Yeso‑ka yo‑yose mai tamine 9:2 - Deoso-ka Yama Hani

² “Damaso‑ya Deoso‑ya mai hi‑hiyara‑ke yobe hidi mai‑ka yama hani‑ba owa‑ya daatinahi. ‘Yeso hawine‑ya mai ya‑yaka mai dai daanahi i‑di Saoro‑ya.’ Tika yama hani ati nahi. Damaso‑ya owakamiya, mai hikadikiya, Yeso hawine‑ya mai ya‑yaka mai makidi mai fanawi toha na, mai wara·oniya, mai soki·oniya, Yerosare‑kaya mai owakamabani.” Saoro ati nemonane.

Yeso‑ka yo‑yose mai tamine 9:2 ပူးပေါင်းရင်းမြစ်များ

Mateo 10:17

Dai noko wadahi, mai‑ka hidi bidi mai‑ya dai‑ya mai daanaboneni. Deoso‑ya mai hi‑hiyara‑ke yobe‑ya dai‑ya mai kosinaboneni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yeso‑ka yo‑yose mai tamine 18:25

Hibati‑ya i‑di Yeso Deoso‑ka Ka‑kadika kobone tamine i‑di Yowaho Batita mai‑ya hiyare, mai‑ya habanirisane. Tamine‑ya Aboro wato, tamine mai one‑ya kanawatomakine. Yeso abe, kitame, ai manakone‑ya nanahabe tamine‑ya Aboro wato awisare, fara tamine mai‑ya kanawatorene.

Yeso‑ka yo‑yose mai tamine 19:23

I‑di Baoro Efesiyo‑ya winasa neya, Yeso hawine tamine‑ya yara mai dama mai ibi weenamoneni.

Yeso‑ka yo‑yose mai tamine 19:9

Mai one Yeso ati‑ya mai nofara, mai ime kita, Yeso‑ka hawi‑ya mai sa‑sawi mai‑ya mai kaka, mai ati dama, mai‑ya Baoro dabamare, Yeso ati‑ya mai no‑nofa Baoro eyehe mai toka, Tirano‑ka tabaro‑ya mai toka, mahi‑nima Baoro mai‑ya hiyarane.

Yeso‑ka yo‑yose mai tamine 24:14

Nasare‑ka ama·oni mai ati na, fara ama·oni. Deoso‑ka hawi‑ya Nasare‑ka mai sa‑sawi‑nima osawi, Deoso‑ya mai kahiyara‑nima okahiyara, Deoso ati‑ya i‑di Mose kanahanomata, ati‑ya mai mi‑mita‑mete mai kanahano na, ati onofa oteni.

Yeso‑ka yo‑yose mai tamine 24:22

Baoro ati fawaneya, Deoso hawine tamine‑ya Feri watowahe, mai‑ya hiyarawahe, “Hibareya, sodado mai‑ka hidi webote i‑di Risiyasi kame, ati omitamataseya, owatowahebonane.” Feri ati nane.

Yeso‑ka yo‑yose mai tamine 26:10

Yerosare‑ya Yeso ati‑ya mai no‑nofa mai bisi·onamaroni. Deoso‑ka yama‑bone‑ya mai da‑daa mai‑ka hidi mai ati ihi Yeso ati‑ya mai no‑nofa kadeya‑ya mai onafoya, makobote mai‑ya mai nanahaba, mai ihi ya‑yai·onamaroni.

Yeso‑ka yo‑yose mai tamine 26:12

Fara mai‑ya owatabone, Damaso‑ya okomakineni. Deoso‑ka yama‑bone‑ya mai da‑daa mai‑ka hidi mai‑ka yama hani dama·okanani, mai‑ya owatabonehe.

Yeso‑ka yo‑yose mai tamine 6:9

Sireni‑ka mai toha, Aresadiriya‑ka mai toha, Sirisiya‑ka mai toha, Asiya‑ka mai toha, mai na, hibati‑ya mai yaditonamaro mai seekawaha, Yerosare‑ya mai winawaha, Deoso‑ya mai hi‑hiyara‑ke yobe‑ya mai yorotokana, Tefaho ati‑ya mai mita, mai ati yawa, Tefaho‑ya mai weenawahani.

Yeso‑ka yo‑yose mai tamine 7:19

Ai‑ka idi mai‑ya nofare, mai‑ya kosine, mai‑ka madehe wada yati‑ya hidi ati ene mai tonahomakosameteni, mai ababonehe.

Yeso‑ka yo‑yose mai tamine 9:14

Damaso‑ya kamaki, tika yama‑bone‑ya mai da‑daa mai‑ka hidi‑ka yama hani ihi, tiwati‑ya oda no‑nofa oda‑ya wateya, Yerosare‑kaya oda‑ya towakamebonane.” Ananiya ati ne.

Yeso‑ka yo‑yose mai tamine 9:21

Saoro ati‑ya mai mita, mai ibi hiyara, “Ka! Yerosare‑ya Yeso ati‑ya mai no‑nofa mai‑ya Saoro nanahabe, ahi‑ya kamaki, mai‑ya wateya, Deoso‑ka yama‑bone‑ya mai da‑daa mai‑ka hidi mai‑ya mai‑ya towakamebona ati ne, fare amanaraniha?” Mai ati na,

Korito yoto‑ke 11:32

Hibati‑ya Damaso‑ya owina, mai‑ka kofenado mai‑ka hidi ba‑basi na i‑di Aretasi mai na, owa‑ya mai watabone, mai ati ihi mai tabori nafi barikana‑ka nokobi‑kaya sodado mai yoronineni, owa‑ya mai watabonehe.

Karatiya 1:17

Yerosare‑ya okara, Yeso Kirisito‑ka yo‑yose mai ati omitaramaroni. Yerosare‑ya mai winasa na, mai ati omiti awiramaroni. Arabiya‑ya okabisa, makobote wini·onamamaroni, Damaso‑ya owinabonehe.