Yeso‑ka yo‑yose mai tamine 9:17 - Deoso-ka Yama Hani

¹⁷ Ananiya toke, Yoda‑ka yobe‑ya tokiyome, Saoro‑ya yehe fori, “Soho Saoro, Yeso owa‑ya yosene, hawi‑ya yakatina, tiawemona, fare owa‑ya yose, yama‑ya tiawamatasabone, Deoso‑ka Doni tiwa‑ya sawiwahebonane.” Ananiya ati nemonane.

Yeso‑ka yo‑yose mai tamine 9:17 ပူးပေါင်းရင်းမြစ်များ

Mateo 19:13

Yeso‑ya madehe‑ya mai kakama, mai tati‑ya Yeso yehe foribona, Deoso‑ya mai tamine‑ya hiyarebona, mai ati na, madehe‑ya mai kakama, mai‑ya oda ati barinamaroni.

Maroko 5:23

I‑di Yairo Yeso‑ya hiyare, “Yeso, okoto atona abi yanatonani. Ai towakamahi, oka yobe‑ya. Tiwa yehe‑ya okoto boyotiniya, okoto kitamabone onani, okoto abarabonehe.” I‑di Yairo ohini yanatone ati nemarine.

Maroko 6:5

Tabora‑ka mai kiyana, mai dama Yeso‑ya mai haaramaroni. Mai one‑ta fa‑famaraba na Yeso‑ya mai haana, mai‑ya Yeso nakitamemarine.

Roka 1:41

Mariya ati‑ya i‑di Isabeo mita, fai dori‑ya foye ya‑yaine, tainematane. Deoso‑ka Doni ati ene

Roka 1:67

Deoso‑ka Doni ene Yowaho badi i‑di Sakariya ati yanane,

Roka 1:76

Sakariya hini bidi ene tamine‑bona‑ya hiyare, “Ewe, ai‑ka hidi webote kamakibona, ai atibodi hawine‑ya hawatiniwahaboneni. Fara ihi ‘Deoso Kitabote ati‑ya mi‑mita amatini.’ Mai ati naboneni.

Roka 15:30

Tika dao‑ya tika yinero daatinamaro, yinero‑ya tonasiyone, mai fanawi towe‑ya nokotonihimari, kame ene bowi bidi ime‑ya tiwati ihi mai nanahabawahineni.’ Ati nane.

Roka 15:32

Tika soho tokemari, abe amanakani, onamaro, kitame‑nima nane. Tika soho fawanemari, kamawahane. Kame ene ai ya‑yainahi.’ Ati nene.” Yeso ati nematane.

Roka 2:11

Hibayata Dafi tabaro‑mata‑ya ewe wade, dai‑ya Ka‑kasoma‑tebona amane. Deoso‑ka Ka‑kadika amane. Ai‑ka Hidi Webote amane.

Yeso‑ka yo‑yose mai tamine 10:36

Hibati‑ya Deoso Bidi‑ya yosene, Isara·eo‑ka nodi mai‑ya Ati Amosabote hikaminebonaha. Yeso Kirisito ati‑ya mai nofa, Deoso mai‑ya ati somawamebonane. Fare‑nima Yeso Kirisito ati dai nofa, Deoso dai‑ya ati somawamaharibonane.

Yeso‑ka yo‑yose mai tamine 13:3

Deoso‑ka Doni ati ene mahi owa‑ya mai tafara, i‑di Banabe i‑di Saoro mai‑ya mai yahi fore, mai‑ya mai yosemoneni.

Yeso‑ka yo‑yose mai tamine 13:52

Yeso ati‑ya mai no‑nofa, Deoso‑ka Doni mai‑ya sawi ene mai ya‑yainamoneni.

Yeso‑ka yo‑yose mai tamine 19:6

Mai habanisi hawa toha, mai‑ya Baoro yehe fori, Deoso‑ka Doni mai‑ya sawiwahe, mai one ati‑ya Deoso tamine‑ya mai hiyarawahani.

Yeso‑ka yo‑yose mai tamine 2:4

Deoso‑ka Doni mai atibodi‑ya sawiwahe, hibati‑ya mai one ati‑ya mai watora, Deoso‑ka Doni ene mai one ati‑ya mai hiyarawahamoneni.

Yeso‑ka yo‑yose mai tamine 21:20

Baoro ati‑ya mai mita, Deoso‑ya mai kahiyara, Baoro‑ya mai hiyara, “Soho, oda ati timitahi. Yodeo mai dama Yeso ati‑ya mai nofawaha, Mose ati‑ya mai nofahari na, Mose ati‑nima mai teni.

