Yeso‑ka yo‑yose mai tamine 5:31 - Deoso-ka Yama Hani

³¹ Deoso ene Deoso‑ka kanika‑ya hina·itari, itarine, ai nafi‑ka hidi toha, ai manakone‑ya nanahaba toha nane. Isara·eo‑ka hini mai tamine‑ya mai kamina, mai‑ya Deoso ati somawamebonane.

Yeso‑ka yo‑yose mai tamine 5:31 ပူးပေါင်းရင်းမြစ်များ

Mateo 1:21

Deoso Bidi hiyose, Mariya dori‑ya foye, wadeya, oni Yeso tohebonane. Mai ati kasira mai manakone‑ya nanahabebonane.” Deoso‑ka yo‑yose ati wadarine ati nematane.

Mateo 28:18

Makobote Yeso oda‑ya kobone, oda‑ya hiyare, “Neme, Bofe na‑ka hidi ohawahineni.

Maroko 2:10

Owati ihi ai owa ene towe manakone wadamare, dai awaboneni.” Yeso ati nemarine. Maki kiyane‑ya hiyare,

Maroko 4:12

Deoso‑ka yama hani ati‑maro‑nima mai nawahani. ‘Owati‑ya mai mita, owa ene‑ya mai awa na, mai narabi hawira, yama‑ya mai wato awiraboneni. Mai narabi hawe‑mani, mai ihi‑maro‑nima mai ihi namariya, mai ihi manakone‑ya Deoso haanamare nane.’ Yama hani ati namaroni.” Yeso ati nemarine.

Roka 2:11

Hibayata Dafi tabaro‑mata‑ya ewe wade, dai‑ya Ka‑kasoma‑tebona amane. Deoso‑ka Ka‑kadika amane. Ai‑ka Hidi Webote amane.

Roka 24:47

Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.

Yowaho 4:42

Fana‑ya mai hiyara, “Yeso tamine tikamina, tiwati oda nofaroni. Hibayata‑ka Yeso ati oda mitawaha, Yeso ati oda nofa, ati oda tokadabawahane. Bofe‑ya mai wi‑wina mai nafi‑ya kasomebona oda watowahane.” Mai ati namaroni.

Yeso‑ka yo‑yose mai tamine 11:18

Bedoro ati‑ya mai mita, fai‑ya mai weenami awirani. “Deoso amosabote amane, ai‑nima mai nawaha, Deoso‑ya mai tamine‑ya Bara mai kamina, mai‑ya Deoso ati somawamebonane. Mai abateraboneni.” Mai ati namoneni.

Yeso‑ka yo‑yose mai tamine 13:23

Dafi‑ka nodi i‑di Yeso tohe, Deoso ati ene ai nafi manakone‑ya Yeso nanahabane. Hibati‑ya Deoso ati yananemata ati‑nima yama nawahani.

Yeso‑ka yo‑yose mai tamine 2:33

Deoso neme‑ya hiwakame, Deoso‑ka kanika‑ya itariwahe, Yeso‑ya Deoso‑ka Doni sawimari, Yeso ati ene oda atibodi‑ya sawiwahe, ene dai ati‑ya oda hiyarawahineni.

Yeso‑ka yo‑yose mai tamine 2:36

Isara·eo‑ka nodi dai toha, yama dai watohi! Yeso dai baakanemari, Deoso ene ai nafi‑ka Hidi tohe, Kirisito amane. Dai ati kadamowamariyahi.” Bedoro ati nane.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Yeso‑ka yo‑yose mai tamine 3:19

Deoso‑ya dai‑ya dai kaminawaha, Deoso dai‑ya ati somawame, dai ene‑ya kadikamaterebonane.

Yeso‑ka yo‑yose mai tamine 3:26

Deoso Bidi‑ya nakitami hawa tohe, dai‑ya hiyosemi dai hihemarine. Dai‑ya kasomebona, dai ene towe tohamarabonehe.” Bedoro ati nemonane.

Yeso‑ka yo‑yose mai tamine 4:11

Yobe‑ya mai wa‑wama mai‑nima dai na, yobe‑ka yati amosabote‑ya dai nofara, dai ene yati‑ya mai nanahabamaroni. Deoso‑ka yati‑nima Yeso ne, dai nofare, dai ene mai hinahabe, Deoso ene kitame, Deoso‑ka yobe‑ke yati amosabote tohawahene.

Korito yoto‑ke 2:10

Ene amosaremari, ene amosawame dai ati somawamiya, owati somawamahare, Kirisito owa‑ya aweya, owati somawama, dai owa‑ya owati somawamiya, dai‑ya kasomahareba awineni.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Firibo 3:20

Ai‑ta Deoso tabaro‑ya ai tabaro yokana toha, ai‑ka Ayo i‑di Yeso Kirisito ai manakone‑ya nanahabemata, ai nimane, neme‑ya kamebonane.

Koroso 1:14

Yeso ai manakone‑ya nanahabe, ene Deoso ai‑ya ati somawamane.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Tito 2:10

Yama dai botira, dai ene amosa‑ya dai‑ka hidi mai awiya, mai ya‑yainaboneni. Deoso ene dai ene amosa‑ya mai awiya, Deoso ati‑ya mai nofaba awineni.” Tinahi.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 2:10

Yama nafi‑ya Deoso wamanemata, hika yama toha, ai ene amosara manakone‑ya ai‑ka Hidi‑bona nanahabebona, Deoso ene amose ene Yeso komene kitematane, amosabote tohebonaha. Yeso ene Deoso bidi mai dodamawahani.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Bedoro yoto‑ke 1:11

Ai‑ka Ayo Yeso Kirisito tabaro abaterebona, fare‑ya dai koboniya, Deoso ya‑yainebonane. Dai‑ka yama dai kayafawahabone, dai abamateraboneni.

Bedoro yoto‑ke 2:20

Mai atibodi bisa toha Satanasi mai‑ya barikane, makobote ai‑ka Hidi i‑di Yeso Kirisito mai‑ya seekane, Satanasi ati‑ya mai nofamatasa, Satanasi mai‑ya barikanamatase, mai‑ya barikani kitawahebonane.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.

Yoda‑ka yama hani 1:25

Deoso ohari tohe, amosabote tohe, kitabote tohe, ai dami‑ka Hidi tohe, Yeso Kirisito oda‑ka Hidi dai fama, hibati‑ka dai toha, hibayata‑ka dai toha na, makobote yama nafi abiya, hini dai toha, dai tohasa naboneni. Feye amani.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.