Yeso‑ka yo‑yose mai tamine 8:1 - Deoso-ka Yama Hani

¹ Tefaho abe‑ya i‑di Saoro awe, ya‑yaine. Yerosare‑ya mai wi‑wina Yeso ati‑ya mai no‑nofa mai‑ya mai bisinawaha, mai ihi tabora bide‑kaya mai tokawaha, Yodeya‑kaya mai one toka, Samariya‑kaya mai one toka na, Yeso‑ka yo‑yose mai‑ta mai kanani awirani.

Yeso‑ka yo‑yose mai tamine 8:1 ပူးပေါင်းရင်းမြစ်များ

Mateo 22:6

Mai mai haahina, mai one hama, hidi webote‑ka yo‑yose mai one‑ya mai bisi, mai one‑ya mai nanahaba, mai nineni.

Mateo 23:34

Deoso ati‑ya mai mi‑mita mai toha, yama‑ya mai wa‑wato mai toha, Mose‑ka yama hani ati‑ya mai ka‑kamina mai toha na, mai oyoseboneni. Oka yo‑yose mai one dai nanahaba, mai one awa‑ya dai nawaana naboneni. Deoso‑ya mai hi‑hiyara‑ke yobe‑ya oka mai one dai kosi, mai one dai kananihi naboneni.

Mateo 5:13

“Bofe‑ka mai‑ka sao dai tohateni. Sao ihi ai tefe kabi amosateni. Dai ene amosahi. Deoso ati‑ya mai nofara mai ihi‑nima dai ene riyahi. Dai ene amosa dai maakariyahi. Faha ihi sao abiya, amosawamaterani. Sao towe ai weretowititeni.

Yowaho 15:20

Owati‑maro‑ya dai ati kadamowamariyahi. Owa‑ya mai bisinamaro dai‑ya mai bisinamakeboneni. Owati‑ya mai tokadaba dai ati‑ya mai tokadabahareboneni.

Yowaho 16:2

Dai‑ya mai ati barinaboneni, Deoso‑ya mai hi‑hiyara‑ke yobe‑ya dai tokiyomamarabonehe. Dai‑ya mai nanahabiya, ‘Oda ene Deoso ya‑yainane.’ Mai atibodi ati naboneni.

Yeso‑ka yo‑yose mai tamine 1:8

Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Yeso‑ka yo‑yose mai tamine 13:1

Atioki‑ya Deoso ati‑ya mai mi‑mita mai toha, Yeso ati‑ya mai ka‑kanawato mai toha na, mai wina, i‑di Banabe toha, Simiyaho so‑sokine toha, Rosiyo Sireni‑ke toha, Manaeni Erodi mai yanikimamete mai toha, Saoro toha nane.

Yeso‑ka yo‑yose mai tamine 13:36

Owati dai mitamakihi. Hibati‑ya Deoso ati‑ya Dafi nofe, bote toheya, abo batematane.

Yeso‑ka yo‑yose mai tamine 2:47

Deoso‑ya mai kahiyaranade, mai ihi amosa, mai‑ya mai dami nofa, mai‑nima Yeso ati‑ya mai one nofamake, mai‑ya mai dabamakineni.

Yeso‑ka yo‑yose mai tamine 22:20

Tika soho i‑di Tefaho yati‑ya mai nanahaba, mai‑ya osawe ihi ya‑yai·ona, mai‑ka bora mai tanihina onawadamaroni.’ Ona,

Yeso‑ka yo‑yose mai tamine 26:10

Yerosare‑ya Yeso ati‑ya mai no‑nofa mai bisi·onamaroni. Deoso‑ka yama‑bone‑ya mai da‑daa mai‑ka hidi mai ati ihi Yeso ati‑ya mai no‑nofa kadeya‑ya mai onafoya, makobote mai‑ya mai nanahaba, mai ihi ya‑yai·onamaroni.

Yeso‑ka yo‑yose mai tamine 5:18

Yeso‑ka yo‑yose mai‑ya mai waratona, kadeya‑ya mai‑ya mai nafoya,

Yeso‑ka yo‑yose mai tamine 5:20

“Deoso‑ka yobe‑ya mai naha, mai dai hiyarabone, dai tokomahi. Yeso ati‑ya mai nofiya, mai manakone ababone, Deoso mai‑ya ati somawamebona tamine dai kaminiyahi.” Deoso‑ka yo‑yose ati nemonane.

