Yeso‑ka yo‑yose mai tamine 6:11 - Deoso-ka Yama Hani

¹¹ Mai ati fawana, mai one‑ya mai toka, mai ati ihi Tefaho tamine‑ya keyehe‑ya mai hirina, “Tefaho ati oda mite, ati amosarene. Mose‑ka yama hani tamine‑ya Tefaho keyehe‑ya hiri, Deoso tamine‑ya keyehe‑ya hiri ne, ati kasiro nafine.” Mai ati namoneni.

Yeso‑ka yo‑yose mai tamine 6:11 ပူးပေါင်းရင်းမြစ်များ

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 16:3

Okobi‑ya mai watora, owa‑ya mai watoharira, oda‑ya mai watora ihi dai‑ya mai kakaboneni.

Yowaho 9:29

“Mose‑ya Deoso hiyaremata oda watoneni. Ebeni‑kaya maki kakiti? Maki tamine oda wato awirini.” Mai ati nameteni.

Yeso‑ka yo‑yose mai tamine 15:21

Deoso ati i‑di Mose hikanahanomata, sabado hinama‑ya Deoso‑ya mai hi‑hiyara‑ke yobe‑ya mai hikadike, ati‑ya mai dami mitateni.” Tiyako ati nemonane.

Yeso‑ka yo‑yose mai tamine 18:6

Yodeo mai ati yawa, Baoro tamine‑mona‑ya keyehe‑ya mai hirina, Baoro‑ya mai weena, mai ati ihi, Baoro ati yawe, hika bora hibakori‑ya nanahabene, hibakori aba‑nima mai ababone mai awabonehe. “Hini dai ene dai ababoneni. Owa ene toharaboneni. Bara mai‑ya ohiyarawahaboneni.” Baoro ati nemonane.

Yeso‑ka yo‑yose mai tamine 21:28

Mai ibi haana, “Isara·eo‑ka nodi dai toha, oda dai kasomahi. Hai, mai tabori dami‑ya toke, mai‑ya hiyare, ‘Mose ati‑nima dai rihi, Yodeo mai‑nima dai rihi, Deoso tabaro‑ya dai tokarihi dai nahi.’ Ati tene. Fare ahi‑ya Deoso‑ka yobe‑ya Kereko mai‑ya kakame ene Deoso ati yawawahane.” Mai ati namaroni.

Yeso‑ka yo‑yose mai tamine 25:3

Yerosare‑kaya mai hiwakamaho.” Mai ati na. “Mai hiwakameya, ai kemoya, ai nanahabebane.” Mai atibodi ati na.

Yeso‑ka yo‑yose mai tamine 25:7

Baoro kobone, Yodeo Yerosare‑ya mai kama, mai yorotokana, Baoro tamine‑ya mai hiyara, “Baoro ati kasiro, ene amosare, Mose ati tamine‑ya mai‑ya keyehe‑ya hiri kitine.” Mai ati na. “Mai ati‑nima Baoro ene tohare awane, yama owato awirini.” Fesito atibodi ati ne.

Yeso‑ka yo‑yose mai tamine 26:11

Deoso‑ya mai hi‑hiyara‑ke yobe dami‑ya oka, mai bisi·onani, Yeso oni‑ya mai towe tonihebonehe. Owa yawi kita, wami bara‑ya mai siba·onabone, okamaroni.

Yeso‑ka yo‑yose mai tamine 6:10

Tefaho‑ya mai weena, Tefaho‑ya Deoso‑ka Doni sawi ene yama ba‑basi na‑ya wato, ati ene mai ati fawanani.

Yeso‑ka yo‑yose mai tamine 6:12

Tefaho tamine‑ya mai ati dama, mai ati ihi bote mai toha, Mose‑ka yama hani ati‑ya mai ka‑kamina mai toha, mai one toha na, mai ati yawawaha, i‑di Tefaho‑ya mai tonaka, Tefaho‑ya mai waratona, mai‑ka hidi tabaro‑ya mai hiwakamane.

Yeso‑ka yo‑yose mai tamine 6:13

Mai‑ka hidi tabaro‑ya mai kobona, mai ati ihi i‑di Tefaho tamine‑mona‑ya keyehe‑ya mai one hirina, “I‑di Mose‑ka yama hani‑ya Tefaho keyehe‑ya hiri, Deoso‑ka yobe tamine‑ya keyehe‑ya hiri ne, ati dame, ati oda mitene.” Mai ati namoneni.

Homa 3:8

“Fara ai ene amosara nafiya, ai ene Deoso‑ya mai kahiyarabone i‑di Baoro ati nene.” Mai atibodi honara mai ati na, keyehe‑ya mai hirina, haa‑nima oterani. Haa‑nima mai ati na, hini mai‑ya mai yokoteni.

Timoti daidi 1:13

Hibati‑ya Yeso ati onofara, Yeso tamine‑ya keyehe‑ya hiri·ona, Yeso ati‑ya mai no‑nofa mai‑ya bisi·ona, yama owatora, Deoso owa‑ya ati somawamemarine.