Yeso‑ka yo‑yose mai tamine 26:15

‘Ayo, eme tiwa oni niti?’ Ona. ‘Yeso ama·oni. Owa‑ya bisitinani.

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Yeso‑ka yo‑yose mai tamine 6:6

Yeso‑ka yo‑yose mai‑kaya mai mai hiwakama, Yeso‑ka yo‑yose Deoso‑ya mai hiyara, mai‑ya mai yahi foremoneni.

Yeso‑ka yo‑yose mai tamine 8:17

Mai‑ya mai yahi fore, Deoso‑ka Doni mai‑ya sawiwahemonane.

Yeso‑ka yo‑yose mai tamine 9:18

Saoro‑ya Ananiya yehe fori, aba ataro‑nima yama na, fai noko‑ka sona, ihi noko amosawame, Saoro waamise, i‑di Ananiya habahinirisawahane.

Homa 15:7

Hibati‑ya Yeso Kirisito dai‑ya kayafemari, dai ibi kayafiya, dai ene‑ya mai awiya, Deoso‑ya mai kahiyarawahaboneni.

Korito daidi 15:47

I‑di Adaho bofe‑ke atabo‑ya Deoso wamahine, Adaho owa i‑di Yeso Kirisito neme‑ke amane.

Korito daidi 15:8

Makobote amoni dameya, oawane. Yeso bofe‑ya wineya, oawaterene. Neme‑ya toki hawa toheya, oawawahemarine.

Korito daidi 9:1

Kirisito‑ka yo‑yose oharamone mai ati na, bare‑ka yo‑yose ohara, Kirisito‑ka yo‑yose ohabisani. Yeso kitame‑ya oawara‑mone mai ati na, Yeso kitame‑ya oawamaroni. Ai‑ka Hidi i‑di Yeso Kirisito ati dai‑ya okamina, owati ihi Yeso ati dai nofawahamaroni.

Timoti daidi 4:14

Hibati‑ya Deoso ati‑ya mai wato ba‑basi na, tiwa tati‑ya mai yahi fore, tiwa tamine‑ya mai hiyara, “Deoso ati ene mai tikanawatohi.” Mai ati namaroni. Mai ati timita, tiwati kadamowamariyahi. Mai ati ihi Deoso tiwa‑ya kasomatene.

Timoti daidi 5:22

Deoso ati‑ya mai hiyarabone mai ati na, mai ihi tiwibaiyahi. Mai ihi amosiya, mai tati‑ya tiwa yehe foriya, “Deoso ati tihiyariyahi.” Tinahi. Mai ihi amosara, mai tati‑ya tiwa yehe foririyahi. Tiwati yanariyahi. Ene amosare tati‑ya tiwa yehe foriya, tiwa‑ya mai awiya, tiwa‑ya mai weenaboneni. “Ene amosare ene‑nima ene nawahene.” Mai ati naboneni. Tiwa ene amosa hinama tohiyahi.

Timoti yoto‑ke 1:6

Hibati‑ya tiwa tati‑ya owa yehe fore ene Deoso tiwa‑ya kasomane yama‑ya tiwatowahabonehe. Tiwa habo kitamaro, Deoso ati tikaminiya, tiwa habo kitasa nahi.

Firimo 1:16

Hibati‑ya tikanike, hibayata tika soho tohawahane. Deoso bidi dai fama, fare tika soho tohawaha nane. Onesimo‑ya owatibodi foya, tinofaharibona owatibodi ati nineni. Onesimo‑ya tiyosemaya, tika soho‑nima tiyosenawahi.

Ebereo 6:2

Faha‑ya ai habanisa tamine dai wato, Deoso‑ka Doni ai‑ya sawi tamine dai wato, ai aba, ai kitamabone tamine dai wato, ai ene‑ya Deoso kadike, ai manakone‑ya daanebona tamine dai wato nineni. Hibayata Deoso‑ka yama kita tamine ai hiyaramakeboneni.

Bedoro yoto‑ke 3:15

Mai one Yeso ati‑ya nofara, Deoso mai‑ya nofe, Yeso ati‑ya mai nofabone mai‑ya Deoso nimanane, mai abarabonehe. Ai‑ka soho i‑di Baoro ai nofi nafi, dai‑ka yama hani‑bone‑ya kanahano, Deoso ati‑ya kaminemarine. Baoro ati‑nima yama nineni. I‑di Baoro‑ya Deoso kanawato, dai‑ya Baoro Deoso ati‑ya kaminawahemarine.