Yeso‑ka yo‑yose mai tamine 7:25 - Deoso-ka Yama Hani

²⁵ ‘Deoso ene mai nafi okasomiya, mai owakamabone, yama‑ya oka mai wata awini.’ I‑di Mose atibodi ati ne, mai‑ya towakamebona‑ya mai wato awirameteni.

Yeso‑ka yo‑yose mai tamine 7:25 ပူးပေါင်းရင်းမြစ်များ

Maroko 9:32

Yeso ati‑ya mai watora, Yeso‑ya mai nayofina, mai ati yanarameteni.

Roka 18:34

Yeso ati‑ya mai mita, yama‑ya mai watorameteni. Ati yokana‑ya kemo‑nima nane. “Yama bara tamine‑ya Yeso hiyare awane.” Mai atibodi ati nameteni.

Roka 9:45

Deoso ati ene Yeso ati‑ya mai watora, Yeso‑ya mai nayofina, mai ati yanarameteni.

Yeso‑ka yo‑yose mai tamine 14:27

Mai kobokanama, mai ati ihi Kirisito‑ka mai‑ya mai yorotokana, Deoso mai‑ya kasome tamine‑ya mai kamina, “Yeso ati‑ya Bara mai nofawahineni, Deoso ene.” Mai ati namoneni.

Yeso‑ka yo‑yose mai tamine 15:4

Yerosare‑ya mai kobona, Kirisito‑ka mai‑ya mai hiyara, Yeso‑ka yo‑yose mai toha, bote mai toha na, mai‑ya mai hiyara, “Deoso oda‑ya kasome, oda ati ene Yeso ati‑ya Bara mai nofawahineni.” Mai ati na.

Yeso‑ka yo‑yose mai tamine 15:7

Mai dami hiyari hawa tohiya, Bedoro waamise, “Soho, owati dai mitahi. Hibati‑ya Deoso owa‑ya yosemarine, Bara mai‑ya Yeso Ati Amosabote ohiyarabonehe. Bara owati‑ya mai mita, Yeso ati‑ya mai nofawaha, mai dai watoneni.

Yeso‑ka yo‑yose mai tamine 21:19

Mai nafi‑ya Baoro hiyare, “Bara mai‑ya oka, Deoso tamine okamine, mai‑ya ohiyara, Deoso ene kite damemarine.” Ati ne. Deoso ene kite dame tamine‑ya Baoro kadikemarine.

Yeso‑ka yo‑yose mai tamine 7:24

I‑di Mose toke, Isara·eo‑ke owa‑ya Eyito‑ke owa kosine‑ya awe, Isara·eo‑ke owa‑ya kasomebona, Eyito‑ke owa manakone‑ya daane, hinahabane.

Yeso‑ka yo‑yose mai tamine 7:26

Mahi owa‑ya i‑di Mose tokomatase, Isara·eo‑ka mai fama, mai ibi weena, mai‑ya i‑di Mose awe, ‘Isara·eo‑ka dai fama, hini yamata ihi dai ibi wee?’ I‑di Mose ati ne,

Homa 15:18

Kirisito ene Bara dai‑ya ohiyara, owa ene dai awa, Yeso ati dai nofawaha, fare tamine okamini oharibonane.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito daidi 3:9

Deoso‑ka yama‑ya i‑di Aboro oda fama oda anina, Deoso‑ka fadara‑nima dai nihi, Deoso‑ka yobe‑nima dai nihi, dai nineni.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Koroso 1:29

Fara yama ani·ona, oka yama anini kitateni. Yeso Kirisito owa‑ya sawi, owa‑ya kasome, tamine okaminabonehe.