Yeso‑ka yo‑yose mai tamine 5:41 - Deoso-ka Yama Hani

⁴¹ Yeso‑ka yo‑yose mai toka, mai ya‑yaina, “Yeso‑nima oda nawaha, oda‑ya mai bisinamakineni.” Mai atibodi ati na. Mai ya‑yainamoneni.

Yeso‑ka yo‑yose mai tamine 5:41 ပူးပေါင်းရင်းမြစ်များ

Roka 6:22

Dai‑ka Ayo neme‑ke‑ya dai nofa ihi dai‑ya mai kako, dai‑ya mai kananihe, dai‑ya mai wee na, Deoso dai‑ya kasomebona,

Yowaho 15:21

Owa‑ya yose‑mari‑ya mai watora, owa‑ya mai nofi awirani. Fara dai‑ya mai bisinaboneni.

Yeso‑ka yo‑yose mai tamine 21:13

“Hini yamata ihi dai ohina? Dai ati ene owatibodi koma, Yerosare‑ya owa‑ya mai sokiniya, sibaraboneni. Yeso tamine ene owa‑ya mai nanahabiya, o·abiya, sibaraboneni.” Baoro ati nemarine.

Yeso‑ka yo‑yose mai tamine 5:21

Deoso‑ka yo‑yose ati‑ya mai mita, Deoso‑ka yobe‑ya mai tokoma, yama wahabisari‑ya mai tokiyoma, mai‑ya mai kanawatoneni. Deoso‑ka yama‑bone‑ya mai da‑daa mai‑ka hidi toha, hidi‑ka mai one toha na, mai yorotokana, Isara·eo‑ka nodi mai‑ka webote mai dami‑ya mai haana, sodado mai‑ya mai yose, “Kadeya‑ya Bedoro mai foya, mai dai towamakihi.” Mai ati namoneni.

Homa 5:3

Hibayata Yeso ati‑ya ai no‑nofa, Yeso ati‑ya mai nofara ai‑ya mai kaka, ai‑ya mai bisi na, fara mai ihi ai yawara ai ya‑yainibisa, ai komene ene ai habo kiti ba‑basi nabone ai watoneni.

Korito yoto‑ke 12:10

Kirisito ene‑ya mai awabone, ya‑yai·oteni. Owa eme koma, ya‑yai·ona, owa‑ya mai weena, ya‑yai·ona, oka yama wadara, ya‑yai·ona, owa‑ya mai bisina, ya‑yai·ona, oteni. Owa eme kitara, Kirisito owa‑ya kasome ene, owa ene kitateni.

Firibo 1:29

Kirisito‑ka dai amani, Yeso ati dai nofaro. Deoso dai‑ya nofe, Kirisito ati dai tokadabiya, dai‑ya mai nakomaboneni. Dai‑ya mai bisina, dai ya‑yainahi.

Ebereo 10:34

Kadeya‑ya dai one foya, mai‑ya dai kasoma, mai dai yobikanamaroni. Dai‑ka yama mai kayafa, dai yawara, “Oka yama mai kayafa, sibaraboneni. Neme‑ya oka yama amosabote hasina, mai kayafateraboneni.” Dai atibodi ati namaroni.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Tiyako 1:2

Oka dai toha, yama amosara dai‑ya kobona, dai yawara, dai ya‑yainibisahi.

Yowaho faina 1:7

Yeso Kirisito ati ene mai tokineni, Deoso tamine‑ya mai hiyarabonehe. Deoso ati‑ya mai nofara mai‑ka yinero‑ya mai kayafaterani.