Yeso‑ka yo‑yose mai tamine 6:1 - Deoso-ka Yama Hani

¹ Yeso ati‑ya mai no‑nofa mai dodamawaha, mai fanawi bote honita toha, mai tafe‑bone‑ya mai daateni. Kereko mai ati yawawaha, “Oda‑ka fana bote mai honita waha‑ka yamata‑bone dai daana bi‑bidi, Yodeo dai‑ka fana bote mai honita waha‑ka yamata‑bone dai daana ba‑basi teni.” Mai ati namoneni.

Yeso‑ka yo‑yose mai tamine 6:1 ပူးပေါင်းရင်းမြစ်များ

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Yeso‑ka yo‑yose mai tamine 11:20

Sibe‑ka mai toha, Sireni‑ka mai toha na, Atioki‑ya mai toka, Bara mai‑ya ai‑ka Ayo Yeso tamine‑ya mai hiyarawaha,

Yeso‑ka yo‑yose mai tamine 11:26

Saoro‑ya wasi, Atioki‑ya Saoro‑ya kakame, Yeso ati‑ya mai no‑nofa faha fowe ohare‑ya mai‑ya mai daba, mai‑ya mai kanawata, Kirisito‑ka mai amani, mai ati nawawahamoneni, Atioki‑ya.

Yeso‑ka yo‑yose mai tamine 11:29

Yeso ati‑ya mai no‑nofa mai ibi hiyara, “Yodeya‑ya mai wi‑wina mai tafe wadara. Mai‑ka yinero‑ba ai daanahi. Mai tafe‑ba‑ya mai kanikibakaro.” Mai ati namoneni.

Yeso‑ka yo‑yose mai tamine 2:41

Bedoro ati‑ya mai nofa, mahi ohari‑ya 3000 mai kana mai habanisa, Bedoro mai‑ya mai dabawahamoneni.

Yeso‑ka yo‑yose mai tamine 2:45

Fadara‑ya mai kiha, mai‑ka fadara‑ya mai daana, yinero‑ya mai kanika, yinero‑ya mai ebe, yama bara‑ya mai daana, yinero‑ya mai ebe nineni.

Yeso‑ka yo‑yose mai tamine 2:47

Deoso‑ya mai kahiyaranade, mai ihi amosa, mai‑ya mai dami nofa, mai‑nima Yeso ati‑ya mai one nofamake, mai‑ya mai dabamakineni.

Yeso‑ka yo‑yose mai tamine 4:4

Bedoro mai ati‑ya mai one mita, Yeso ati‑ya mai nofawaha, maki mai dama 5000 mai kana Yeso ati‑ya mai nofawahamoneni.

Yeso‑ka yo‑yose mai tamine 5:14

Yeso ati‑ya mai no‑nofa mai dodamawaha, mai makidi toha, mai fanawi toha nineni.

Yeso‑ka yo‑yose mai tamine 5:28

“Dai hiyari fawanahi. Yeso tamine dai hiyaramarabone oda ati namaro, dai ati fawarani. Yeso oda nanahabamone dai ati na, dai ati‑ya Yerosare‑ya mai wi‑wina mai nafi mitani.” Deoso‑ka yama‑bone‑ya mai da‑daa mai‑ka hidi ati nemonane.

Yeso‑ka yo‑yose mai tamine 6:2

Yeso‑ka yo‑yose mai 12 kana, Yeso ati‑ya mai no‑nofa mai dami‑ya mai yorotokanihe, mai‑ya mai hiyara, “Deoso ati kamini oda maakaniya, yamata oda daaniya, yama ati kasirani.

Yeso‑ka yo‑yose mai tamine 6:7

Mai ihi Yeso tamine‑ya mai dami mita, Yerosare‑ya Yeso ati‑ya mai no‑nofa mai dodamamaki, Deoso‑ka yama‑bone‑ya mai da‑daa Yeso ati‑ya mai dami nofa, ati‑ya mai tokadabamoneni.

Yeso‑ka yo‑yose mai tamine 9:29

Yodeo mai one, Kereko mai ati‑nima mai ati na, mai‑ya Yeso tamine‑ya hiyare ene mai ati yawa, fai‑ya mai ati nanahabamoneni.

Yeso‑ka yo‑yose mai tamine 9:39

Bedoro eyehe mai kama, yobe nemehe‑ya mai tokomisama, mai fanawi honita toha, hibati‑ya mai‑ka yobote mai abamaro, mai‑ya Tabita ka‑kasoma, abawaha, tabiyo mai ohina, mai naha, “Bedoro, oda‑ka bora i‑di Doka wamahinamaro, tiawahi.” Mai ati na.

Yeso‑ka yo‑yose mai tamine 9:41

Bedoro Tabita yahi‑ya waratone, Tabita‑ya nawaamisame, mai fanawi honita‑ya haa, Yeso ati‑ya mai no‑nofa mai‑ya haa ne, mai kamake, “Tabita kitama, dai awahi.” Ati nemonane.

Homa 12:7

Mai‑ya ka‑kasoma dai one atibodi‑ya Deoso yofikane, fare dai‑ya yofikane‑nima mai‑ya dai kasomahi. Mai‑ya ka‑kanawato dai one‑ya Deoso yofikane, fare dai‑ya yofikane‑nima mai‑ya dai kanawatohi.

Korito daidi 10:10

Deoso ati‑ya mai nofara, Deoso‑ya mai weena, mai ihi Deoso‑ka yo‑yose kise, mai‑ya nanahabematane. Mai‑nima ai riyahi.

Korito yoto‑ke 11:22

Ebereo mai toha, fara ebereo ama·oni. Isara·eo‑ka nodi mai toha, fara Isara·eo‑ka nodi ama·oni. Abaraho‑ka nodi mai toha, fara Abaraho‑ka nodi ama·oni.

Firibo 3:5

Wada yati oha, owa amoni 8 kani‑ya owa sowiri tati ataro‑ya mai wisinakosameteni. Oka idi yokana Isara·eo amane. I‑di Besami‑ka owa ama·oni. Oka idi mai nafi Yodeo mai tohateni. Mose‑ka yama hani ati‑nima oteni. Fariseo owa ama·oni. Mose‑ka yama hani oda nokotonihemaroni.

Timoti daidi 5:3

Mai‑ka madehe awira, mai‑ka yobote mai abamaro, mai bote toha, mai tikasomahi.

Timoti daidi 5:9

Fana mai fanamaro, mai‑ka yobote mai abamaro, mai makidi one‑ya mai nokotonira, mai‑ka faha fowe 60 kana, mai tikadikiya, mai oni tikanahanoya, mai tikasomiyahi, Deoso‑ka yinero‑ya.

Ebereo 13:1

Ai‑ka ayo ai‑ya nofi‑nima ai ibi nofiyahi.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.

Tiyako 4:5

Deoso ene hika Doni ai‑ya sawi, ai‑ya kayawi kitebona Deoso‑ka yama hani ati na, ati honita toha‑mone dai ati na awineni. Deoso ati honita tohaterene.

Tiyako 5:9

Dai owa tamine dai kaminariyahi. Dai ibi soho na, dai ibi ene kadikariyahi. Ai nafi ene‑ya Ka‑kadika‑bona kamebona nokobi‑ya waane.