Yeso‑ka yo‑yose mai tamine 9:15 - Deoso-ka Yama Hani

¹⁵ “Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Yeso‑ka yo‑yose mai tamine 9:15 ပူးပေါင်းရင်းမြစ်များ

Mateo 10:18

Bara mai‑ka kofenado mai toha, mai‑ka hidi webote mai toha na, mai ati ihi dai‑ya mai wataboneni. Mai noki‑kaya dai nahoya, owa tamine‑ya mai‑ya dai hiyarawahaboneni. Dai‑ka hidi mai toha, Bara mai toha na, mai‑ya owa tamine‑ya dai hiyaraboneni.

Yowaho 15:16

Owa‑ya dai kadikara, dai‑ya okadikabisa, dai‑ya oyosemaroni, dai bonabonehe, dai ene amosa fawarabonehe. Yama onofa‑nima yama na dai nofa, yama dai haana‑ya Okobi daanebonane.

Yeso‑ka yo‑yose mai tamine 13:2

Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 21:19

Mai nafi‑ya Baoro hiyare, “Bara mai‑ya oka, Deoso tamine okamine, mai‑ya ohiyara, Deoso ene kite damemarine.” Ati ne. Deoso ene kite dame tamine‑ya Baoro kadikemarine.

Yeso‑ka yo‑yose mai tamine 22:14

Owa‑ya hiyaramaki, ‘Deoso ai‑ka idi mai‑ya no‑nofa‑mata tiwa‑ya kadike, Deoso‑ka Ka‑kadika amosabote‑ya tiawawaha, ati timitawahene.

Yeso‑ka yo‑yose mai tamine 22:21

Owa‑ya hiyare, ‘Tokoma kanibote tinahi. Yama yaki‑ya tiwa oyoseboneni, Bara mai‑ya.’ Ati ne.” Baoro ati nemarine.

Yeso‑ka yo‑yose mai tamine 25:22

“Fesito, maki ati miti onofini.” Akiriba ati ne. “Yama wahabisari‑ya ati timitaminebane.” Fesito ati nane.

Yeso‑ka yo‑yose mai tamine 26:1

“Baoro, tiwati omitaboneni.” Akiriba ati ne. Baoro yehe daatone, ati yanane,

Yeso‑ka yo‑yose mai tamine 26:32

“Sesa‑ya ati koboni awire‑mana, ai seekane nane.” Fesito‑ya i‑di Akiriba ati nemonane.

Yeso‑ka yo‑yose mai tamine 27:24

Owa‑ya hiyare, ‘Baoro, tiwa habo si‑siiririyahi. Sesa‑ya tikaboneni. Tiwa‑ya mai sa‑sawi Deoso ene mai nafi hasinaboneni. Mai abi awiraboneni.’ Ati nemarine.

Yeso‑ka yo‑yose mai tamine 28:17

Homa‑ya amoni fama, amoni oharimaki ne‑ya Yodeo mai‑ka hidi‑ya Baoro haane, mai kamake, mai‑ya hiyare, “Owati dai mitahi. Dai owa ama·oni. Ai‑ka idi mai ati‑ya onofa, ai‑ka mai one okakoterani, mai‑ya wee·orihi oteni. Hiniya owa‑ya mai kako kofina, Yerosare‑ya owa‑ya mai daanineni, homano mai‑ya.

Yeso‑ka yo‑yose mai tamine 28:28

“Owati dai mitahi. Bara mai‑ya Deoso ati tokawahebona, Deoso ati‑ya mai nofabisaboneni, Deoso mai‑ya kasomebonane.” Baoro ati nemarine.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Homa 11:13

Bara dai toha, dai‑ya ohiyarabone, Deoso owa‑ya yosemarine. Yeso Ati Amosabote dai‑ya okaminabone ati ne, ati ene ya‑yai·oneni.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito daidi 9:16

Deoso ati okaminabisa, owa‑ya okahiyari awirini. Deoso owa‑ya yosemarine, Kirisito tamine okaminebonaha. Ati okamini awire‑mana, owa‑ya nakome nane.

Karatiya 1:1

Baoro ama·oni. Dai‑ka yama hani‑bone okanahanowahaboneni. Yeso Kirisito‑ka yo‑yose ama·oni. Owa‑ya mai one yoseramaroni. Yeso Kirisito‑ta owa‑ya yosemarine. Yeso Kirisito abemari, Deoso hinakitamemari, makobote Yeso Kirisito Badi i‑di Deoso eyehe owa‑ya yosemarine.

Efesiyo 3:1

Bara dai tamine‑ya owatibodi kadika, dai tamine‑ya Deoso‑ya ohiyarateni. Yeso Kirisito tamine‑ya dai‑ya okaminamaro, kadeya‑ya owa‑ya mai nawaamaroni.

Timoti daidi 2:7

Deoso owa‑ya kadike, owa‑ya yosemarine, Yeso tamine ohiyarabonehe. Keyehe‑ya hiri·oterani. Deoso Ati Amosabote okaminabisateni. Bara mai okanawataboneni, Yeso tamine‑ya mai watowahabonehe.

Timoti yoto‑ke 1:11

Fara ihi Deoso ati ene Yeso owa‑ya yose, Bara mai tabori‑ya oka, Deoso Ati Amosabote okamina, mai okanawatoneni.

Timoti yoto‑ke 2:4

Sodado mai toha kofeno‑ka yama‑ya mai anina, mai‑ka yama anini ohariteni. Fara mai‑nima Yeso‑ka yama‑ya ai aninabone, yama one ai nokotoniriyahi, ai‑ka Hidi i‑di Yeso Kirisito ya‑yainebonaha.

Yeso Kirisito ene‑bona 17:14

Mai‑ka sodado Kaneiro Bidi‑ya mai ati bisinabone, Kaneiro Bidi mai‑ya bisinibisebonane. Kaneiro Bidi hidi bidi mai nafi‑ka hidi tohe, hidi webote mai nafi‑ka hidi toha nane. Bofe‑ka mai one‑ya Kaneiro Bidi haanemari, mai‑ya kayawemari, Deoso hawine‑ya mai sawi oharemaroni. Kaneiro Bidi‑ya mai dabineni.” Deoso‑ka yo‑yose ati nene.