi Yeso ati‑ya mai dama mai nofawahamoneni. Yodeo mai toha, Bara mai toha, mai naro.

Yeso‑ka yo‑yose mai tamine 16:13

Firibo‑ya Deoso‑ya mai hi‑hiyara‑ke yobe wadare ene Sabado‑ya mai fanawi yorotokana, faha widi‑ya Deoso‑ya mai hiyarateni. Mai‑ya oda tokomake, mai oda hiyarawahamaroni.

Yeso‑ka yo‑yose mai tamine 17:10

Yama soki‑ya Yeso ati‑ya mai no‑nofa Baoro, Sira mai fama mai‑ya mai yose, “Bereya‑ya dai towakahi.” Mai ati na. Mai ati ihi Bereya‑ya mai towaka, mai kobokana, Yodeo mai hi‑hiyara‑ke yobe‑ya mai towakiyomineni, mai‑ya mai hiyarabonehe.

Yeso‑ka yo‑yose mai tamine 17:17

Mahi‑nima Deoso yokana tamine‑ya mai‑ya hiyaranadi, mai‑ka tabora bai‑ya mai yorotokana, mai‑ya hiyare, Sabado‑ya Yodeo mai toha, Deoso ati‑ya mai no‑nofa mai toha na, Deoso‑ya Yodeo mai hi‑hiyara‑ke yobe‑ya mai yorotokana, mai‑ya hiyaremonane.

Yeso‑ka yo‑yose mai tamine 17:2

Fare yobe‑ya Baoro tokane, mai‑ya hiyarebonaha. Sabado‑ya Yodeo mai hi‑hiyara‑ke yobe‑ya Baoro tokatene. Sabado fama Sabado one ohari na‑ya mai‑ya hiyare, Deoso‑ka yama hani tamine‑ya hiyarane.

Yeso‑ka yo‑yose mai tamine 18:19

Efesiyo‑ya mai kobona, Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya kanawatone. I‑di Birisira, i‑di Akira mai winabisaboneni. Baoro‑ta tokebona ati ne.

Yeso‑ka yo‑yose mai tamine 18:4

Sabado‑ya Deoso‑ya Yodeo mai hi‑hiyara‑ke yobe‑ya tokatene. Yodeo mai toha, Kereko mai toha na, mai‑ya hiyaratene, yama‑ya mai watowahabonehe.

Yeso‑ka yo‑yose mai tamine 19:8

Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya hiyare, abariko fama abariko owa oharimaki ne‑ya mai‑ya hiyaranadi, “Owati dai mitahi. Deoso‑ka Ka‑kadika kobone, ai‑ka Hidi amane.” Baoro ati nane, habo kiteri.

Yeso‑ka yo‑yose mai tamine 8:36

Kafaro mai‑ya horokane, mai ibi hi‑hiyara tosina, wara widi‑ya mai kobokana, “A‑ahi‑ya faha ita‑ya owa habatinirisakaribana?” Yinero‑ya na‑nawada ati ne.

Yeso‑ka yo‑yose mai tamine 8:37

“Yeso ati nafi tinofiya, tiwa haba·onirisabani.” Firibi ati ne. “Deoso Bidi i‑di Yeso Kirisito ati onofawahani.” Ati ne.

Yeso‑ka yo‑yose mai tamine 9:22

mahi‑nima Saoro kiti tonafi mai‑ya hiyare, “Owati dai mita, Deoso‑ka Ka‑kadika i‑di Yeso tohe, dai watowahebonane.” Ati ne, Ati‑ya Yodeo mai mita, mai ati fawanamoneni.

Homa 1:4

Hibati‑ya bofe‑ya kobone, mai hinahabe, Deoso hinakitame, “Yeso Kirisito i‑di Deoso Bidi kitabote tohane.” Deoso‑ka Doni amosabote ati nematane.

Karatiya 1:16

Deoso hini Bidi‑ya owa‑ya yofikanemarine. “Bara mai‑ya Oka dao tamine tikaminawahaboneni.” Deoso ati nemarine. Deoso ati‑ya omita, mai one ati omitaramaroni. Deoso ati‑ta omitabisamaroni.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Yeso Kirisito ene‑bona 2:18

“Yama hani tikanahanohi. Deoso‑ya mai hi‑hiyara‑ke yobe Tiyatira‑ya wai, fare yobe hidi‑ya daatinahi. Deoso Bidi ama·oni. Yifo hirini‑nima owa noko bodi wehene na, owa teme metaho amose‑nima na, fara owati amani.