Yeso‑ka yo‑yose mai tamine 5:33

Yeso‑ka yo‑yose mai ati‑ya mai‑ka hidi mai mita, mai yawi kita, “Mai ai nanahabahi.” Mai ati namoneni.

Yeso‑ka yo‑yose mai tamine 5:40

Kamari·eo ati‑ya mai mita, Yeso‑ka yo‑yose mai‑ya mai haana, mai kama, mai‑ya mai bisina, mai‑ya mai saatokasa, “Yeso tamine‑ya dai hiyaramariyahi. Dai tokahi.” Mai ati namoneni.

Yeso‑ka yo‑yose mai tamine 7:38

Tabora awiri‑ya i‑di Mose mai yorotokana, Deoso‑ka yo‑yose ati‑ya mai mitameteni. Sinai adami‑ya i‑di Mose tokomorose, Deoso‑ka yo‑yose ati himitemata, ati ai nofa, ai abarabone, ati hikanahanomata, ati ai fawaniterebonaha.

Yeso‑ka yo‑yose mai tamine 7:54

Tefaho ati‑ya mai mita, mai yawi kita, mai nafi ini kawakosa,

Yeso‑ka yo‑yose mai tamine 7:58

tabora awiri‑kaya Tefaho‑ya mai horoni towaka, yati‑ya Tefaho‑ya mai baana, mai hinahabe, yati‑ya mai werenisa, i‑di Saoro yetene teme‑kaya mai‑ka bora‑ya mai nawiyineni.

Yeso‑ka yo‑yose mai tamine 8:14

Yerosare‑kaya Yeso‑ka yo‑yose mai wina, Samariya‑kaya mai wi‑wina Deoso ati‑ya mai nofawahamone, mai tamine‑ya Yeso‑ka yo‑yose mai mita, Bedoro, Yowaho mai fama, mai‑ya mai yose, “Samariya‑ya mai wi‑wina mai dai tonakahi!” Mai ati na,

Yeso‑ka yo‑yose mai tamine 8:2

Deoso ati‑ya mai no‑nofa Tefaho abo‑ya mai kama, mai ohinadineni.

Yeso‑ka yo‑yose mai tamine 8:4

Tabora bide‑ya mai toka, Yeso ati‑ya mai kaminamoneni.

Yeso‑ka yo‑yose mai tamine 8:5

Samariya‑kaya i‑di Firibi toke, Kirisito tamine‑ya mai‑ya hiyarane.

Yeso‑ka yo‑yose mai tamine 9:31

Yodeya, Karireya, Samariya na‑ya, mai wi‑wina mai‑ya mai bisinami awira. Yeso ati‑ya mai no‑nofa mai dodamawahani. Deoso‑ka Doni mai‑ya kasome, Deoso ati‑ya mai tokadabamoneni.

Homa 1:32

Mai ihi amosara‑ya mai nokotonihe, hini mai ihi‑ya mai saatonakosara. Deoso mai hinahababone, hini mai‑ya mai watobisa, mai korikasara, mai ihi‑nima mai one ihi namakitasa, mai ya‑yainibisineni.

Firibo 1:12

Oka soho dai toha, yama‑ya dai watowahabone, dai‑ka yama hani‑bone okanahanaboneni. Kadeya‑ya owa‑ya mai nawaa, mai ihi Kirisito tamine‑ya mai one mitawahineni. Owa‑ya mai nawaara‑mani, Yeso tamine‑ya sodado mai mitara neni. Owa‑ya mai nawaa, Yeso Ati Amosabote‑ya mai‑ya okaminineni.

Ebereo 11:27

Deoso ati‑ya i‑di Mose nofe, Eyito‑ya winemata, tabora bara‑ya tokawahe. Atibodi ati, “Eyito mai‑ka hidi owa‑ya kako, yama sibaraboneni. Owa habo siitoraboneni. Hibayata Kirisito oawara makobote oawebona, owa manakone amosa‑ya daanebonane.” Atibodi ati nematane.