Yeso‑ka yo‑yose mai tamine 8:5 - Deoso-ka Yama Hani

⁵ Samariya‑kaya i‑di Firibi toke, Kirisito tamine‑ya mai‑ya hiyarane.

Yeso‑ka yo‑yose mai tamine 8:5 ပူးပေါင်းရင်းမြစ်များ

Yeso‑ka yo‑yose mai tamine 1:8

Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Yeso‑ka yo‑yose mai tamine 21:8

Mahi owa‑ya oda towakatasa, Sesareya‑ya oda kobokana, Firibi‑ka yobe‑ya oda wina, hibati‑ya mai 7 tohabone mai i‑di Bedoro mai hikadikamaro, fare i‑di Firibi ohari Yeso tamine‑ya hiyaratene.

Yeso‑ka yo‑yose mai tamine 5:42

Mai ati fawara, mahi‑nima Deoso‑ka yobe‑ya Yeso tamine‑ya mai one‑ya mai kanawato, yobe owa‑ya mai toka, Yeso Kirisito tamine‑ya mai kamina namoneni.

Yeso‑ka yo‑yose mai tamine 6:5

Mai ati‑ya mai mita, mai ya‑yaina, mai 7 kana mai‑ya mai kadika, i‑di Tefaho‑ya mai kadiki dai toha, Tefaho Yeso ati‑ya nofi nafi, Deoso‑ka Doni ati‑nima ene ne, Firibi, Bokoro, Nikano, Timaho, Bamena, Nikorao mai na, mai‑ya mai kadikamoneni. Nikorao Bare tohe, tabaro oni Atioki tohemata, Yodeo mai‑ya sawimari, sawine.

Yeso‑ka yo‑yose mai tamine 8:1

Tefaho abe‑ya i‑di Saoro awe, ya‑yaine. Yerosare‑ya mai wi‑wina Yeso ati‑ya mai no‑nofa mai‑ya mai bisinawaha, mai ihi tabora bide‑kaya mai tokawaha, Yodeya‑kaya mai one toka, Samariya‑kaya mai one toka na, Yeso‑ka yo‑yose mai‑ta mai kanani awirani.

Yeso‑ka yo‑yose mai tamine 8:26

Deoso‑ka yo‑yose i‑di Firibi‑ya hiyare, “Bato‑kaya tikamakihi. Yerosare‑ka hawi‑ya Kasa‑ka hawi waana‑ya tikamakiyahi.” Deoso‑ka yo‑yose ati ne. Kasa‑ka hawi‑ya mai winaterani.

Yeso‑ka yo‑yose mai tamine 8:30

Firibi kanani tokomaki, Isa·iya‑ka yama hani‑ya maki kadike, ati‑ya mite, “Yama hani tikadika tiwatoneni?” Firibi ati ne.

Yeso‑ka yo‑yose mai tamine 8:40

Deoso‑ka Doni ene Asoto‑ya Firibi kobone, yananamatase, hini tabaro Sesareya‑ya tokome, Sesareya‑ka hawi‑ya mai kobohine, Yeso Ati Amosabote‑ya mai‑ya hiyare, tokome, hini tabaro‑ya kobotonamemonane.

Yeso‑ka yo‑yose mai tamine 8:6

Firibi ati‑ya mai dama mai mita, ene kite mai hiawa, ati mai atibodi hikadika hine,

Yeso‑ka yo‑yose mai tamine 9:20

Deoso‑ya mai hi‑hiyara‑ke yobe‑ya i‑di Saoro Yeso tamine‑ya hiyare, “I‑di Yeso, Deoso Bidi amane.” Ati ne.

Korito daidi 1:23

“Yeso Kirisito awa‑ya mai baahikane, ai manakone‑ya nanahabematane. Ati dai nofeya, Yeso hawine‑ya dai sawi‑bone, Deoso tabaro‑ya dai kobonaboneni.” Oda ati na, Oda ati‑ya Yodeo mai mita, mai atibodi yama‑ya kadika, “Yeso oda manakone‑ya nanahabare, oda manakone oda nanahababisineni.” Mai atibodi ati na, Ai taratokana‑nima mai na, Deoso tabaro‑ya mai koboraboneni. Oda ati‑ya Kereko mai mita, oda‑ya mai hahakana, “Yeso hawine‑mona‑ya oda sawiraboneni.” Kereko mai ati teni.

Korito daidi 2:2

Yama bara tamine ohiyari awira, Yeso Kirisito tamine‑ya ohiyarabisamaroni. “Yeso mai baahikane, abematane.” Onamaroni.

Korito daidi 3:11

Yeso Kirisito ati‑ya mai nofi awiriya, Kirisito tamine‑ya mai kaminara, mai‑ka yobe tati mese ewene Yeso tohare, Deoso‑ka yobe mai tohi awiraboneni.